Matthew 13:35 - ASII LAKDAP Bible (BSI)

³⁵ Apaiq raq chongkuq wantaq arka, shammi we bomchong kra tiikupi ma nguta chongkuqto. Shammi we raq akha nguta tiithai chongthüto, “Ngi raq tsangshiq ma shiiton bomtsi maq michong kuq ha; ngi raq tsangshiq ma rapha hiqwa miiphü, apaü raüta athü wan bomtsi kra michong kuq ha.”

Hawa Naga Bible 2001

³⁵ Vkhoc jungx kuq tueq, “Ngaz rueq bomc tv-ngvlc maq ngvy nuix dauz vtueq jungx vshaungx; Mungkawx tvdung sung tueq maq phaungc vtueq vhttuiyq vpuiuc vruex phvnx htenc kuex ngaz rueq jalc jungx kuq shaungx,” ngoz tueq shvmmax rueq vjungx kvjaz kuex hungx wvnc tvkoc rvtueq.

Muklom

³⁵ Rangsamal aa chamta batta, irimal asing angta, “Nga raaqshiton phan eq ning jamoq wan náng, nga iri mingkang phang wang tapu raaq tang raa ning ma bat náng.”

Matthew 13:35 Referencias Cruzadas

Tvtsvmc 49:4

Itsantsii ka taksu bomtsi thun na mitiitsiha, lata kriithun liichum ka hünongtoro tsülam maq michongha.

Tvtsvmc 78:2

Ngi raq taksma shiiwang bomtsi michongha lata richü pat wa amao chang manphan liichum michong kuqha,

ISAIA 42:9

Ngi raq tiithai wan kang thun ka ümchaü kuwanto she. Ümchaü Ngi raq ümniima phanrap anye thun kra chongpha, kriithun ka mihongtha wan shaq niili chong kuqpha.”

AMO LUIK DVP (AMOS) 3:7

Ajong Thaq Na Ajong Tatiwe raq, apaiq raq jamlai wa kiimung tlaq kra, ajaqshisetiim shammibi ma kongkhu chonghü maq, jaq ka sham wan mak phan.

Matthew 13:14

Ara chongtiikai krai mren, man na Isaia shammi we raq atiithaithü bomchong kriika ümchaü tsangshiq rilung niishe kupi wanto. Apaiq raq akha chongthüto: ‘Arnok riika taishat shat taü miimin takmak miraq; chhi shatshat taü miimin chhi mak miraq.

Matthew 13:3

Apaiq raq tsangshiq ma apaiq traho bomtsi ka phanrap manphan maq shiiton kuq wan raüta phanchan kuqto. Apaiq raq akha chongkuqto, “Man na maiq weshi ka tsamlai wankai nguta wak na kihoto.

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

Matthew 5:2

Kiimaq apaiq raq tsangshiq ma akhiishe phanchan kuq phahoto:

Luke 10:14

Shiikeawe raq Phangthum Khapho Ranaiq na, namshiq thaq na Tajar nai Sidon chelati ma mangchan ka apa lin mitiichhi kuq!

John 17:24

“I We lei! Ümniiraq tsangshiq ka i sengi ma tiija wan laü she. Krai mren, ngi raq tsangshiq ka, ngi ümbano sitiikang, kiijaq ngi rai adam na tiisi wan dam rotiikang. Akha siwan hai jiitiq, ümniiraq i khushü tiijong kuq laü kra, tsangshiq raq michhi wan. Ara jamkhano chongtiikang ngukla, ara ra nai hiq armin mitiiq pha wan shaq niiphü dongdii, ümniiraq ngi ka lungwii wan laü ihata. Kriikha maq, i khushü tiijong kuq tlaü kata.

Acts 15:18

Riita ija arka Tati apaiq bomchong. Arka rathup rapha niiphü achongthü.’

1 Corinthians 2:7

Riita ngi raq phanchan kuq tiikang taksma phaqchi arka, Shiikeawe raq apaü raüta athü phaqchi tu riito. Arka mangjong maiqse raq chhilot mak apaü raüta athü. Shatmaq apaiq raq ara phaqchi ara nashiq miimin riishake miitu, rapha hiq wa min mishaq niiphü thimi wanje she dongdii riito. Kriika nashiq raq Shiikeawe chhainyii rilung kra riisha lap wan dam miitu tiihong kuqto.

Ephesians 3:5

Man na richü pat niika, ara chong tiikai apaü raüta athü, Shiikeawe jaqsham arka, maiqse ma chong kuq mak dea riito. Shatmaq, ümchaü ka Shiikeawe raq, Asii Wenyi lümaq, apaiq kiimwebi nai shammibi ma tiichhi kuq wanto she.

Ephesians 3:9

Riita, ara jaqsham kuq taq arka, maiqse angu tarü raq, Shiikeawe raq apaü raüta athü bomhuk raükha arka, maiqse rilung na kupi wan tlaq, kra tiichhike miitu riito. Arka, ra nai hiq phansangti Shiikeawe raq, man na richü pat na, maiqpat ümchuwa lea wan taq akhing niika, tiichhikuq mak dea, apaü raütli thü wanto.

Hebrews 1:1

Richü pat na Shiikeawe raq natitiim ma, apaiq wokhong na siwan lamlu hon atsii ka jang pahea chongkuqto she. Kiimaq ra shammibi lümaq phanrap phanrii lam na seng raüta, tsii ka chongkuqto.

Revelation 13:8

Mangjong maiqse, ra takiq na siti kunli raq, ara jü mong maq adong ngamthaiq kaü arshe mishomnoq. Shatmaq tsatbaiqtaq Skuse jaq na sitlaq, maiq atrati mang waiq chang lakdam na, juju mang wa ra nai hiq ara miphan sang shaq niiphü dongdii awaiq wan wishe asi, kriiti thun riili she, ara jü mong maq adong wan ngamthaiq kaü ka shomnoq mak miraq.

Revelation 17:8

Kra ngamthaiq kaü ka man na atra riito. Shatmaq, ümchaü ka amaa she. Apaiq ka wulum mung wa saü wan nam nam she. Kra saüwa raüla, ngamkaü ka atsea she mirbaiq. Mangjong hiq na maiqse diim tlaq kiiwa, ümriiti mang wa atra lakdap na, ra nai hiq miphan sang wan shaq niiphü dongdii waiq thü hü, kriiti thun tarü raq, ara ngamthaiq kaü sham na lii raüta, kai awang mirwan. Kriika man na atra riito. Shatmaq, ümchaü ka atra riimak she. Shatmaq, ngamthaiq kaü ka thongshi ri hali atra misam wa nong.