Matthew 14:33 - ASII LAKDAP Bible (BSI)

³³ Kiijiishe lai mong na ngati ajaqshisetiim thun raq Jesuq ka, “Tengto, ümniika Shiikeawe Se dea!” ngutiishe shomnoqto.

Hawa Naga Bible 2001

³³ Kvkaq lix mungx nuex httax yaq sangac hez rueq vpiq muex bumx vtueq nawk palx ruiux, “Mnoz kuex vsuing Tishox Saz doc rvtoq,” ngoz tueq ngoz wuez tueq.

Muklom

³³ Waqwan o tongtey ujiphantey tang aa Jesu tha shumnuk eq batta. “Asing hun nang raa Shkewa Miqwasa!”

Matthew 14:33 Referencias Cruzadas

Tvtsvmc 2:7

“Tatiwe raq aming kuqtaq kra ngi raq mitiitaiha” nguta hokhamwe raq ngutlo, Apaiq raq ngi ma nguto: ‘Ümniika ise; ümchaü ranaiq ngi ka ümwe miishe jakikang.

DANIEL 3:25

“Riita ikhiijiika, ngi raq maiq weblai jongri watum mong na akhumsea chhitiikang ahata?” nguta apaiq raq waito. “Tsangshiq ka khahü. Kiimaq tsangshiq khum na wakhiim tsi min ahü. Kiimaq weblai ngojawe ka rase ngochang chang ikha tiichhitlo.”

Matthew 14:32

Raüta tsangnai wiita lai mong niishe ngawato. Kiimaq rahai hengwa kiimin, asang she riikito.

Matthew 15:25

Kra tai raüta maiq nyung ka Jesuq jichong na bumsaq raütiishe, “Shiilangwe le, ngi ara khrum kuqlaq dea!” nguta noho tin she tiipaiqnea hoqhoto.

Matthew 16:16

Kiijiishe Simon Petar raq treto, “Ümniika atra Shiikeawe Se Messia.”

Matthew 17:5

Apaiq ka abom rai liipan kiijiiniili, tiidong chhaq maq phongtsok ra wa chhaihea langlang phumlü da ashi deaki raüta, tsangshiq tarü ka pang baiqto. Kiimaq phumda mong wa maiq bom ashi akha taito, “Ahata I tsantsii ran chang I Se. Ngi ka apaiq ma pinthum khoqriiq wan tiikang. Apaiq bom ka tai rong laq!”

Matthew 2:11

Tsangshiq ka kiijaq saü raüta jam mong na wato. Kiimaq no ka anyung Meriq rai chhito. Raüta tsangshiq ka lakü maq nga raüta apaiq ka shomnoq wanto. Kiimaq tsangshiq raq ahoho kongphiq chaq, pechong mong wa alam homseng tsai, kiimaq penaihomseng thop kra tsangshiq thongkhiiq mong wa lam raüta, no jichong niishe kai shreng raüta tokuq wanto.

Matthew 26:63

Shatmaq Jesuq ka kaiqshakli riito. Kiijiishe Ramwe Ajong Pinthum we raq jangshi ri hali, tumkhamkok ka toraütiishe, Jesuq ma hali akha ngutiishe bom ka tiitsa wai nongto, “Ümchaü ngi raq ümniima atra Shiikeawe mang na tumkham kok tolata bom waipha: riikhaqli chong laq. Ümniika Messia dea sha? Ümniika Shiikeawe Se dea sha?”

Matthew 27:43

Apaiq raq Shiikeawe ma kamtlo. Kiimaq apaiq ka Shiikeawe Se nguta tiichong tlo. Ahea kata. Ikhiijiika, ümchaü Shiikeawe raq apaiq ka mitiichhii kuq sha, tiichhii kuq mak wa riijiiq, kra lii rong i shaq!” nguta slailiisiqto.

Matthew 27:54

Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.

Matthew 28:17

Kiijaq tsangshiq raq Jesuq ka chhito. Raüta tsangshiq tsan mong niika apaiq ka Jesuq dea sham nguta kamto chhaq ka kam mak dea li jiimin, tsangshiq raq apaiq ka shomnoq wanto.

Matthew 28:9

Shatmaq, tiidong chhaq miili, Jesuq ka tsangnai rai riihumto. Raüta tsangnai ma, “Namnai ma khu asang mirlaq,” nguta bomdamto. Kiimaq tsangnai riimin apaiq phana tiisot saq, raüta ahokpe na sham rang raütiishe apaiq ka shomnoqto.

Matthew 4:3

Kiijiishe, Thawe ka apaiq phana waraüta, “Riita ümniika Shiikeawe Se dea jiika, ara longpo thun ara winsii ma tiija laq,” nguta maitaito.

Mark 1:1

Arka Shiikeawe Se Jesuq Khristo Tsütsa Ahea manphan tiichap phaho.

Mark 14:61

Shatmaq, Jesuq raq tsangshiq bom ka poshi dongdii min tre mak, kaiqshakli riito. Kiijiishe, Ramwe Ajong Pinthum we raq, Jesuq ma bom ka akhiishe hali wai nongto, “Riita ümniika shiiman Shiikeawe Se Khristo dea sha?”

Mark 15:39

Kiimaq, kiijaq pumsongkham khaki na chapshat, Roman phenlabi siihiip jong we raq, Jesuq lang ka jamkho pit wantaq, kra kunli chhito. Kra chhi raüta, “Ai, arwe arkla, Shiikeawe Se dea!” nguta apaiq ka bomto.

Luke 24:52

Tsangshiq raq apaiq ka shomnoqto. Raüta tsangshiq ka, chojong chise miishe, Jerusalem na hali jang wan nongto.

Luke 4:41

Abi winji thun kiimin, “Ümniika Shiikeawe Se!” nguta, agi asii wa trang la, maiq pahea khum wa, dongho raüta, pongpin riipin pintrangto. Jesuq raq abi winji kong ka, tiiki miilaq asea riito. Kiimaq tsangshiq ma, bom ka poshi min tiibom mak riito. Apaiq raq tsangshiq ka jamkhano tiibom mak ngukla, tsangshiq raq apaiq ka Khristo nguta asap. Kriikha maq apaiq raq tsangshiq ka tiibom mak.

Luke 8:28

Apaiq raq Jesuq ka chhi raüta, tiihong raüta siito. Raüta apaiq ka Jesuq jichong na bumki tlii raüta hali agi asii lam maq, “Ratsan ramong nyang na siti Shiikeawe Se le! Ümniiraq ngi ka jamkhii riihowa dam holaü? Ngi ümniima tiipaiqnea tiikang, ngi ka naq tsat baiqkiq!” nguta hoqto.

John 1:49

“Shrinketi we, ümniika Shiikeawe Se kha na! Israilnok Hokham we ahata!” nguta Nathaniel raq apaiq bom ka treto.

John 11:27

Kiijiishe, “Tatiwe, kamtiikang! Ngi raq ümniika Khristo, kiimaq Shiikeawe Se, ara mangjong hiq na misaüki nguta chongtlaq we kra, nguta kam tiikang,” nguta apaiq raq Jesuq bom ka treto.

John 17:1

Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong.

John 19:7

Kiijiishe, “Apaiq miisaq kra shiithum miitu naishiq nok thungtri asi. Ara jamkhano chongtiikai ngukla, apaiq raq apaiq ka Shiikeawe Se nguta tiichong tlo,” nguta mungmaiqse riitsaprai tlaq kriiraq, Pilat bom ka tre nongto.

John 6:69

“Riita, ümchaü sanha naishiq raq ümniika Shiikeawe raq atiiki Asii Maiq Se nguta kamwan tiikai.”

Acts 8:36

Tsangnai ka lamphan phan akaiho nguli kihoto. Tsangnai ka akai rai lam maq, bashi na khamchum ashi chhito. Kra chhi raütiishe, siihiip jong we raq Philip ma chongto, “Riita, ümchaü arjaq kham min asi ahata. Ngi raq khamlam miitu ka pahea rangra rai chang min asi sha?”

Romans 1:4

Kiimaq apaiq wenyi khum kriika, asii Shiikeawe Se. Apaiq ka asii Shiikeawe Se dea nguta tiichhike wan miitu, Shiikeawe raq apaiq ka amaa wa ningkun jonghea maq tiidong wanto.