Matthew 18:10 - ASII LAKDAP Bible (BSI)

¹⁰ “Liirong laq. Namshiq raq ara atsak adoksetiim nosere ara naq tsaihai rongkiq. Ngi chongpha. Tsangshiq kheti rasetiim ka ramungtan na i We tro maq ranaiqtek khe tlo.

Hawa Naga Bible 2001

¹⁰ “Kvkhoc rvtueq nosaz saz washiz kuex nuimshiq rueq wvlc guez waqguez nauk tvyaungc kaz honc lvmz wuez shuinz. Nuimhez muex ngaz rueq jungx kuq ix, raungmungx wawc tsuingshiq kamx bix kuex raungmungx wawc Iwaz khaungkac nuex mkaq muinz httax wuez yaq.

Muklom

¹⁰ “Nim aa iri nijangsa tang wang ashey ma baluk otho aming ta nak tathin inn. Nga batphang, ning rangkamwa tang sha salwet mungtan na tongtey Iwa relna tong aa.

Matthew 18:10 Referencias Cruzadas

2 SAMUEL 14:28

Absalom ka hokhamwe rai riihum mak miili Jerusalem na wiinai sito.

1 HOKHVMX 22:19

Kiijiishe Mika raq abi ri akha tiitsuq chongkuqto, “Ümchaü min Tatiwe raq jamlai wa chongtlaq kra tairong laq! Ngi raq Tatiwe ka ramungtan na apaiq hokham ngacho na ngaraü chhikang. Kiimaq arasetiim thun ka apaiq tho na chapraqraq.

ESTHAR 1:14

Akha akhek bom riiwai wan miitu akongtibi thun ka Karshena, Shethar, Admatha, Tarshish, Meres, Marsena kiimaq Memukan riito. Ara tsangshiq wela wemiishi arka Parsia mung nai Media mung na mung peng wan damti mungtubi thaq na ajong pinthum riito.

Tvtsvmc 15:4

Shiikeawe raq juwa shiithoq baiqtaq thun ka apaiq raq saisitlo, shatmaq Tatiwe aming langti ka shrengtlo. Apaiq raq akiq khamkuqtaq miiphat wranaiqshe tiipoi mak shamkuqtlo, ümtinkhan athii atsinwiq jiimin shamkuq wan ruq riitlo.

Tvtsvmc 17:15

Shatmaq ngi riikla ümsham michhiha, jamkhano ngukla ngi raq ajiq klomang; kiimaq ümtiikiiwa ngi ka akon maq misamha, ümniirai mantut na peokhiq she misiha.

Tvtsvmc 34:7

Apaiq rase raq Tatiwe shrengtibi ka kheshat tiiwongtlo kiimaq akhlaq chang wa tsangshiq ka tiichhiikuqtlo.

Tvtsvmc 91:11

Shiikeawe raq arasetiim ma ümniika tiikheshat miraq raüta ümniika ümbana kihaü jiimin khebomshat miraq.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

JEKERIA 4:10

Jamkhano ngukla, tsangshiq ka jaqthiq dongmak nguta atsutsa riito. Shatmaq tsangshiq raq Jerubabel ka tsankhun maq Shomjam hai wan ka nungpaq mak maq shiichaq wan ruq maq sham wantlo. Krai mren, tsangshiq ka kai mikhoqriiq wan.” Kiitiikaq rase raq ngi ma, “Kra wakoksetiim miishi ka mungkang tlotli chhiti Tatiwe makpo riito.”

Matthew 1:20

Shatmaq, liirong laq, apaiq raq akha tiima raitlaq liipan niili, rawashi apaiq ma ama maq Tatiwe rase ashi ka apaiq phana kiraüta bom ka akha chongkuqto. “Dawit lai Joseph lei, ümniiraq Meriq lam ma naq haikiq. Meriq khum na no sitlaq kriika Asii Wenyi Se.

Matthew 12:20

Apaiq raq wepuq weseti ka tiihai miichhai siakaq mak miraq, Kiimaq jehin noreti ka nanshan mak miraq. Apaiq raq tengteng Shiikeawe tri lam phan na mangjong maiqse kra mishpuq lot shaq wiiwii shiichaq wan ruq miraq.

Matthew 18:14

Ikiikhiisii hali nam We ramungtan na siti we riimin ara atsak adokse kong phong wa ashi kra dongdii min tiimo baiq romak.”

Matthew 18:6

“Ara nonosetiim raq kamwantlaq akha, ngi ma kamwanti maiqse phong wa, ashi ra raq weshi ra kamtsantsii kra tiichhan baiq raüla, kriiwe ka apaiq dangkong na longkaü jonghea ashi paq kuq raüta, sammoktra chum mong na tiidea baiq kai riiwe ka ahea miraq.

Matthew 2:13

Shedong mungti wanwetiim ka wawan jai she, Tatiwe rase raq Joseph ma rawa ma maq chongkuq kito, “Herod raq noshii ka atsea ma nguta mitrit. Kriikha maq, ümchaü min tiidolaq. Laüta noshii nai nyung ka shea laüta Ejip mung na tiipaü kikiq. Kiimaq ngi raq ümniima bom michong kuqha shaq wiiwii Ejip mung niili silaq.”

Matthew 2:19

Herod tsaijai she, Tatiwe rase raq Joseph ma rawa ma maq Ejip mung na kiraüta akha chongkuq kito,

Matthew 24:31

Rase raq lerong ka ramok rachhai watrang ikha mitsii. Kiimaq apaiq raq arasetiim ka mangjong hiq trotam na mitiiki. Kiimaq tsangshiq raq Shiikeawe sengi thun ka mangjong hiq hamli wa wiita hutjok adam na mirchom wan.”

Luke 1:19

Kiijiishe, rase raq treto, “Ngi ka Gebriel. Ngi ka Shiikeawe man na ngati we. Apaiq raq ara tsütsa ahea ara, ümniima tiichong kai tiikito.

Luke 10:16

Jesuq raq ajaqshisetiim ma bom ka akha chongkuqto, “Jurwa namshiq bom tai tlaq; kriika i bom tai tlo. Jurwa namshiq tao mak; kriika ngi armin tao mak. Kiimaq jurwa ngi tao mak; kriika ngi tiikaitiwe kriimin tao mak.”

Luke 16:22

Ranaiqshi kra miitsan we ka tsaikito. Raüta, rasetiim raq apaiq ka ramungtan na shea wanto. Raüta, Abraham ma jaqtsi nü niishe tiinga wanto. Raüta, apaiq ka ramungtan na phaqsea poi jonghea kra lomdam she nga wanto. Kiimahali, ranaiqshi ka kra chiithe we kriimin atsai hali riikito. Raüta, ama ka alap riito.

Acts 10:3

Apaiq raq ranaiqshi, ranaiq naritsam tin khan na, riisham mak maq tsangriri hea, Shiikeawe raq atiiki rase ashi ka chhito. Rase raq, “Kornelias!” nguta apaiq rai bomto.

Acts 12:15

“Ümnaq ara angi riimaü sha!” nguta tsangshiq raq apaiq bom ka treto. Shatmaq, apaiq raq ngohea shaq shaq taikang nguta tsangshiq ma chongkuqto. Kiijiishe tsangshiq raq, “O, ikhiijiila arka apaiq kheti rase sham” nguta apaiq bom ka treto.

Acts 12:23

Kiijiishe tiihanghiiq miili, Tatiwe rase raq apaiq ka tiikhiqlaq tsat baiqto. Apaiq ka Shiikeawe raq jamkhano tsatbaiqtaq ngukla apaiq kra khoti Shiikeawe ikha tiishom ra wanto. Kriikha na tsatbaiqto. Apaiq ka ajong ajii raq phaq raüta tsaito.

Acts 27:23

Ara jamkhano chongtiikang ngukla, ümwa rawa ngi raq shomnoq tiikang Shiikeawe rase ashi ka ngi phana kito. Kiimaq ngi ma bom ka akha chongkuqto,

Acts 5:19

Shatmaq, kra rawali Tatiwe rase ka kiraüta, phaqtek kilü thun ka dikuq kito. Raüta, kiimwebi ka phaqtek mong wa tiidong sheahoto. Kiimaq rase raq tsangshiq ma,

Romans 14:10

Riita, arkha maq, namshiq phong wa, maiq ümriiti riiwa, jücha weashaü lamlam miili dung ka tsapsiqtlan, kriiti raq, namphu nowe ka jam nguto sairan tlan? Kiimaq namshiq phong wa, maiq ümriiti riiwa, phanrap phanrii ka phaqsiq tlan, kriiti riimin, namphu nowe, jurwa namshiq kiikha phaqsiq makti we ka, jaram wa sairan tlan? Nashiq tarü ara, Shiikeawe man na chap wan chang siisaq. Kiijaq, apaiq riishe, nashiq ka kappe maq mishin wan.

Romans 14:21

Riita, akha raki tlaq arkha maq, namkongti we kra, ngarai na dea mak chang miitu, namshiq raq ngam ka naqphaq siq rongkiq li na. Che-atsam kiimin naq nyang wan rongkiq li na. Kiimaq jamlai phan sham raü jiiwa, namphuno we ka ngarai na chhan kai chang asi, kriika naq phaqsiq rongkiq na.

Romans 15:1

Kiimahali, nashiq liipan na juwa kamasham na maiqla nguta sitiikai, nashiq ka nahan tiihang laita, na laqlaqse peo sea ka raa mak. Nashiq raq nakongti, juwa kamasham na ningkun ajom sitlaq, kriiti ka, tsangshiq maiqmii holai kra howan lam na khrumke chang.

1 Corinthians 11:22

Riita namshiq raq maiqmii tü adung phaqsea thü miitu maiqmii jam awak ka ahü sha? Namshiq raq Shiikeawe sengi phungtuti ka jaram wa shummii tlan. Kiimaq nanok Phungmaiqse abiti, athüm alitti ka jaram wa tiijeasi tlan? Namshiq raq akha chapnga tlan ara miitu ka ngi raq, namshiq ka asom miraq ngutiisha tiima tlan? Ngi raq namshiq sha mitiishomra ha? Riimak. Akha riinyatshat tlan ara miitu ka ümtiikii jiimin shomra mang.

1 Corinthians 16:11

Jurmin apaiq ka shipoq raa mak; shatmaq namshiq raq apaiq wanhiq khum jaqsham kra tiinyi thü raüta, ana ngi phana hali khusang rakhang maq saüho nong miitu liikuq rong laq. Ngi raq apaiq ka kongtitiim phunobi rai ana mijangki nonglaq nguta khe tiikang.

1 Corinthians 9:22

Kamasham na ajomti phong na, tsangshiq ka shunshea wan miitu, ngi ka kamasham na ajom ikha sitiikang. Riita ngi ka wiitarü, phanphan maiqse rai phanphan maiqse ma ja lata sitiikang. Kra jaqsham tiikang kriika, tsangshiq phong wa maiq wiijam ra ka jamkha riilata jiimin Jesuq wokhong na shun shea wan lot hajaq nguta tiima lata shiikut chaq tiikang.

2 Corinthians 10:1

Ngi Paul raq pumsii maq, namshiq ma ara bomtsi tiitai tiikang. Ngi ka namshiq rai mantut na sitiikang niika, tsan nin woknin we ikha sitiikang. Kiimaq nyea jokjok we nguta liiwan tlan. Shatmaq, kiimphai she tiijaiho latiika, kiqla hiip-hii we miishe jaki tiikang. Jesuq Khristo raq akuq, sobsob bom bom hon atsii nai mangchan tsantsii maq, ara namshiq ka tiijom na lata bom rai tiikang.

2 Corinthians 10:10

Ara chhi lanta, maiq wiijamti riika, “Ai Paul raq alak niika, asiq areng bomtsi waiq wan lili riitlo. Shatmaq, apaiq ka ümtiikiiwa nashiq rai mantut niishe nga wan jiiq, kiitiikaq, apaiq ka hüjom hanjom she jaki tlo. Kiimaq apaiq ka tsüwe tsitwe ikha riimak she!” nguta ngi ka mishipoq siq wan.

Galatians 6:1

Lungwii phunainotiim lei, kongti raq ajiq sham akai klo rea chhihan jiila, namtsam phong wa, juwa kamasham na maiqla sitlan, kriiti raq, namkongti we ka, lamhea nü na trap ru lanta shunshea rong laq. Shatmiitiina, namshiq raq kra trap ruke akhing na, kiqninse maq chong kuq rong laq. Kiimaq, namshiq raq namkhum kiimin la, tiikheshat maq si rong laq. Kongti khrumke wan angu, maiqmii kiimin shon wan dam jiiq, nguta ngo nangnga chongkuq tiikang.

1 Thessalonians 4:8

Krai mren, jurwa ara chong tiikai tri ara jin tlaq, kriiti riika, maiqse aming jin riimak, shatmaq, Shiikeawe tri, Asii Wenyi keti we tri jintlo ngushat.

1 Timothy 4:12

Ümniika ümchaü jero we. Kriikha maq, maiq raq ümsham na lii raüta, ümkhakam ka midiq shaqli nguta, maiq ma, naq tiishummii kiq. Shatmaq, ümniiriika Phungmaiqse wiitarü thaq na, lamsheati maiqla ashi dea nguta, ümbom ümsa na, ümkamtsantsii na, ümrong ümrai na, maiq ma lungwii tsii rüm na, kiimaq asii arai tiima tsantsii na, khangriri hea maq silaq.

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.

Hebrews 9:24

Krai mren, Khristo ka maiqse jaq maq ahaihun jolitiip, Asii khok mong kiijiika wamak dea. Maiqse raq, jaq ma ahaihun jolitiip kriika, ramungtan na chiisan jolitiip sitlaq kra sumla li. Shatmaq, Khristo ka lakshi miili ramungtan na wawanto. Raüta, ümchaü ka apaiq, Shiikeawe man na ngatlo. Raüta, nashiq khrum kuq tlo.

Revelation 8:2

Kiijiishe, ngi raq Shiikeawe khaki na chaptlaq rasetiim miishi kiima lerong chü miishi kuqto chhikang.