Matthew 20:11 - ASII LAKDAP Bible (BSI)

¹¹ Tsangshiq raq wakchongti we jaq wa tsangshiq jaq maq kra jaülot raütiishe, waktati we kra chongsea she, akha ngutiishe botnyan trangto.

Hawa Naga Bible 2001

¹¹ Yauk mauk lvp yix maq tsuinghez rueq,

Muklom

¹¹ Jakthang kap atho ning pik tangteywa thima khaba tita.

Matthew 20:11 Referencias Cruzadas

Matthew 20:10

Kriikha maq, maiq ranap apha shaqshaq na kaitibi raq tiima ka, tsangshiq riikla jaq maq ka apa lin milap rong i sham nguta, jaq maq jaü lam maq tiimato. Shatmaq tsangshiq miimin kamsii siichhuqchhuq li kuqto.

Matthew 20:12

‘Ara rajiko na shamti thun ara riika nari shili jaq shamto. Shatmaq, naishiq ka ranaiq minru chumtsi shekii wiita nin laita jaqsham wankai. Shatmaq ümniiraq tsangshiq jaq maq kiimin naishiq jaqmaq krai mren siili ka jamkho kuq laü?’ nguta apaiq ma waito.

Mark 14:5

Arka kampho kamsii shitsam thaq na apa pha sha chang wa. Raüta, kra kampho maq miitsan maiqse kra khrum kewan chang wa!” nguta bot trangto. Kiimaq tsangshiq raq kra nyung ka sonto.

Luke 15:2

Kra chhi raüta, Phorisinok nai Thungtri shrinketibi raq, “Arwe raq ashleq arbaiq maiq thun ka taotlo! Kiimaq tsangshiq rai phaqshi seashi hai nga dam tlo!” nguta bot nyan trangto.

Luke 19:7

Kiimaq tsangshiq raq kra chhi raüta, “Arwe arka Mosheq Thungtri lang mak ngarai we jam na dü wan wawanto!” ngutiishe bottrangto.

Luke 5:30

Phorisinok phong wa maiq wiijamti nai Thungtri shrinketi nok tsangshiq kongtibi raq, Jesuq jaqshisetiim ma, “Namshiq ka jam nguto, phunta hitibi nai ahin anun phan ashleq arbaiqti rai, takshi pinshi maq phaqsiq dam tlan?” nguta bottsaüto.

John 6:41

Apaiq raq, “Ngi ahata ramungtan wa asatkiha winsii,” nguta tiichong kra tai raüta, Jehudinok ka bottrang wanto.

John 6:61

Tsangshiq botnyan trang tlaq kriika, jurmin Jesuq miika chong mak dea. Shatmaq, Jesuq riika asap. Kriikha maq, apaiq raq, “Namshiq ka ara tsii chongke bomtsi ara tai lanta, tsinhea taklot mai, athaq baiq chang she ngutiisha tiima tlan?

Acts 13:45

Paul traho bomchong kra taikaiti mungmaiqse kong ka pahea kiraitaq kra chhi raütiishe, Jehudinok ka Paul nai Barnabas ma makshu rashe she ngengsiq wanto. Kiimaq tsangshiq raq Paul raq traho bomtsi chongkuqtaq thun kra khii wan she tsangnai ka longliiq wanto. Kiimaq tsangnai ma shumtsü miitsü she shu wanto.

1 Thessalonians 2:16

Tsangshiq raq naishiq ka, Tsütsa Ahea ka Pongnok phan ma tiichhii wan rilung lap chang bomtsi ara chongke wan kiimin, wiita tangta baiq lai nguta kintangto. Shatmaq, tangta wan lot mak dea riito. Tsangshiq raq atinkhan ngarai tang wantaq kriikha maq, tsangshiq ka ümchaü sanha ngarai bu hotibi miishe jawan tlo. Arkha maq ümchaü atiisup wan na sanha, Shiikeawe tsankhiq ka tsangshiq khuthaq niishe saükito!

Jude 1:16

Tsangshiq riika wranaiqshe, abot atsaü wa trangli, kiimaq maiqse maiqtsiiq wa trang tiimin li sitlo. Tsangshiq ka tsangshiq hon atsii abi rüm tlaq kra lamphanti. Tsangshiq ka maiqmii tiishomra sea wa tiimin li. Kiimaq maiq ka shomrasiq raüta, tsangshiq wok tiipaü wan, nanok ka hirii raüta mopsiq tlo.