Matthew 14:31 - ASII LAKDAP Bible (BSI)

³¹ Kiijiishe, Jesuq raq ajaq maq Petar ka hitjoq lapto, raüta, “Ümkam tsantsii ka jaro ranrai tla! Ümniiraq ngi ma kamtsantsii thü wan ka, tsanko tsanki ka jamkho thü tlaü?” nguta sonto.

Hawa Naga Bible 2001

³¹ Kvkaq Yesu rueq vyauk tvlanc vtueq Peter kuex het tvdung ruiux, “Kvmx luimx thuinz vthvp waz lex, yvmx ngoz tueq lac kvmx thuinz tvyaq vshuiux?” ngoz tueq.

Muklom

³¹ Jesu ka eq Peter tha lo eq jung wang lat eq batta, “Bakam sha chamtan ma ney aa? Batin mong o nga cham ma nan tu?”

Matthew 14:31 Referencias Cruzadas

RAPHA HIQWA LAK 22:14

Abraham raq kriiba ka “Tatiwe raq kuqtlo” nguta mangto. Kiimaq ümchaü niitaq maiq raq, “Tatiwe pum niika apaiq raq kuqtlo,” nguta ngutlo.

Tvtsvmc 138:7

Ngi ka litkot chamchao mong na sikang na, ümniiraq ngi khupwong kuqlaü. Ümniiraq ijaqtinok khiqriq ka tokuqlaü laüta ümningkun maq ngi tiichhiikuqlaü.

ISAIA 63:12

Tatiwe ka ümchaü ümbano, man na apaiq ningkun jonghea maq Mosheq lümaq jaqsham jonghea sham wantaq ira, khamjong chum ka atiikho riibaiq raüta, lam tankuq wantaq raüta, asenginok ka kham jong chum mong maq shea wantaq, raüta apaiq mangchong tsa pattup pat-sa miitu tiijong wantaq irwe ira?” Tatiwe raq shunshea wan kha maq, tsangshiq ka rum na siti kumrang kong ikha tsang kiimwiiq ka tiithaptha mak riito.

Matthew 14:30

Shatmaq apaiq raq rahai henghea hairai wan tlaq kra chhi raüta, apaiq ka ahai riito. Krai mren, apaiq ka kham mong niishe sang rai wanto. Kiijiishe, apaiq ka, “Tatiwe loi, ngi thap wan kang, ngi ara chhii laq!” ngutiishe gito.

Matthew 14:32

Raüta tsangnai wiita lai mong niishe ngawato. Kiimaq rahai hengwa kiimin, asang she riikito.

Matthew 16:8

Jesuq raq tsangshiq liipan na riichong ka tai raüta tsangshiq ma waito, “Namshiq liipan na winsii ahü ngutiika jawa riichong rai tlan? Namshiq kamtsantsii ka akhiisiimin ahü ka jaro!

Matthew 17:20

Kiijiishe, “Namshiq kamtsantsii ka akom kha maq,” nguta Jesuq raq tsangshiq bom ka treto. “Ngi raq chongtiikang arka tengteng. Namshiq kamtsantsii ka jücha rai tinse li siraü jiimin, kam lanta ara hiqlam arnang nga, ‘Arba arwa tiikoq wanlaq, laüta ahin niishe kii wan laq’ nguta thaühan jiila, ngohea dea mitiikoq wan. Namshiq raq phanrap miklo lot han!”

Matthew 6:30

Shiikeawe raq mangjong hiq raikhü ka atinkhan tsomhea pepü wiihii maq tiimiikhiiq tlo. Arka jaqlose miitu li. Ümchaü asi anap ka ashin she mirki. Ikha jiika, ümniima Shiikeawe raq khu akhea ka kuq sam mak shea miraq? Üm kamtsantsii ka jaro ran rai tla!

Matthew 8:26

Jesuq raq tsangshiq ka sonto, “Namtsam ka kiitinkhan jaram kiinyii rai wa? Namshiq kamtsantsii ka ranhea!” Kra ngu raütiishe apaiq ka tiidopot raüta, rathaiq hengwa nai khamtso blun hengwa kriima, “Tsaq ronglaq” nguta aming tatto. Krai mren, rathaiq nai khamtso brak watrang kriika sangsaq li she, kaiqshak sanglili she sangkito.

Mark 1:31

Krai mren, apaiq ka wa raüta, ajaq maq atsiti nyung jaq na sham saq raüta tiichapto. Kiimaq atsi ka heasaq li she heakito. Krai mren, jamtinyung ka tsangshiq ma, tashong wachaq she honghoto.

Mark 1:41

Jesuq raq mangchan tsihea lam maq, atsitiwe dü na ajaq maq sham raüta, “Ngi raq ümkhum ka tiisiike rotiikang. Ümchaü min heakikiq she!” nguta bomdamto.

Mark 11:23

Ngi chongpha, tiitsang taironglaq. Jurwa kamtsantsii pharang rang maq, ara hiqlam kaü ara nangnga, tiikoq wan laq, laüta sammoktra jü mong na kü wan laq nguta thaü tlaq, kiimaq atsan mong na tsan nai thümak, shatmaq apaiq raq jamlai chongtlaq kra mihongwa nguta kamtlaq, raüla, apaiq miitu miklokuq.

Mark 16:7

Riita, ümchaü min, namtsam ka walanta, ajaqshisetiim ma, Petar miitaq nong na ara tsütsa ara chongwa rongkiq: ‘Apaiq ka namshiq ma sinkhu na, Gelili na wawan litlo. Kiijaq namshiq ka apaiq rai mirhum han. Arka apaiq raq namshiq ma chongkuqtaq kra phanphan miraq.’”

Mark 4:40

Raütiishe, Jesuq raq ajaqshisetiim ma nguto, “Namshiq ka jam nguta hairai wa? Namshiq raq ümchaü niitaq ngi ma kamtsantsii ka thü man sha?”

Mark 5:41

Apaiq raq no jaq na, ajaq maq shamsaq raüta, “Talitha, kum,” nguta hiato. Kra liichum ka, “Noshii loi, ngi chongpha, tiidolaq!” nguta ngo riito.

Luke 24:34

Kiimaq, tsangshiq raq, “Tengto, Tatiwe ka ama wa dong wanto she dea! Apaiq ka Simon phana min tiichhikito!” nguta tsangnai ma chongto.

Acts 4:30

Kiimaq, asii üm Luqkhapse Jesuq mang na, pinthum awang chang nai amao chang jaqsham ka, atsi asiti ka tiihea kuq laüta, ümningkun jong kra tiichhi kuq laq,” nguta achu jaüto.

TRI CHONGKE 32:36

Tatiwe raq asenginok mitiichhikuq, ümtiikiiwa tsangshiq ningkun thum ka apaiq raq chhijiiq. Apaiq shomnoqti ka apaiq raq mitiihangkuq, ümtiikiiwa apaiq raq tsangshiq ka tsaija chhunja chhijiiq.

1 Timothy 2:8

Arkha maq maiq, barapti raq, noqku akhingtek na, maiqwere raq achu jaü ronglaq. Maiqmii khum ka Shiikeawe ma kiinong kuq lanta siti, kamasham na maiqlare nguta sitlanti ka chap lanta, asii jaq ka ra na do lanta achu jaü ronglaq. Achu jaü lam maq, tsan na akhiq abi kiimaq maiq rai riikhii riilea tiima tsantsii jam min naq thü rongkiq.

1 Peter 1:5

Shiikeawe raq namshiq ka, apaiq ningkun jonghea rüm tlaq kriimaq, namshiq ka tiiwong shat maq rüm tlo. Arka namshiq raq Khristo ma kamtsantsii rüm tlan kriikha maq, Shiikeawe raq namshiq ka tiikhup wongkuq shat maq rüm tlo. Krai mren namshiq ka tsailam jilam miishe Shiikeawe raq mitiichhii kuq dongdii nguta kamto maq sirong laq. Riita, ara chongtiikai tiichhii wan rilung ka, namshiq ma Phangthum ranaiq niishetiq kunkun mitiihong kuq wan.