Matthew 19:5 - ASII LAKDAP Bible (BSI)

⁵ Kiijaq Shiikeawe raq, ‘Arkha maq maiqwe ashi raq anyung nai awe kra baiqthü raüta, ata-nyung rai pum ashi han ashi miishe mitiipum wan; raüta tsangnai ka maiqpum anai ka pumshi miili she mija wan,’ nguta chongtlo.

Hawa Naga Bible 2001

⁵ Tishox rueq jungx tueq, ‘Ekvkhoc ningkhvnc nuex miqwaz kuex vnyuiuz nuiyc vwaz gay shec ruiux vtaungx nyuiuz rulc vroc nuex httax vtueq, tsuingnueyc kuex gvnngvmx vshiz muex dvyx shex yaungx wvnc tuex,’ ngoz tueq.

Muklom

⁵ Etho Shkewa batta, ‘Iri tungkang o, miqwa eq unu ni uwa sha shing chak eq, uhimteynu jamoq kara tong na, etho ning ni sha ashey angna.’

Matthew 19:5 Referencias Cruzadas

RAPHA HIQWA LAK 34:3

Shatmaq apaiq raq kra jechakse ka shamheawiq chhi raüta apaiq raq no ka lungwiito. Kiimaq jechakse raq apaiq lungwii raüjaq nguta Dina ka tiijom nato.

2 SAMUEL 1:26

“I phunowe Jonathan lei, ngi raq ümmaajo hoq tiikang! ümniika ngi ma tsankhun luwe! Ümniiraq ngi lungwii laü ka, jechakre lungwii nam ma, ahea pinthum.

1 HOKHVMX 11:2

Apaiq raq arnok sheare lamtaq arka Tatiwe raq Israilnok ma armung thun rai sikhe sirü naq riija rongkiq nguta aming keje taümaq lamto. Jamkhano ngukla tsangshiq raq Israilnok ka Tatiwe wokhong wa tiidongho raüta laihin phra thun wokhong niishe misheaho.

Tvtsvmc 45:10

Tailaq, hokhamwe ma wati junrii nyung lei, ümnok ümta nai ümta ümwii thun wiita alaq she riibaiqlaq.

Tvtsvmc 63:8

Ngi ka ümdü niili riiwiiq tiikang, kiimaq ümjaq raq ngi ka pomshat khebomtlo.

MALAKI 2:15

Shiikeawe raq ümniika ümjamti-nyung rai han-ngam na kiimaq wenyi na pum ashi han ashi klokuq wanto riimak shea? Apaiq raq namnai tiishong nga wantaq arka jamlai miitu wa? Arka namsetiim ka riikhaqli Shiikeawe saüsetiim ma mija wan laq nguta atiishong wan. Arningkhan, namshiq liipan wa ju riimin, achak ma jaqkhaq raü atiipakuq kra, diibaiq maimak.

Matthew 19:6

Krai mren, tsangnai ka maiqpum anai ka riimak she. Pumshi lishe. Shiikeawe raq jamlai wa adam na romkuq wantaq, kra maiqse raq runbaiq maimak.”

Romans 12:9

Maiq ma lungwii tsii ka siirairai hea thü wan lili ronglaq. Jamlai wa abi phan, kriika atsaihai rii ronglaq. Jamlai wa ahea, kra jaqkhon tiipha lanta shamshat maq si ronglaq.

1 Corinthians 6:16

Namshiq raq ara bomtsi arka sap man sha. Maiq weshi jurwa mephe nyung rai hai nga tlaq, kriiwe khum ka mephe nyung rai pumshi hanshi she jaki tlo nguta chongtlo. Asii bomtsi na akha chongtlo, “Kra jechak nyung nai maiqwe ka pumshi lishe mijaki.”

1 Corinthians 7:2

Shatmaq sethoq sepii ja ngarai na dea man chang miitu, maiqwe khumtek raq tsang-nyung lam raüta siraü jiika ahea miraq. Kiimaq jechak nyungtek riimin, maiq ma wa raüta siraü jiika ahea miraq.

1 Corinthians 7:4

Atanyung ka akhum thaq na atati ka riimak. Shatmaq tsangwe ka atati. Kiikhiisii hali awese ka, akhum thaq na atati ka jalot mak. Shatmaq tsang-nyung ka atati.

Ephesians 5:31

Asii bomtsi na, “Arningkhan tiina, maiqwe ashi raq anyung nai awe tapmong wa, pongtap niishe, ata-nyung rai pumshi hanshi miishe shongnga wan tlaq ara. Krai mren, tsangnai ka pumshi miishe jawan tlo,” nguta chongtlo.

TRI CHONGKE 10:20

Tatiwe namshiq Shiikeawe wokhong na phaqchii nichii maq sironglaq. Lanta apaiq kli shomnoq ronglaq. Apaiq rai tiipum tlii lanta sironglaq. Kiimaq namshiq kiqkham bomtsi kiimin apaiq mang chong lantli kham ronglaq.

TRI CHONGKE 11:22

“Ngi raq namshiq ma thungtri raütu thun ümchuwa kuqkang kra tsapsaü kapse maq lang lanta shongnga ronglaq. Tatiwe namshiq Shiikeawe ka lungwii ronglaq. Apaiq raq aming kuqtlaq kra kun kun sham lanta sironglaq. Apaiq rai tiipumtlii lanta sironglaq.

TRI CHONGKE 4:4

Shatmaq namshiq phong wa maiq ümchu riiwa Tatiwe, namshiq Shiikeawe wokhong na tsapkapkap maq siwan lan, kriiti thun ka ümchaü ranaiq na saüli atra sitlan.

1 SAMUEL 18:1

Kiimaq Saul nai Dawit liipan na tsangnai bom riiwaiso ka lotto. Kra jai maq Saul se Jonathan raq Dawit ka pinthum atsidada miishe, apaiq pumsii jamkho lungwiitlaq kiikhiishe lungwiito.

1 SAMUEL 25:43

Dawit raq arma kongkhu niika Jejreel chela wa Ahinoam kra lamto. Riita ümchaü ka Abigail minshe lam wanto.