Matthew 17:12 - ASII LAKDAP Bible (BSI)

¹² Shatmaq ngi chongpha. Elija ka asaü kaiwi she. Shatmaq mungmaiqse raq apaiq ka juwa sapmak dea riito. Tsangshiq raq apaiq ka shumii laqpii li shiinüm shiinai li haihii wanto. Kiikhiisii hali tsangshiq raq Maiq Se ngutlaq kriimin shiinüm shiinaili mihai hii.”

Hawa Naga Bible 2001

¹² Yuq muinz ngaz rueq nuimshiq muex jungx kuq ix, Elia kuex vhttuiuc kay wuez shex, yuq muinz miq rueq piq kuex tuiuz wuez muq ningkhvnc nuex piq kuex tsuingshiq rueq vroc guirguenz wvnc tueq shex, kvrulc rv-ngvlc Miq Saz vruex muinz tsuingshiq yauk nuex kuilc daz rvhumc tuex,” ngoz tueq.

Muklom

¹² Etharin nga batphang, Elijah uthok sey angta pha etho miqtang eq jin sing moq angta, etharin ning aa chamal tathin ta ethi mal hun piq jamoq somlo ta. Irimal hun Miqna Sa sha tho miqtang aa tatsamna.”

Matthew 17:12 Referencias Cruzadas

Matthew 11:2

Khamlamketi we Johan raq, phaqtek mong maq, Khristo raq jaqsham wan tlaq tsütsa thun kra tai raüta, apaiq raq ajaqshisetiim wa wiijamti ka Jesuq phana bom tiitsang waikai nguta tiikito.

Matthew 16:21

Kra akhing miiphat she Jesuq raq ajaqshisetiim ma linham linhok chongkuqto, “Ngi ka Jerusalem na saü ra dongdii. Kiimaq welabi, ramwe jongbi kiimaq Thungtri shrinketibi jaq na pinthum chamchao wan chang miraq. Tsangshiq raq ngi ka atsea mirbaiq. Shatmaq ranaiq tsam jai maq Shiikeawe raq ngi ka ama wa atiijang mirwan nong.”

Matthew 17:11

“Elija ka ngohea dea kongkhu na misaüho,” nguta Jesuq raq treto. “Kiimaq apaiq raq Shiikeawe sengi thun kra tsan tiichhii je miishe mikheho.

Matthew 17:13

Kra chongkuq wan kiitiishe, ajaqshisetiim raq, Jesuq raq Elija nguta chongtlaq kriika Khamlamketi we Johan kra ngo nangnga ngutlo ngutiishe takto.

Matthew 17:22

Ajaqshisetiim ka wiitarü Gelili hiq na riitam jai she, Jesuq raq tsangshiq ma chongto, “Maiq Se ngutlaq ka maiqjaq khon mong na kebaiq wan akhing she saü wato.

Matthew 17:9

Jesuq nai ajaqshisetiim atsam ka pum kriimaq asatkai lam miishe, Jesuq raq tsangtsam ma, “Ümchaü namtsam raq jamlai wa riisham mak maq chhi lan, kriika Maiq Se kra ama wa midong wan shaq wiiwii, maiq ahinti ju miimin naq chong rongkiq,” nguta kiq thangto.

Matthew 21:32

Ara jamkhano chong tiikang ngukla, Khamlamketi we Johan ka saüho raüta, namshiq ma kechu lam phan kra tiichhikuq wanto. Shatmaq namshiq raq apaiq bomchong ma kam man riilan. Shatmaq phunta hitibi nai mephe nyungtiim riika, apaiq bomchong ma kamto. Namshiq riika ara chhi shat shat taü miimin, namtsii ka klai man dea. Kiimaq Johan bom chong ma kam man dea riilan.

Matthew 8:20

Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

Luke 7:33

Khamlamketi we Johan ka namshiq phana saühoto. Raüta, amang maq, che atsam jam min phaqsiq mak maq, achu jaü wanto. Kra chhi lanta, namshiq nga, ‘Arwe khum niika abi winji asi!’ nguta ngu lan.

John 1:11

Apaiq ka maiqmii mung na kito. Shatmaq, maiqmii mungti raq, apaiq ka tao mak dea riito.

Acts 2:23

Arka Shiikeawe apaiq raq kongkhu miiphü tiihong wanje she dongdii. Apaiq raq tiihong wantaq kra phanphan, Jesuq ka namshiq jaqkhon mong na tiishaü kuqto. Kiimaq, namshiq riishe, apaiq ka ngarai maiqsetiim ma kiinong kuq lantiishe, pumsongkham na tiitü baiq lanta tiitsat baiq lan.

Acts 4:10

Riita, ümchaü min namshiq tarü raq, Israilnok mungmaiqse tarü raq, ara bomtsi ara tiitsangdada sap ronglaq. Arwe arka thawe kharü mong wa, ümchaü phintsaqtsaq she, arot la arot she heakito. Raüta, ümchaü namshiq tarü makki na, phintsaqtsaq hea she chap raü chhi tlan. Ara heakitaq arka, namshiq raq atsatbaiq han, Najareth hiqti we Jesuq Khristo mang na ningkun asi; kriiwe ningkun maq heakito. Jesuq ka namshiq raq pumsongkham na tübaiq lanta tsatbaiq lan. Shatmaq, Shiikeawe raq apaiq ka amaa wiishe tiidong wanto.

Acts 7:52

Riita, namtitiim raq, shammibi ka wiitarü tiichamchao wan je siisaq riito. Shiikeawe raq apaiq kechu Kolise tiikitlaq kra tsütsa chongke miitu, man na rathup rapha ji niiphü, apaiq tsütsa chongke wanti shammibi ümchuwa tiikitaq thun kriika, tsangshiq raq wiita tsatbaiq wanto. Krai mren, ümchaü namshiq riimin, apaiq luqkhapse ka tiishaü baiq lan. Lanta, apaiq ka tsatbaiq lan.