Matthew 15:32 - ASII LAKDAP Bible (BSI)

³² Kiimaq Jesuq raq ajaqshisetiim ka atho na hea raüta chongto, “Ara mungmaiqse kong arma ngi mangchan tsi. Tsangshiq ka ngi rai ümchaü ranaiqtsam she thungtii tlo. Kiimaq ümchaü tsangshiq jaq na aphaq asea chang jam min ahü she. Ngi raq tsangshiq ka akha amang miili ka tiiwa lot mang. Tsangshiq ka jam na walam maq ramtsi raq apit mirwan.”

Hawa Naga Bible 2001

³² Yesu rueq vpiq sangac hez kuex vpiq kox nuex gvl vtueq, “Vruex miq phungc htenc vmac ngaz rueq menjenc vshaungx, majuiuc raungnuiyq thuimx shex ngaz rulc vdvmz httax vtuex, phuiuz vsvy juing muinz vguez shex shvmx. Lvmx maq rvhtvl wvl rvhumc muq mruez kueq, rvmc sac thuiyc yaq kuex ngaz rueq tsuingshiq tvwaung roc mauk,” ngoz tueq.

Muklom

³² Jesu aa ujiphantey tang tha hal eq batta, “Nga iri miqtang ma rapney tinshi ang. Ning ijamoq saal tom sey tong aa etho ning phaksat uthun sey angta. Nga ning raa chamlal eq takat ma nuk mong chammatakoi ning him náng thuwey moq o ngak wang angna.”

Matthew 15:32 Referencias Cruzadas

2 HOKHVMX 4:42

Kriimaq akhing jangshi na hali, maiq weshi ka Baal Shalishah hiq maq aki saükito. Apaiq raq Elisha ma kra rawii wa apha shaq shaq jaili tsam jut raüta, kiiwa winsii alum roq nai hoho raüta lam hoto. Kiimaq püwong daq nye wa lam hoto. Kiijiishe Elisha raq ajaqshi se ka kriimaq shammibi ka tü phaqsiq laq nguta thaüto.

Matthew 12:40

Jona ka ngiq wok mong na awa watsam anaiq naiqtsam siwantaq kiikhiisii hali, Maiq Se kiimin anaiq naiqtsam awa watsam hiqmong nyang na misi.

Matthew 14:13

Jesuq raq Johan tsütsa kra tairaüta, apaiq ka ajaqshisetiim rai lai ashi maq, kriiba wa tiido wanto. Raüta maiq akaiq kaiq ba niishe wawanto. Shatmaq mungmaiqse raq Jesuq wawan tho kra heraüta, tsangshiq ka maiqmii chela thun maq dong wan rang raüta, apaiq jai ka takii lam maq phan wanto.

Matthew 15:33

Kiijiishe, ajaqshisetiim raq, “Riita nashiq raq ara kumtsaiphii maq maiq achu kong arma tiiphaq sia wan chang tü adung ka jambawo mihum rong i?” nguta apaiq ma waito.

Matthew 20:34

Jesuq ka tsangnai ma mangchan tsito. Kiimaq tsangnai mak na jaq maq shamto. Krai mren tsangnai mak ka tiidoqra she heakito. Kiimaq tsangnai riimin Jesuq jai she phan wan damto.

Matthew 27:63

Raüta apaiq ma akha chongto, “Mungtu we le, naishiq tsan na ümchaü man tiitsangshat. Kra arot we kaü kriiraq, apaiq ka atra sicho ji na, ‘Ngi ka ranaiq tsam jai maq ama wa atiidong mirwan nong’ nguta chongto.

Matthew 9:36

Apaiq raq mungnyung mungse riiphong rong rai wantlaq kra thun ka chhi wan raüta, tsangshiq miitu atsan mong na kai tsi wanto. Tsangshiq ka achapa riili tsai wan raüta siwan tlaq kra chhi raüta kiimaq tsangshiq ka tsangshiq rümkom wanti ahü, skuse kong mangrang mra mangmii rai wan tlaq ikha, chamchao rai wan kra chhi wan raüta, apaiq tsan ka kai tsi wanto.

Mark 9:22

“Apaiq ka jang pahea tha raq wa na liiqbaiq raüta, nai kham na liiq baiq raüta, atsea baiq tanto. Ümniiraq lot haü jiika, naishiq ara mangchan kuq phiidea!” nguta tiipaiqneato.

Luke 7:13

Tatiwe raq manti-nyung ka chhi raüta, atsan na kai mangchan tsito. Kiimaq Jesuq raq apaiq ma, “Naqhoqkiq” nguta tlin bom damto.

Acts 27:33

Ranap rawü tsuprup tsupriiq niishe, Paul raq tsangshiq tarü ma tsaiji doke bom ka akhiishe chongkuqto: “Ümchaü ranaiq ariiraq raroqshi ri rablai she, tsaija chhunja chapa raq atsai lam miili, namshiq ka jam min phaqsiq man, amang miili lea rai wan lan.

Hebrews 4:15

Nashiq ma Ramwe Ajong Pinthum we riika, nashiq tiinan shan tiikai kamasham ningkun ajom si tiikai thun kriika, kunkun asap siisaq. Nashiq ma Ramwe Ajong Pinthum we ka nashiq raq maitai chamchao ümtinkhan wa riihum tiikai kriika, apaiq raq kunli asap siisaq. Apaiq ka nashiq jamkho tairai tlaq, kiikha Thawe raq tairaito. Shatmiitiina, apaiq raq jamkiq min shut mak riito.