Matthew 18:28 - ASII LAKDAP Bible (BSI)

²⁸ “Kra jai maq apaiq ka hokham we jam maq wawanto. Raüta, hokham we sengi, apaiq kongtibi phong kiiwa maiq rai riihumto. Kriiwe raq apaiq ma kampho hingnai kechang thiitham asi riito. Apaiq ka arewe rai she riihum raüta sanha, apaiq raq arewe ka atokkun maq lapho tlii raüta, hiq na tiithaü hihi miishe, ‘I thiitham ira kuqlaq!’ nguta arewe ka wathiq se maq asitin she shiitep wanto.

Hawa Naga Bible 2001

²⁸ “Kvkaq nvrc waz piq kuex kvtenc waung wvnc vtueq piq htawhtuimc shashiz kop yaq nvrc waz washiz rulc rvhumc tueq, piq rueq kvruex waz kuex vduingx maq lvp vtueq, ‘Ngaz muex kuy juing khac kuex kuq koq,’ ngoz tueq.

Muklom

²⁸ “Etharin, eshi sanga tha thalat atho, arum aa somtey sanga jamoq tachong ta, bara piq jak wang shashey denari namta. Piq aa eshi sanga tha bot tho lo eq batta, ‘Nang aa chamtan namtu shi, thawel kochak phu!’

Matthew 18:28 Referencias Cruzadas

NEHEMIA 10:31

Ümchaü sanha, Asii Niitiitsak Ranaiq ranaiq lo, laihin apii ranaiq niilo, nashiq phana pongmung maiqse raq hai awong, kiimaq huk asam howan raüta shawa raü la, rimai she. Kiimaq, rawii wiimiishi apaiq tumwan tlaq rawii akhing na, wak ka shamsiq mai she. Kiimaq thamtham thiilam, alap wan chang ümchuwa sitlaq, kra thiitham athü wan kriimin, wiita adüshe mirbaiq rong i.

NEHEMIA 5:7

Kiimaq arthun khü akha arka, atritsi photsiimke chang nguta, thapthi wan kang. Krai mren, ngi raq welabi nai mung shiilangbi ka tiishut wan kang. Lata, “Namshiq raq maiqmiinok ata jehin nore ka jaram wa nanshan tlan!” nguta tsangshiq ka son kang. Latiishe, ara mungkha ara phoke miitu, ngongthung wan miitu mungmaiqse ka tiihea kang.

TAKSU LAK 28:3

Mungkhu thaq na siti tuwejong raq, miitsan maiqsetiim ka, nanshan tiichamchao raüla, rajun henghea raq tsam ajut chowa, shiithenbaiq tlaq ikha miraq.

ISAIA 58:3

Mungmaiqse raq waitlo, “Nashiq raq atu na amang maq achu jaramli wa mijaü, Tatiwe raq chhimak jiika? Nashiq ka dung seahü amang maq jaramli wa misi i, apaiq raq atsantsii kuqmak jiika?” Tatiwe raq tsangshiq ma ngutlo, “Riikhaq tengteng bomtsi ka ara. Namshiq raq amang maq achujaü tlan akhing na, namshiq riika maiqmii miitu kli tiimatlan. Kiimaq namshiq jaqshamtibi ka ahaihii riitlan.

EJEKIEL 45:9

Tati Rakaü Hiqwe raq nguto, “Israil mung pengti mungtubi lei, namshiq raq ngarai pahea tang wan lan! Namshiq mungmaiqse tsatta tlan kra kiimaq mungmaiqse ka ji maq nishishi haihü tlan kriika tsaq rongliishe. Jamlai wa tri na riikhaqli kiimaq tingting kra klo ronglaq. Namshiq raq isengi Israilnok ka maiqmii hiqshong rahai na kriiwa ahin na jojiibaiq maimak she. Arka, Ngi, Tati Rakaü Hiqwe raq chong tiikang.

Matthew 18:27

Kra tiipaiqnea hoqsii raiho kiitiishe, hokham we ka apaiq ma mangchan tsito. Krai mren siihiip we thiitham kha kra, apaiq raq adii she riibaiqto.”

Matthew 18:29

Arewe ka apaiq khaki na hiq na bumtlii raüta, ‘O kongtiwe le, ngi ma rahiq jipi dea kham kuqlaq. Ngi raq ümthiitham ka wiita dea mitham kuqkang!’ nguta nohotin she apaiq ma tiipaiqnea wanto.

Matthew 20:2

Raüta apaiq raq ranaiq shi ningchang jaq maq ka kamsii ashi ashi mikuq i nguta maiq ningchang wati krai athii ka miitangto. Raüta ningchang wati maiq ka apaiq spiqtsiro na ningchangkai tiikito.

Mark 14:5

Arka kampho kamsii shitsam thaq na apa pha sha chang wa. Raüta, kra kampho maq miitsan maiqse kra khrum kewan chang wa!” nguta bot trangto. Kiimaq tsangshiq raq kra nyung ka sonto.

Mark 6:37

“Namtsam riiriiwe khoti miina, tsangshiq ma phanshi ra tiiphaqsiq rong liina,” nguta Jesuq raq tsangshiq bom ka treto. Tsangshiq raq, “Riita, maiq achu kong arma tiiphaq sia wan miitu ka jamwo mihumki rong i? Tsangshiq ma tiiphaq sia miitu ka, naishiq raq kamsii shinai maq winsii rihai jiitiq, tsangshiq tarü khamli chhaq miraq,” nguta apaiq ma bom ka waito.

Luke 10:35

Kiimaq anap miishe, apaiq raq akhiiq wa kampho kamsii siinai ka lam raüta, wanjaptiip jamchongtiwe ma kuqto. Kra kelam maq, ‘Apaiq ka shiili laq,’ nguta chongto. ‘Kiimaq ngi ümtiikiiwa arlam maq jang wan tiikang, kiitiikaq shetiq, ümniiraq apaiq shiili lii miitu kampho ümchuwa misum haü, kra michat kuq kang,’ ” nguta bom ka chong kuq thü raüta, apaiq ka kihoto.

Luke 7:41

Jesuq raq akhiishe phankuqto, “Man na maiq wenai raq, laopan weshi jaq wa kampho namto. Weshi raq kampho kamsii shibiingi, kiimaq weshi raq roqbiingi namto.

John 6:7

Kiijiishe, “Maiqphong achu armiika kamsii shinai maq winsii ri raüta pheakuq raü min, nü chhuq min kham mak khata miraq,” nguta Philip raq treto.

TRI CHONGKE 15:2

Arka akha klowan ratlo. Maiq loweatek raq maiqmii Jehudinok ma kampho tiinam kuqtaqti tarü raq kra thiitham raüpot akha thü kra adiibaiq ratlo. Apaiq raq thiitham kampho ka jaükai maimak she. Tatiwe apaiq raq kra kha ka thumto she nguta atoqtan kun she.