Matthew 13:41 - ASII LAKDAP Bible (BSI)

⁴¹ Kra akhing na Maiq Se raq apaiq rasetiim ka mitiiki. Raüta rasetiim raq Shiikeawe man na maiqse thungtii wan tlaq kra phong mong wa, maiq ümriiti riiwa nanok ka Shiikeawe wokhong wa, lamjiq nü na sheahotaq, kiimaq tsangshiq maiqmii kiimin lamjiq nü na kihowitaqti thun kra wiita adam na mirchom wan.

Hawa Naga Bible 2001

⁴¹ Miq Saz rueq vpiq raungkamx bix kuex nvr tvkaz vtueq vpiq Mungtan wawc miq muex lvmx tvyaq jix mvrax vhttax miqsaz lotlaz nuiyc honc bac yauk shuimc jix lotlaz kuex thvl tvdung vtueq,

Muklom

⁴¹ Miqna Sa urangkamwa tang takat na etho ning aa thaji ngarey jaksom somlot tey tang ma etho thaji jashit jaksom somlot tey tang tha piq mungtan wang latchak na.

Matthew 13:41 Referencias Cruzadas

2 SAMUEL 23:6

Shatmaq tiina raweahü maiqse thun ka, shukchong daqbaiq raüta, tsuqbaiq tlaq ikha mitsuq baiq; jurmin jaq maq shamki lot mak.

JEPHANIA 1:3

Maiqse angu, kiimaq ngamsaü ngiqse, wushi thun kiimaq ngiq thun, wiita mitiithenbaiqha. Ngi raq abi ati maiqse ka, mitiimiq baiqha. Ngi raq maiqse angu wiita mitiithen baiqha. Atra ashi min tiichong mak miraq; Arka ngi Tatiwe raq ngutiikang.

Matthew 13:49

Ara chongtiikai akhiisii hali phangthum akhing ranaiq niimin miraq. Rasetiim ka kiraüta kechu maiqse phong mong kiiwa, ngarai maiqse thun ka wiita adam na mirchom wan.

Matthew 18:7

Ara mangjong hiq na mangjong maiqse ma phiiptsi chang ka pahea asi. Maiqse ma apaiq kamasham lam kriiwa tiidea baiq chang maitai ka pahea sitlo! Akha abi maitai arka misi dongdii. Shatmaq juwe lümo maiqse ka apaiq kamasham lamphan kriiwa tiichhan baiq tlaq, kriiti miika pinthum phiiptsi chang!”

Matthew 24:31

Rase raq lerong ka ramok rachhai watrang ikha mitsii. Kiimaq apaiq raq arasetiim ka mangjong hiq trotam na mitiiki. Kiimaq tsangshiq raq Shiikeawe sengi thun ka mangjong hiq hamli wa wiita hutjok adam na mirchom wan.”

Matthew 3:12

Apaiq raq ajaq na tsam jap wan chang wankhü ka shamshat she. Tsamphong wa aru nai achhü thun ka wiita ajap she mirbaiq wan. Raüta apaiq raq tsam awongsii thun kriika tum akhiiq mong niishe misaiq sam wan. Kiimaq aru nai achhü thun kriika pattup pat-sa matki mak phan walü rai tlaq kii- niishe miphong chaq baiq wan.”

Matthew 8:20

Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

Mark 13:27

Kra akhing na apaiq raq rasetiim ka tiiki raüta mangjong hiq barap se na siti Shiikeawe raq atsea wan maiqse angu thun wiita kra mirchom hea wan.”

Romans 2:16

Riita, ümchaü ara bomtsi chong tiikang arai mren, Phangthum Khapho Ranaiq niika Shiikeawe raq, maiqse angu thun wiitarü kriika, tsangshiq raq tsangshiq tsan among na, ümchuwa maiqse raq khonlot mai chang, ahuk apaü raüta ahea abi tiima tsantsii thü wan raüta siwantaq, kra thun ka ngi raq trahokuq wan tiikang Tsütsa Ahea armaq shin wan raütiishe, Jesuq Khristo lümaq, tsangshiq kha kra mipho kuq wan.

Hebrews 1:14

Riita, ikha jiila, rasetiim ka ju wiita? Tsangshiq ka winji kong. Tsangshiq ka Shiikeawe shiili liiti. Tsangshiq ka tiichhii wan rilung lap wanti maiqse angu thun kra khrumke miitu, Shiikeawe raq atiiki.

Revelation 21:27

Ashe ashi ngarai thun ka ara chela na tiinyap mak she miraq. Kiimaq, jurwa jeasi chang sham tlaq kiimaq jurwa arot akiq chong tlaq, kriiti thun ka ara chela na walot mak she. Ju mang wa Skuse atra rilung lakdap na waiqje asi, kriiti thun kli she ara chela mong na miwa lot.