Matthew 15:27 - ASII LAKDAP Bible (BSI)

²⁷ “Kra chongtlaü kriika tengto shiilangwe le,” nguta treto. “Shatmaq hi kong riimin la atijong we sia phan hiq na atrok kriika tsun siqtlo!”

Hawa Naga Bible 2001

²⁷ Yalxjuik nyuiuz rueq, “Rvtueq Taungjix lex; yuq muinz guyhex rueq doc muinz vtaungjix rueq vsaq humpanx wawc dvy yaq phuiuz bung svy bung kuex tsensaq yaq,” ngoz tueq.

Muklom

²⁷ Miqnu they batta, “Teyhungwa, ira khakla, etha otho him tangtey khúng wang qhat aa phaksat sha hi tang eq tho jin phak eq aa.”

Matthew 15:27 Referencias Cruzadas

RAPHA HIQWA LAK 32:10

Ngi ümjaqshise ka ümniiraq ngi ma ümtinkhan wa mangchan tiichhi kuq laü kiimaq tsapkap wan laü kriithun kra lapwan ka thek mang. Ngi raq Jordan rai ka ijaq na jamlai min ahü, miinan nyeakii thitiikang kra lam lam miili jinwan kang. Shatmaq ümchaü ngi ka ara kong nai jong maiq nai nyamse kong kra sheaho latiishe saüki tiikang.

EJEKIEL 16:63

Ngi raq ümshut ümphit thun ümchuwa klo wan laü kra kunkun midiibaiqha. Shatmaq ümniiraq kriithun ümtsan mong na mitiitsang haü. Kiimaq ümnü maq bom poshi dongdii min dolot maü pinthum mijeasi haü.” Arka Tati Rakaü Hiqwe raq toqtanto.

DANIEL 9:18

Naishiq achujaü tre laq, O, Shiikeawe lei; naishiq phana liilaq, ümtinkhan wa chamchao tiikai ara. Kiimaq ümmangchong raüta siti Jerusalem chamchao tlaq kra liilaq. Naishiq raq ümjaq wa achu jaü tiikai arka, ümniika tiihang mangchan rümti kha maq jaütiikai. Naishiq raq riikhaqli jaqsham tiikai nguta riimak.

Matthew 15:26

Kiijiishe Jesuq raq treto, “Nosere dung ka hi kong ma raüke ka thek mak.”

Matthew 15:28

Kiijiishe Jesuq raq apaiq ma akha treto, “Ümnaq ara kamasham na ajong nyung ashi! Ümniiraq jamlai wa jaütlaü kriika mikuq she.” Krai mren kra akhing niili she ase thatsi ka heasaq she heakito.

Matthew 5:45

Namshiq ka akha siwan han jiila, namshiq ka ramung- tan na siti nam We Shiikeawe setiim dea nguta maiqse raq misap. Ara jamkhano chongtiikai ngukla, apaiq raq maiqhea maiqbi tarü ma rashe tiikü kuq tlo. Kiimaq abi jaqsham klo wanti miimin, kiimaq ahea jaqsham klo wanti miimin, mren mra chhaq maq ra ka tiijun kuqtlo.

Matthew 8:8

Kiijiishe siihiip we raq treto, “O shiilang we, ümniika i jam na wali ka thek mak. Ngi ka ümniima aran. Ümniiraq üm nü maq amingli tat laq. Kra riihaü jiili i lukhapse tsi ka mihiaki.

Mark 7:28

Kiijiishe kra nyung raq hali, “Shiilang we, hi kong riimin la nosere seaphan hiq na atiiwii wa tsunsiq tlaq,” nguta Jesuq bom ka treto.

Luke 16:21

Kriika, apaiq raq chiithe we sea phan hiq na araü baiq kiiwa mirchom siq laq nguta tiinga wan tlo. Apaiq phana ka hi kong kiimin wa raü raüta, akhum wa apaiq mitsai thun kra mesiqtlo.”

Luke 18:13

“Shatmaq, phunta hitiwe ka alu niili chap raüta, ra nü niimin liimak maq, akhuk na ajaq maq tiitap raüta, ‘Shiikeawe le, ngi ara ngarai maiqse. Ngi ara mangchan kuq liidea!’ nguta achu jaüto.”

Romans 10:12

Arka wiitarü miitu she. Shiikeawe raq Jehudinok nai Pongnok phan maiqse kriika, lamphan ashi miili she tiichhii kuq wantlo. Shiikeawe ka maiqse angu tarü miitu Tatiwe. Kiimaq apaiq puk na nyap wanti, maiqse angu tarü ma, apaiq raq, mren mra chhaq siisaq, tümlüm tümli, kaütak rishi maq, achu shiiman kuq tlo.

Romans 3:19

Riita, ümchaü nashiq raq asap i, Thungtri sitlaq kriika, juwa Thungtri wokhong na misi rong i nguta sitlaq, kriiti miitu sitlo. Ara Thungtri sitlaq arka, maiqse angu raq jamkiq khii chang ahü she mirlaq nguta sitlo. Thungtri sitlaq kriika, mangjong maiqse hiq maq hutse Shiikeawe rung na tiichap miitu sitlo.

Romans 3:29

Riita, shea Shiikeawe ka Jehudinok miituli nguta wa sitla? Apaiq ka Pongnok phan maiqse miitu min riimak sha? Riikhaqli, apaiq ka Pongnok phan maiqse miitu min sitlo.

Romans 3:4

Kiikhiika riimak! Shiikeawe raq jamlai bom wa khamtaq, kriika tiipoi mak phan! Maiqse angu thun riiwe kla ka, wiita joksaü liiqsetiim kong li jiimin, Shiikeawe ka tingting. Asii Bomtsi na akha chong tlo: “Ümniiriika tengteng bom li chong tlaü; jurmin ümniika rung maq tiijiqlot mak phan, ümkha ka ümniiraq tang chang dongdii.”

Ephesians 3:19

O raq, ija, ngi ara, namshiq raq, apaiq raq namshiq ma mangchan tlaq kra tsaü ka, sap wan tlo han jiilei, nguta tsinngin rai tiikang. Riita, apaiq raq namshiq mangchan tlaq kra, ümtinkhan tsaü wa sitla, kla namshiq raq kunli ka tak wan lot man min miraq. Li jiimin, namshiq ka Shiikeawe rong arai maq, namshiq tsantsii ka kunli, aliim alei mitiima kuq laq, nguta achu jaü kuq tiikang.

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.