Matthew 16:6 - ASII LAKDAP Bible (BSI)

⁶ Jesuq raq, “Phorisinok nai Sadusinok pithob asi jo. Namshiq ka hon kamshat maq sirong laq,” nguta tsangshiq ma tsii chongkuqto.

Hawa Naga Bible 2001

⁶ Yesu rueq tsuingshiq muex, “Pharise nuk nuiyc Saduke nuk wisiz kuex honc lvmz hvt maq koayc wuez shuinz,” ngoz tueq jungx tueq.

Muklom

⁶ Jesu aa ning ma batta, “Nim Phorisi tang nia Saddusi tang thawung phan wang rangtun eq tong inn.”

Matthew 16:6 Referencias Cruzadas

LEWI 2:11

Ümniiraq Tatiwe ma wong-honglu kuqtlaü kiijaq pi maq sho raüta klo maimak. Ümniiraq raq Tatiwe ma phaq sea honglu kuqtlaü na ümtiikiimin pi maq shot raa mak, riimakla ngiq ngu maq shot maimak.

Matthew 16:1

Kra jai maq Phorisinok nai Sadusinok phong wa maiq wiijamti ka Jesuq phana wato. Tsangshiq raq apaiq ka tsangshiq thiikho na tiithap haijaq nguta tiima raüta, Jesuq nangnga apaiq ka Shiikeawe raq ashong maiqse dea jiika, awang chang jaqsham klo raüta tiichhike ra nguta apaiq ka maitaito.

Matthew 16:11

Ngi raq namshiq ma winsii miitu chong mang. Kra namshiq raq akhiisiimin tak man ka jaro? Phorisinok nai Sadusinok pithob asi. Kriima namshiq ka maiqmii hon kamshat maq siwan lili ronglaq nguta tsii chongkuq tiikang ahata!”

Matthew 16:12

Kra tiitsang chongkuq kiita shetiq, ajaqshisetiim raq apaiq raq tsangshiq ma pithob maq shiiton chongtaq kriika Phorisinok nai Sadusinok traho bom chong kra nangnga ngutlo ngutiishe takto. Apaiq raq tsangshiq ka winsii sho chang pithob kriima honkam bom ka riimak nguta sapto.

Matthew 16:5

Ajaqshisetiim raq alaq raüta konü tham reko na winsii howan mak dea miili wawanto. Kiijaq Jesuq ka asi riito.

Matthew 16:7

Kra tai raüta, “Apaiq raq ara ngutlaq arka nashiq raq winsii lamho mai dea riikaita ngutlo,” nguta tsangshiq liipan na riichongto.

Matthew 3:7

Shatmaq, Johan raq Phorisinok nai Sadusinok ka apaiq phana khamlamkai nguta pahea akai rai kra chhi raüta, tsangshiq ma akha sonto, “Namshiq ka paüsang nyiqla ikha khonglaq tlan! Namshiq ka Shiikeawe raq ngarai maiqse ma chamchao tiisaüho tlaq kiiwa kham lam wan laita mihang wanlot rong i ngutiisha tiima tlan?

Mark 8:15

Jesuq raq tsangshiq ma, “Namshiq ka Phorisinok nai Herod pithob kiima hon kamshat maq sirong liijo,” nguta tsii chongkuqto.

Luke 12:1

Mungmaiqse ka ahing amun adam na maiq thaq niili maiq riiphongrai wanto. Kra akhing na Jesuq raq ajaqshisetiim ma tsii chongke akha chongkuqto, “Phorisinok mongnam tsantsii rüm tlaq kra raq, maiqse tsantsii ka ahea rümti kiimin pi maq asho ikha, abi lam na tiinyam sho wan tlo. Kra tsangshiq pi thop raq namshiq hon atsii ka nyam mak chang miitu, namshiq ka maiqmii honkamshat maq si rong laq.

Luke 12:15

Kra ngu raütiishe, Jesuq raq tsangshiq tarü ma akha chongkuqto, “Sükha ramho kharü mong na dea man chang miitu, honkamshat maq si rong laq. Ara jamkhano chongtiikang ngukla, riikhaqli maiqse rilung ngutlaq kriika, ajaq na tsiiq anyam rüm tlaq, kra lamlam li ka riimak. Apaiq ka ümtinkhan chiithe we li jiimin ümriilaq.”

John 4:33

Kra tai raütiishe, “Riita, ashi ra raq apaiq ma tü adung sha kuqta nya?” nguta ajaqshisetiim liipan na bom ka riiwaito.

Galatians 5:9

Maiq bom tiihap hong akha asi jo. “Tsam wankhüshi kra sho miika, pi ka dashi se kli mihong rai,” nguta chong tlo.