Matthew 18:22 - ASII LAKDAP Bible (BSI)

²² Kiijiishe, Jesuq raq treto, “Riimak. Jang miishi na saüli li ka riimak. Shatmaq jangroq miishi ri jang miishi na saüli, ümniiraq apaiq mra ka diikuqlaq.

Hawa Naga Bible 2001

²² Yesu rueq tvralc tueq, “Tumc mvshix nuex httuiuc laz dawc kuy juing ngoz tueq ngaz rueq mnoz muex jungx mauk, tumc rok mvshix shix maq tumc mvshix nuex httuiuc laz dawc kuy mvy yaq ngoz tueq ngaz rueq mnoz muex jungx kuq vphaungx.

Muklom

²² Jesu aa batta, “Juk sannat ang moq, sannat raa juk roksanat.

Matthew 18:22 Referencias Cruzadas

RAPHA HIQWA LAK 4:24

Kain tseabaiq kha na, phuklam maiq miisaq miishi thumtaq jiika, Ashi ra raq ngi tsat raüla, iphuk lam na maiq miisaq roqmiishi ri miishi mithum.”

ISAIA 55:7

Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.

Mikha 7:19

Ümniiraq naishiq ma tiihang mangchan mikuq haü. Ümniiraq naishiq ngarai ka, ümji maq nishishi minibaiq haü. Laüta sammok tra chum na midobaiq haü!

Matthew 18:23

Ara jamkhano ngukla, Ramungtan ngutlaq kriika akha miraq. Man na hokham weshi raq, asenginok raq, apaiq kampho lakshii ka jamkhiiwa liiko wan tlaq, kra konchon wan akhing ashi tiihongto. Raüta apaiq riishe weawea kra konchon lii wanto.

Mark 11:25

Kiimaq ümtiikiiwa, namshiq raq achu jaütlan na, tsan na kongti weshi ra rai tsan riibi asi nguta tiido kiiphan la, kra mra ka adü riibaiq ronglaq. Kra riihan jiitiq, üm We Shiikeawe, ramungtan na siti riimin ümngarai thun ka midii kuq.

Romans 12:21

Abi jaqsham ma namshiq ka naq tiitang rongkiq. Shatmaq, namshiq raq abi jaqsham ka, ahea jaqsham maq tang wan lili ronglaq.

Ephesians 4:26

Maiqse ngojai na tsankhiq chang akhing ka misaü na. Shatmaq, tsankhiq tlo nguta ngarai naq tang rongkiq. Kiimaq ranaiq minru, tsankhiq shonli rashe ka naq tiicha baiq rongkiq.

Ephesians 4:31

Riita, ümchaü sanha, tiipung miirung lanta naqsi rongkiq she. Maiq bom bi tai lanta, mophok rai ka naqphok rongkiq she. Kiimaq mokhiqriq kai min, naqkhiq rongkiq she. Maiq rai morkhiikhii min naq riikhii rongkiq she. Kiimaq maiq ka moshummii kai min naq shummii rongkiq. Maiq rai makshu rashe, wesang ralii tsantsii thü min raa mak she.

Colossians 3:13

Weshi raq weshi rai, phanrap na, riinin riinin lantiishe sirong laq. Kiimaq ümtiikiiwa, namshiq liipan na, weshi ra raq kongti ma, atiibottaq chang bom la sikiiphanla, mra ka riidii riidii lanta sirong laq. Tatiwe raq namshiq mra roqkuqto she, kiikhiisii hali, namshiq nai namshiq liipan niimin, maiqmii mra ka riidii riidii lanta siraa tlo.

1 Timothy 2:8

Arkha maq maiq, barapti raq, noqku akhingtek na, maiqwere raq achu jaü ronglaq. Maiqmii khum ka Shiikeawe ma kiinong kuq lanta siti, kamasham na maiqlare nguta sitlanti ka chap lanta, asii jaq ka ra na do lanta achu jaü ronglaq. Achu jaü lam maq, tsan na akhiq abi kiimaq maiq rai riikhii riilea tiima tsantsii jam min naq thü rongkiq.