Matthew 17:27 - ASII LAKDAP Bible (BSI)

²⁷ Shatmaq nashiq raq tsangshiq tsan tiibi wan ka romai. Kriikha maq ümniika thamchum kiina kilaüta ngiq ka pun kikiq. Pun pha shaqshaq pun tlaüti nübok ka riip laq. Kiijaq ngiq nübok na kampho sii ashi mihum haü. Kra kampho sii maq nanai la shomjam phunta kerii riikhaqli miraq. Kra lam wan laüta kuqwakiq.”

Hawa Naga Bible 2001

²⁷ Yuq muinz naungnueyc ningkhvnc nuex tsuingshiq thuinz kvbuit muq mruez kueq, yuix jumx nuex kaz vtueq ngaq htvnz kaz kuiuz. Vphaungc lvp shuiux ngaq kuex lvmz vtueq vnuix mungx wawc poysac vshiz mnoz rueq khiz shuiux, kvruex lvmz wvnc vtueq naungnueyc tvkoc tsuingshiq muex kuq shuiuz,” ngoz tueq piq muex jungx tueq.

Muklom

²⁷ Etharin ning tin na jashit ang moq rangma, nang aa shitim náng ngaqthan ka u. Jakho kapthan u eshi ngaqsa shi lo u. Unung sha kak ujo, nang aa ashey nginsa kap nu. Eshi som eq hiqtang rangma phunta ko u.”

Matthew 17:27 Referencias Cruzadas

RAPHA HIQWA LAK 1:28

raüta tsangshiq ka shiimanto, kiimaq akha nguto, “Namsetiim pahea hum ronglaq, krai mren namsaü namsetiim ka hiq raikhü na barap binrii na mishonglaq, raüta hiq raikhü ka tsangshiq wokhong na mirümlaq. Ngi raq ümniika ngiq, wushi thun, kiimaq rum nyamse tlotli khuthaq na arang kuq tiikang.

1 HOKHVMX 17:4

Kra khamrai se kiiwa ümniiraq kham ka minyang haü. Kiimaq ngi raq khalajong phan kong ma kiijaq ümniima phaqsea chomke miitu aming min akekun she.”

Tvtsvmc 8:8

wushi kiimaq ngiq kiimaq khamjong mong na siti atra phan wiita hamli.

Jona 1:17

Shatmaq Tatiwe raq ngiq jong kaü ashi Jona tiijok ma kiijaq tiije shat thüto. Krai mren, Jona ka ngiq wok mong na anaiq naiqtsam awa watsam sito.

Jona 2:10

Kiijiishe Tatiwe raq ngiq kaü kiima aming kuqto. Krai mren, ngiq kaü raq Jona ka kumtsai phii takii na phaibaiq wato.

Matthew 17:26

Kiijiishe, “Wansha we raq kechang” nguta Petar raq treto. “Ahea. Ikhiijiika nokti we riika phunta ke ra mak.

Matthew 18:6

“Ara nonosetiim raq kamwantlaq akha, ngi ma kamwanti maiqse phong wa, ashi ra raq weshi ra kamtsantsii kra tiichhan baiq raüla, kriiwe ka apaiq dangkong na longkaü jonghea ashi paq kuq raüta, sammoktra chum mong na tiidea baiq kai riiwe ka ahea miraq.

Matthew 18:8

“Arkha maq, ümjaq lo ümhok lo raq, üm kamtsantsii kra tiijam kiiphaü la, achum li riibaiq laq! Hoknai wiita kiimaq jaqnai wiita maq wamungtan na dea wan nam ma khoti, hokko ma nai, jaqko ma li jiimin, pattup pat-sa rilung lap wan raüta siwan riiwe ka ahea miraq.

Matthew 5:29

Arkha maq, ümmak mak tsi nü raq ümniika ngarai na tiidea kiiphaü jiila, ümmak po ka alatli riibaiq laq! Wiipumtam maq wamungtan na dea wan nam miika, makko ma miili jiimin, atra si wan riiwe ka ahea.

Matthew 5:30

Kiimaq ümjaq jaqtsi nü raq ümniika ngarai na tiidea kiiphaü jiila, ümjaq ka achum li riibaiq laq! Wiipumtam maq wamungtan na dea wan nam miika, jaqko ma miili jiimin, atra siwan riiwe ka ahea.”

Mark 9:42

“Kiimaq ara ngi ma kamtlaq nosere phong arwa, jurwa weshi kamtsantsii kra tiichhan baiq tlaq, kriiti ka, adangkong na longkaü jonghea ashi paq kuq raüta, apaiq ka sammoktra jü mong na tiidea baiq raüta, tsai kai riiwe khoti ahea miraq.

Mark 9:43

Riita, ara chongtiikai arai mren, ümjaq jaqko raq ümkam tsantsii kra tiichhan baiq kiiphaü la, atap khoti riibaiq laq! Jaqnai wiita maq, wamungtan na pattup pat-sa matki mak phan wa na khiim wan nam miika, jaqko miili jiimin, ramungtan na atra siwan riiwe ka ahea.

Luke 17:2

Apaiq raq ara nyungwe nosere phong arwa, ashi ra ka ngarai thiikho na tiithap baiq nam miika, apaiq riiwe kra khoti, adangkong na longkaü jonghea ashi paq kuq raüta, sammoktra chum mong na tiidea baiq riiwe khoti ahea lin miraq.

John 6:61

Tsangshiq botnyan trang tlaq kriika, jurmin Jesuq miika chong mak dea. Shatmaq, Jesuq riika asap. Kriikha maq, apaiq raq, “Namshiq ka ara tsii chongke bomtsi ara tai lanta, tsinhea taklot mai, athaq baiq chang she ngutiisha tiima tlan?

Romans 14:21

Riita, akha raki tlaq arkha maq, namkongti we kra, ngarai na dea mak chang miitu, namshiq raq ngam ka naqphaq siq rongkiq li na. Che-atsam kiimin naq nyang wan rongkiq li na. Kiimaq jamlai phan sham raü jiiwa, namphuno we ka ngarai na chhan kai chang asi, kriika naq phaqsiq rongkiq na.

1 Corinthians 8:13

Riita akha ara ningkhan, ngi raq jamlai wa phaqsiq tiikang, kra lümaq i phu i no ka ngarai na tiidea tiikang jiila, i phu i no ngarai na tiidea baiq mang chang miitu, ngi raq sumla noq ma akuq ngam ka phaqsiq mang she amiim mirbaiq ha.

1 Corinthians 8:9

Riita ara chongtiikai arkha maq, namshiq tsan na tiitsangshat maq thü ronglaq, namshiq raq jamlai wa arka ahea, jam raa mak nguta thatsang ngam phaqsiq tlan, kra lümaq kamasham na ajomti kra ngarai na tiidea raa mak.

2 Corinthians 6:3

Naishiq kiimwebi raq jaqsham tiikai ara, maiq raq setsiiq ka romai. Kriikha maq, naishiq raq maiq lam phan ka tiibanbi ki mai.

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

1 Thessalonians 5:22

Kiimaq, jamlai wa abi phan kriika, mak miimin naq lii rongkiq.

James 2:5

Lungwii phuno nyinotiim lei, ngi chongpha, namshiq raq samhea wiq maq tiitsang tairong laq! Namshiq raq asap han, thatsang maiqse raq miitsan miijan maiqse nguta shipoq raüta liitlaqti ka, Shiikeawe raq asengi miishe tsea wanto. Tsangshiq ka Jesuq Khristo ma kam tlaq krai mren, ümchaü sanha wenyi rilung na chiithe maiqse she. Shiikeawe raq apaiq lungwiiti asengi thun ka, awokhong na mitiisi ha nguta ramram kiqkham kuqto. Ara chongtiikai miitsan maiqsetiim thun min, ümchaü sanha, Shiikeawe wokhong niishe tiisi damtlo. Kra namshiq raq chhi man sha.