Matthew 15:19 - ASII LAKDAP Bible (BSI)

¹⁹ Akhek ka maiqse tsan mong maq dong tlaq tiima tsantsii abi rüm tlaq kra kata abi pinthum. Maiqse tsan mong na tiima abi rümtlaq kra riili she, maiqse ka matwe ma tiija tlo, maiqchak maiqse rai sra raüta, sipe ma tiija tlo, kiimaq junshüm riirüm sethoq sepii tiija tlo, ahuk arot ma tiija tlo, arot hakhi ma tiija tlo, maiq chongseati ma tiija tlo.

Hawa Naga Bible 2001

¹⁹ Yvmx khoc lac ngoz ruiux lec thuinz vmungx maq miq thvt yaq, miq juik rulc rvsenc yaq, sahtok sapawx yaungx yaq, miq hup svmx guiuq yaq, vyaq hakhix khvmc yaq ngoz yaq honc vbac kvmungx lvmz htenc yaungx yaq.

Muklom

¹⁹ Chammatakoi jashit tinthin, tikwat, sathuk etho irimal thaji jashit jaksom, hut hut, hut dip etho adak miq ma jashit raaq kot, iri tang raa tin mong wang thalat aa.

Matthew 15:19 Referencias Cruzadas

RAPHA HIQWA LAK 6:5

Riita Tatiwe raq hiqraikhü na siti maiqse angu kunli ka pinthum abi siisaq chhito kiimaq tsangshiq tiima tsantsii ka wranaiqshe pinthum abi siisaq chhito.

RAPHA HIQWA LAK 8:21

Kra honglu ataakuq wa na chaqtaq kra khiimtsang ka Tatiwe ma tsan tiiheali riito. Kiimaq apaiq nai apaiq akha tiingoto, “Maiqse raq jamlai wa klotlaq kra ningkhan, Ngi raq ümtiikiimin mangjong hiq ma manson mang she. Ngi raq asapha maiqse ka noseji miiphü dongdii apaiq tsantsii ka abi. Li jiimin Ngi raq atra phan sitlaq kriika ümchaü lak na tiithen baiqkang akiika ümtiikiimin tiithenbaiq mang she.

Tvtsvmc 119:113

Ngi raq ümwokhong na tiipumtlii simakti ka tsaihai tiikang, shatmaq ngi raq üm thungtri lungwii tiikang.

TAKSU LAK 22:15

Nosere ka tsiihü ngojai na, sham mak chang min wiita misham. Shatmaq atrantsii sintsangkii raq, atiitsii miraq.

TAKSU LAK 24:9

Maiqjiqti raq jamlai wa kiimungtlaq, kriika ngarai. Maiq shummiiti ka nanok raq, saisitlo.

TAKSU LAK 4:23

Üm tsan na jamlai wa tiima tlaü, kra miitu honkamshat riilaq, Ümtsan na jamkho tiima tlaü, kriiphan phan ümrilung ka mitiiq.

TAKSU LAK 6:14

Tsangkhutsai ka abikai kun she, ajiq kiimung tiima li she, barap binrii na tatso niq wan li she sitlo.

ISAIA 55:7

Abi maiqsetiim raq tsangshiq lamphan kra mibaiqthülaq, raüta tsangshiq tiima tsantsii kra aklai mirwanlaq. Raüta tsangshiq ka Tatiwe, nashiq Shiikeawe wokhong na minyap wanlaq; apaiq tiihang mangchan jonghea kiimaq jaqloli mra midiikuq.

ISAIA 59:7

Namshiq raq ranaiqtek abi kiimung sürii wantlan. Kiimaq namshiq raq kra abi jaqsham kra klo wanhü miika namshiq ka sanglili maq ngalot man. Namshiq raq maiqtu ngampiiti thun kra tseabaiq wan miitu akhiismin kankop man. Namshiq ümnüno kitlan, namshiq jai niika athen ajen wan lamlu kli sitlo.

JEREMIA 17:9

“Maiqse tsantsii ka juro mikhon lot? Atinkhan laopha pinthum ka ahü; Arka ahealot chang riimak tsihea.

JEREMIA 4:14

Jerusalem lei, ümtsan mong na abi kra hebaiqlaq. Kra riihaü jiiqtiq ümniika mitiichhiilot haü. Ashut ashai ngarai tsantsii ka ümtincho na saüli wa mithii haü?

WEAWEA 22:29

Balaam raq treto, “Ümniiraq ngi ka angiwe ma tiijaho laü kata! Ijaq na nepja asi nguraü jaq, ümniika ase baiqwi she mirha wa.”

Matthew 15:20

Arthun ara raq kata maiqse ka Shiikeawe man na ashe ma tiija tlaq. Shatmaq tsangshiq raq namshiq nangnga jaq ka thungtri riikhaqli maq hetse wan lili raüta tü, adung ka phaqsiq wan lili riichang nguta chongtlaq kra riika, maiqse ka Shiikeawe man na ashe ma tiija mak.”

Matthew 5:28

Shatmaq, ümchaü ngi raq namshiq ma chongpha: jurwa maiqnyung ashi sham na lii raüta, süram wan tlaq, kriiti raq sipeja ngarai ka atsan mong na atang wishe.

Matthew 9:4

Kiijiishe Jesuq raq tsangshiq tsan na jamlai wa tiima tlaq kra thohe raütiishe, “Namshiq tsan mong na akha abi ashut ka jaram wa tiima tlan?

Acts 8:22

Riita, ümchaü min ümtsan tsii ka klaitlo laq. Laüta, ara ajiq ngarai tsantsii kra tiisii miitu Tatiwe jaq wa achu jaü laq.

Romans 7:18

Ngi raq asapha, ngi raq i han-ngam ningkun miika, ahea awa phan jaqsham kriika, sham wan lot mang. Ara jamkhano chongtiikang ngukla, i tsan mong na, ahea awa phan jaqsham kriidea sham hajaq, ngutiika tiima tiikang dea na. Shatmiitiq, ngi raq kra i jaq miishe, ara sham la ngutiishe tiima tiikang niika, sham lot mang she riiki tiikang.