Matthew 18:31 - ASII LAKDAP Bible (BSI)

³¹ Kra chhi raütiishe, kongti ahinti thun ka kai tsanbi taqtaq she jonjü siq wanto. Kiimaq tsangshiq ka hokham we phana waraüta, kra akongti we haihii taq bom kriishe hokham we chongto.

Hawa Naga Bible 2001

³¹ Kvruex lvmx kuex nvrc waz vbez rueq khiz vtueq, tsuinghez kuex pinhtumc khaq ruiux, yaungx wvnc tueq lvmx phvnx ruip saz kuex hokhvmx waz muex tvtay jungx tueq.

Muklom

³¹ Arum aa somtey adak sanga tang they khi atho, ning tin rapney shitta etho ning lungwang jamnáng ka eq thaji tha bat kota.

Matthew 18:31 Referencias Cruzadas

RAPHA HIQWA LAK 37:2

Kiimaq Jakob tahii manphan ka akha. Joseph ka jerowe arawii wiiroqshi ri wiimiishi. Apaiq ka awe sku kong nai chhechhi kong kra rümdamti, awe chakliip nyung nai Bilha nai Jilpa setiim rai riito. Aphutiim raq jamlai wa abi klotlaq kra apaiq raq awe ma chong wan lili riitlo.

Tvtsvmc 119:136

I makphai sawa ka jüserai ikha kitlo, jamkhano ngukla nokmaiqse raq ümtri langmak.

Tvtsvmc 119:158

Ngi raq mung shaphaqtibi kra chhikangla, ngi ma maklii jaina toqphat ishusitlo, jamkhano ngukla tsangshiq raq ümnaq aming thun langmak.

JEREMIA 9:1

Ngi raq tiimasea kla ikhupo arka khappong chum, kiimaq imakpo wiinai ka makphai khamdü nguraüjaq ahea riichang, kra nguraü ka ranaiq rawa mihoqsiqha wa, Inok ibin jiipbaiqtaq kra miitu.

Matthew 14:9

Kra tai raüta hokham we ka atsan bito. Shatmaq welabi nai wanwe thung tlaq kra man na, akiq akhamke rea wishe kha maq, ase raq jaütaq kra lamke wa miitu, phenlabi ma aming tatto.

Matthew 18:28

“Kra jai maq apaiq ka hokham we jam maq wawanto. Raüta, hokham we sengi, apaiq kongtibi phong kiiwa maiq rai riihumto. Kriiwe raq apaiq ma kampho hingnai kechang thiitham asi riito. Apaiq ka arewe rai she riihum raüta sanha, apaiq raq arewe ka atokkun maq lapho tlii raüta, hiq na tiithaü hihi miishe, ‘I thiitham ira kuqlaq!’ nguta arewe ka wathiq se maq asitin she shiitep wanto.

Matthew 18:30

Shatmaq apaiq raq arewe bom ka taimak riito. Kiimaq apaiq raq arewe ka thiitham kha ka midok kuq wan shaq wiiwii, phaqtek mong niishe shaq baiqto.

Matthew 18:32

Krai mren she, hokham we raq kriiwe ka apaiq phaniishe tiihea kito. Raüta, ‘Ümnaq ara thiihü dise ashi!’ nguta hok wanto. ‘Ümnaq tiipaiqnea rai laü kriikha maq, ngi raq ümkha ka jonghea shatmaq, ngi raq adii riibaiq wan kang.

Mark 3:5

Jesuq raq tsangshiq ka lii raüta, atsan khiq wa la riito. Shatmaq, tsanko miika, tsangshiq shut tlaq kra nai tsangshiq tsantsii wanrai tlaq kra chhi raüta, tsangshiq ma amang chan tsi wala hali riito. Kiijiishe apaiq raq maiq we kiima, “Ümjaq phi ka tlii laq,” nguta thaüto. Krai mren, apaiq raq ajaq ka tliisaq riito. Kiimaq ajaq tsi ka tiidoqra, heakisaq heakito.

Luke 14:21

“Krai mren, ajaqshi se ka atijong we phana jang wan raüta, atijong we ma arthun tsütsa ara chong wanto. Kra tai raüta, atijong we ka kai walü wa ikhiishe khiqto. Raütiishe, apaiq raq ajaqshise ka, ‘Kilaq, juju. Chela mong na, tungkii lamkii na, shok anok ba thun kiina kilaq. Laüta, kiijaq maiq sitlaq kra phong wa, miitsan miijan maiqse, akü ashiiti, makchuk jaqmiiti thun kra ana sheaki kiq,’ nguta thaü nongto.

Luke 19:41

Apaiq ka Jerusalem chela tho niishe saühoto. Kiimaq apaiq raq chela ka lii raüta, akha nguta

Romans 12:15

Juwa acho achi maq sitlaq, kriiti rai chochi dam ronglaq. Juwa aho ajü sitlaq, kriiti rai aho ajü maq sidam ronglaq.

2 Corinthians 11:21

Ngi raq ümchaütiq, ara i jea ngaü chang lamlu ka tak tiikang ahata. Naishiq raq man na, namshiq khuthaq na akha tiitsü miingii laita, shiinüm sha lot mai dea riikai! Naishiq ka wepuq, pusut ikha siwankai ihata! Shatmaq, nanok ahinti tiishomra chang asi nguta sitlaq jiila, ngi ka angok angi we bom rai tlaq ikhiili jiimin la, ara bomrai tiikang arka ngi raq ngi miitu tiishomra chang lamlu kra jonghea asi. Ngi ka sinkhu na wati we nguta siiikang.

Hebrews 13:17

Kiimahali, namshiq ma lamsheatibi wokhong na, si lanta tsangshiq bomchong ka phaqchii nichii maq tai ronglaq. Tsangshiq raq namshiq ka, Wenyi rilung na tiichhan chhi wan miitu, naiqhü wasü hun nü wan tlo. Tsangshiq raq, Wenyi noboq jaqsham tlaq kra miitu, Shiikeawe ma heshap kewan chang asi. Namshiq ka tsangshiq wokhong na, phaqchii nichii maq tsangshiq bom tai lanta sihan jiila, tsangshiq raq shra jaqsham tlaq kra, chochikhiq maq misham. Namshiq raq tsangshiq bomchong tlea han jiila, tsangshiq ka tsan tiibishat lam miili, shra jaqsham ka misham. Kra raüka, namshiq ma jamlai achü shiiman lap chang ahü.

Hebrews 13:3

Juwa phaqtek mong na sitlaq, kriiti miitu tsan na tiima ronglaq. Lanta khrum kuq ronglaq. Namshiq maiqmii kiimin tsangshiq rai phaqtek mong na siti ikha, riiwea ronglaq. Juwa chamchao litkot mong na sitlaq, kriiti miitu namshiq maiqmii kiimin, tsangshiq rai adam chamchao tlan ikha, tiima ronglaq.