Matthew 17:3 - ASII LAKDAP Bible (BSI)

³ Kiijiishe ajaqshisetiim atsam raq Mosheq nai Elija ka kiijaq saükai chhito. Kiimaq tsangnai ka Jesuq rai bom riichong rea chhito.

Hawa Naga Bible 2001

³ Kvruex yimaq sangac wathuimx rueq Moshe nuiyc Elia kuex dung kaz vtueq Yesu rulc rvbomc yaq kuex khiz tueq.

Muklom

³ Etho ethi atom ujiphantey tang eq Moses nia Elijah Jesu jamoq wan aa tha khita.

Matthew 17:3 Referencias Cruzadas

1 HOKHVMX 17:1

Shammiwe Elija, apaiq ka Gilead wang wa Tishbe hiqti raq Hokhamwe Ahab ma nguto, “Tatiwe mang na, atra Israilnok Shiikeawe mang na, ngi raq shomnoq tiikangwe mang na, ngi raq ümniima chongtiikang, armung na, ngi raq inübok maq minguha shaq wiiwii wiinai riimakla wiitsam na saüli ra wa bangtsi min rok mak miraq, kiimaq ra min junmak miraq.”

MALAKI 4:5

“Shatmaq, liirong laq, kra Tatiwe ranaiq jonghea kiimaq phiiptsi chang ranaiq kra misaüho shaq na, ngi raq namshiq phana shammiwe Elija mitiikiliha.

Matthew 17:2

Tsangshiq raq apaiq ka liishat liipan niili, Jesuq sham ka aklai riikito. Apaiq theaphi ka rashe kaü ikha chhaihea langlang chhairai wanto. Kiimaq apaiq khum na khu akhea asam thun kriimin maiqmak alirat rashe kii li ikha lüdiidii hea she chhairai wanto.

Matthew 17:4

Kra chhi raütiishe, Petar raq nguto, “Tatiwe, nashiq tarü arjaq chakai arka pinthum kiim jonghea! Ümniiraq thapthi haü jiila, ngi raq arjaq baüli tiipsetiim atsam haipha. Ümniirii ashi, Mosheq rii ashi kiimaq Elija rii ashi.”

Mark 9:4

Kiijiishe, ajaqshisetiim atsam raq Elija nai Mosheq ka dongchhaq asaükai chhito. Kiimaq tsangnai ka Jesuq rai bom riichong rea chhito.

Luke 1:17

Apaiq ka Tatiwe ma sinkhu na miki. Shammi Elija ikha apaiq ka kamasham na, achaq awaq miraq. Apaiq raq tapin aki, siwe sise ka ashram mirkuq wan. Apaiq raq lamjiq na akihotibi maiqse thun kra, tingting lamphan na hali mitrap ru shea wan nong. Apaiq raq Shiikeawe sengi ka Shiikeawe puk na nyap wan miitu, tsangshiq tsantsii kra mitiinin ja wan.”

Luke 16:16

“Riita, Mosheq Thungtri nai shammibi lakdap na waiqtaq tri raü thun kriika, Khamlamketi we Johan pat na saüli li, maiqse raq lang wan raüta siwanto. Kra jai miishe ka, maiqse ma Shiikeawe Mungtan Tsütsa Ahea kriishe tiitai chongkuq kuqtlo. Kiimaq maiqse angu pumsiitek raq, Shiikeawe wokhong na shang wan tlo haijaq nguta, riishii riipan she warai wan tlo.

Luke 24:27

Kra ngu raütiishe, Jesuq raq tsangnai ma, apaiq miitu, Asii bomtsi na Mosheq raq awaiq thü lakdap thun kiimaq pha wan raüta, shammibi raq awaiq lakdap thun na chong tlaq thun kra wiita phanchan kuqto.

Luke 24:44

Kra raütiishe, apaiq raq tsangshiq ma, “Arthun ara ngi kongkhuji na namshiq rai siji na, chongkuq pha ihata. Ngi miitu, Mosheq Thungtri na kiimaq, shammibi lak na, kiimaq Tiitsam shi lak na awaiq thü bomtsi thun kriika, kunkun she kupi wan chang dongdii miraq nguta chongkuq pha ihata,” nguta bom ka tsangshiq ma chongkuqto.

Luke 9:33

Kra maiq wenai ka Jesuq pha wa awa wan, atiido wan she kiijaq, Petar raq apaiq ma chongto, “Tatiwe, nashiq ümchaü arjaq chakai arka pinthum kopan jonghea! Naishiq raq tiipsetiim atsam mihaikai. Ashi ka ümniirii, ashi ka Mosheq rii, kiimaq ashi ka Elija rii.” (Apaiq raq arka jamlai ngo wa bom tlaq kriimin, hemak lam miili bomto.)

John 1:17

Shiikeawe raq Thungtri ka Mosheq lümaq kuqto. Shatmaq, kaphap mangchan nai tengteng rilung ka, Jesuq Khristo lumiitiq kuqtlo.

TRI CHONGKE 18:18

Ngi raq tsangshiq phana ümnaq kiikha shammiwe ashi tsangshiq phong kiiwa tsea lata mitiikiha. Apaiq raq jamlai chongke chang wa kra ngi raq apaiq ma michongkuqha. Kiimaq Ngi raq apaiq ma aming kuqkang kra wiita apaiq raq mungmaiqse ma michongkuq.

TRI CHONGKE 34:10

Mosheq khan shammi ka Israil mung na jumin dong mak riito. Tatiwe raq apaiq rai ka mantut na tiqtaq riibom damto.