Matthew 13:33 - ASII LAKDAP Bible (BSI)

³³ Kiimahali Jesuq raq tsangshiq ma shiiton ashi maq hali chongkuq nongto: “Ramungtan ngutlaq arka akha. Bom shiiton ngu i, maiq nyungshi raq, wong tok roqblai ka chung raüta, pi maq tiijali shoq tlaq ikha kata.”

Hawa Naga Bible 2001

³³ Yesu rueq bomc tv-ngvlc vganc maq tsuinghez muex jungx kuq yek tueq, “Raungx Mungtan kuex vkhoc phvnx rulc rv-ngvlc yaq. Yalxjuik nyuiuz shiz rueq wisiz raungluingx lvmz vtueq wungwanx tawx shiz nuex htawc koq tueq lotlaz tvwuiz gay lot yaq rulc rv-ngvlc yaq,” ngoz tueq jungx tueq.

Muklom

³³ Jesu aa ning ma adak raaqshiton batta, “Rangmungtan raa irimal: Miqnu ashey aa thawung phan amaan dan sa som eq, ahan ban jamoq nolta. Etho jang jang eq thaji thanol eq wung ti ta.”

Matthew 13:33 Referencias Cruzadas

RAPHA HIQWA LAK 18:6

Kiimaq Abraham ka taülaü khiq tombutiip mong na juto. Raüta Sara ma akha nguto, “Kotsi, ümjaq wa ahea pinthum bunwong thong kriiwa wongwin ka lam laüta winsii lumlaq.”

2 SAMUEL 13:6

Krai mren, Amnon ka atsila riikikang nguta akhok mong na abum she riiwanto. Kiimaq Hokhamwe Dawit ka apaiq liiwa wato. Kiijiishe Amnon raq apaiq ma chongto, “Mangchan laüta, Tamar ka ana iphana tiiwa laq. Raüta apaiq raq arjaq imakki na winsii ka lum raüta, ngi ma ajaq maq mitiiphaqsiq laq.”

YOBA 17:9

Aki miikiimbi nguta tiingoti thun ka, tsangshiq dea riikhaq li nguta tiima tlo.

TAKSU LAK 4:18

Shatmaq kechu maiqse rilung lam ka, ranap na rashe dong wan tlaq ikha, ranaiq hoho rashekii ka, henghea riiwan tlaq ikha, liliim wantlo.

Hosea 6:3

Nashiq raq apaiq tiima tsantsii, khonwan miitu shiichaq rong i. Apaiq nashiq phana, ranap rashe kii li ikha miki dongdii. Lamse sat ma rajuntsi paü pan ikha, apaiq nashiq phana misaüki. Raüta nashiq ma achu shiiman mikuq.”

Matthew 13:24

Jesuq raq tsangshiq ma shiiton manphan bomtsi ashi maq hali phankuq nongto: “Ramungtan ngutlaq ka akha. Bom shiiton maiq weshi raq awak na bunwong lai laihea wiq ka wankito ngu i.

Mark 13:20

Shatmaq, Tatiwe raq kra chamchao rahiq ka atiitoq riikuqto. Tiitoq kuq mak ngu raü jiika, maiqlai min tiichong mak she khata miraq. Shiikeawe raq apaiq raq atsea wan, asengi kra tiihang kewan miitu, ara chongtlaq chamchao rahiq akhing arka atiitoq kewan wishe.

Luke 13:21

Kriika akha. Arka, jechak nyung ashi raq, tok roqblai wongwin ka wankhü na phong raüta, pi maq sho tlaq ikha. Pi maq showan jai, kra wongwin ka, winsii miishe jakitlo.”

John 15:2

Apaiq raq i tsung na, atsi ahühüti i kü i ko thun kriika, angei riibaiqtlo. Kiimaq, atsi asisiti i kü i ko thun kriika, aheawiq maq tiisii chhintsii wantlo. Raüta, atsi ango ka apapa she tiitsi ngo wan miitu, ashun thun kriika, aton riibaiqtlo.

Galatians 5:9

Maiq bom tiihap hong akha asi jo. “Tsam wankhüshi kra sho miika, pi ka dashi se kli mihong rai,” nguta chong tlo.

Philippians 1:6

Krai mren, Shiikeawe raq namshiq rilung na, ara jaqsham ahea shampha wantaq arka, Khristo Jesuq saükai Ranaiq na saüli, apaiq jaq thiq kra kunli mitiinyi wan dongdii nguta, tsankhun maq sitiikang.

Philippians 1:9

Ngi raq Shiikeawe jaq wa, achu jaütiikang, namshiq liipan na lungwiitsii rüm tlan kra, apa tsi wan ruq maq, midong man laq. Kiimaq riikhaqli phaqchi tu ka sap lanta, taksma kappe maq, phanrap ahea abi sitlaq kra, shin lanta si ronglaq.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.

PHOWEBI 6:19

Krai mren, Gideon ka ajam na wawanto. Raüta chhechhise arese ashi ka ta raüta ngam ka lumto. Kiimaq tokroqshi bunwong win maq winsii ka pi maq shohü maq lumto. Raüta apaiq raq ngam ja ka taükok ashi thiito. Kiimaq ngamtai thakotkot ka takpo ashi na thii raüta Tatiwe rase okchong tong na nga tlaq kiijaq lamkuq hoto.

1 SAMUEL 1:24

Apaiq raq no ma pünyang ka tiipan lot jai she, apaiq raq no ka Shilo na sheahoto. No rai wiitsam minsaü pongse ashi, kiimaq bunwong wongwin tok roqshi kiimaq spiqtai ka ngamkhü khiiq ashi mali hoho raüta kito. Apaiq raq Samuel ka nonose niili Tatiwe jam Shilo na sitlaq kiijaq shea thükito.