Matthew 13:15 - ASII LAKDAP Bible (BSI)

¹⁵ Tsangshiq khutsai ka abikai kun she. Tsangshiq ni kiimin alan kai kun she. Kiimaq tsangshiq makpo kiimin achukkai kun she. Kra riimak ngu raü jiika tsangshiq raq michhi wan wa. Tsangshiq ni maq mitai wan wa; tsang khutsai na minyap wa. Raüta tsangshiq ka ngi phana miwa wan wa, kiimaq ngi riimin tsangshiq ngarai ka midii kuq wan ha wa,’ nguta Shiikeawe raq chongtlo.”

Hawa Naga Bible 2001

¹⁵ yvmx khoc lac ngoz ruiux lec tsuingshiq thuinz vmungx htenc kuex htvy wvnc vtueq, tsuingshiq nac kuex bawx wvnc ruiux tsuingshiq muik htenc juk wvnc tuex. Rvmuq ngoz ruiux kuex, tsuingshiq muik htenc kvkhic wvnc vtueq, tsuingshiq nac htenc maq tay wvnc ruiux tsuingshiq thuinz vmungx htenc maq tuiuz wvnc ruiux kuex tsuingshiq kuex ngaz muex kvmx vtueq ngaz rueq muinz tsuingshiq muex tvhvlc kuq shaungx ngoz tueq Tishox rueq jungx tueq,’ ngoz tueq.

Muklom

¹⁵ Chammatakoi ning tin raa achet hal, etho ning aa naq eq tat moq, etho ning aa miik tha thaduk ta; Etha ang moq ang ajo ning aa miik eq khina, etho ning aa naq eq tatna, etho tin o sam na; Etho ning i ching konáng ngik na, etho nga ning raa taqhal náng.’”

Matthew 13:15 Referencias Cruzadas

Tvtsvmc 119:70

Ara maiqkong arka hon atsii ahükong, shatmaq ngi kla ümtri wokhong na siwankli lungwiisiq tiikang.

TAKSU LAK 16:30

Jurwa ümniika maksii lam maq liitlaq, raüta nü tiiphupshat maq naitlaq, kriiti ma honkamshat riilaq; Tsangshiq tsan mong na, abi kiimung hangtlo.

ISAIA 44:20

Arka wabun mesea lam niishe supwatlo. Apaiq hon atsii ngila sang sikha maq, apaiq ka lamjiq na tiishon sheahoto. Atsii ka jai na tiijang wan lot mak she. Apaiq khutsai na apaiq raq ajaq ma shamtlaq sumla phra ka tisho riimak dongdii nguta akhutsai na nyap mak dongdii she.

ISAIA 57:18

“Tsangshiq raq jamlai wa klowantaq thun ka Ngi raq chhikang she. Shatmaq Ngi raq tsangshiq tsisi ka atiihea she mirkuqha. Ngi raq tsangshiq ka mishun shea wanha. Lata tsangshiq ka mikhrum kuqha. Kiimaq juwa aho ajii sitlaq kra atiijaiq mirkuqha.

ISAIA 6:10

Kra nguraütiishe apaiq raq ngi ma chongto, “Arnok khutsai ka ahü ma tiijabaiqlaq. Tsangni ka biila miishe tiijabaiqlaq. Kiimaq tsangshiq mak ka makchuk ma tiijabaiqlaq. Kraimren tsangshiq raq chhimak she, kiimaq taimak she kiimaq takmak she mirlaq. Tsangshiq raq chhi raü jiika, tai raüjiika, takraü jiika iwokhong na miwa wan wa. Raüta tsangshiq ngarai tsi si ka atiihea mirkuqha wa.”

JEREMIA 17:14

Tatiwe ngi tsi ara tiihealaq. Raüla phintsaqtsaq she miheakiha. Ngi tiiwong kuqlaq. Raüla ngi ka minhap tiichhiije she miraq. Ngi raq ümniikli tiitsam tiikang!

JEREMIA 17:9

“Maiqse tsantsii ka juro mikhon lot? Atinkhan laopha pinthum ka ahü; Arka ahealot chang riimak tsihea.

JEREMIA 3:22

Jangwa rongkiq, namshiq tarü Tatiwe wokhong wa kiholanti thun; apaiq raq namshiq thatsi ka atiihea mirkuq kiimaq namshiq ka maiqshaq miishe mitiija wan. Namshiq raq ngutlan, “Tengto, naishiq ka Tatiwe wokhong na jang wan nongtiikai. Jamkhano ngukla apaiq ka nashiq Shiikeawe.

JEREMIA 33:6

Shatmaq Ngi raq ara chela tsisitlaq kra nai ara chelati mungmaiqse tsisitlaq thun ka atiihea mirkuqha. Lata tsangshiq ka man na jamkho hansang sitaq kiikha khusang miishe mirüm wanha. Ngi raq tsangshiq ka khusang rakhang maq nai kiimaq kiqkap jaqshap miishe mirüm wanha.

Hosea 14:4

Tatiwe raq ngutlo, “Isenginok iwura maq mitiihamha, Tsan nai mongjii kuq lata, tsangshiq milungwii nongha. Tsankhiq walü thumto she. Tsangshiq khu min liiqkang she.

JEKERIA 7:11

“Shatmaq isenginok raq tsangni lanlaqlaq maq siwanto. Tsangshiq khutsai ka tlan phan baiqto.

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Mark 4:12

Arka, asii bomtsi na akha chongthüje dongdii, ‘Tsangshiq raq mak maq chhi shatshat taü miimin, chhi mak miraq; tsangshiq raq taishat shat taü miimin, tak lot mak miraq. Tsangshiq raq tak raü jiika, tsangshiq tsantsii miklai wa; kiimaq Shiikeawe raq tsangshiq ngarai ka midii kuq wa.’ ”

Luke 19:42

hoqto: “Ümniiraq ümchaü ranaiq na, khusang maq si miitu jamlai riichang wa, kra sap haü jaq ahea riichang! Shatmaq, ümchaü ümniiraq chhilot maü she!

Acts 28:27

Ara jamkhano ngutiikang ngukla, arnok sung atsii ka alamlatkai wishe; kiimaq tsangshiq ni ka alankai wishe. Kiimaq tsangshiq mak ka amiikai wishe. Kiikha riimak ngu raü ka, tsangshiq raq mak maq michhi wa, tsangshiq raq ni maq mitai wa, tsangshiq sung atsii ka tsangrakrak maq misap wan wa. Raüta tsangshiq ka ngi phana miwa wan wa, kiimaq ngi raq tsangshiq tsisi ka, wiita mitiihea kuq wanha chang wa, raüta tsangshiq ka, hansang maq singa wan chang wa,’ ” nguta Shiikeawe raq chongtlo.

Acts 3:19

Riita, ümchaü min, ara chong tiikai arai mren, namshiq raq maiqmii ngarai ka tiidii tlo ronglaq. Lanta, Shiikeawe wokhong na nyap wan tlo ronglaq. Kra riihan jiitiq, Shiikeawe raq namshiq ngarai kra midii kuq. Namshiq raq kra riihan jiila,

Acts 7:57

Kra ngo ka tai raütiishe, Rung na ngati welabi thun ka hong raüta, agiwa trang liishe, tsangshiq nipu ka maiqmii jaq maq sukrang riito. Raüta, tsangshiq ka apaiq phana phong rang she, apaiq ka bok wantlii riito.

2 Timothy 4:4

Tsangshiq raq Phungmaiqse kamasham rilung lamphan, tengteng bomtsi chongkuq tlaq kriika tairo mak she miraq. Raüta, tsangshiq riika hiqtili manphan bomtsi chongkuq tlaq kra khoti mitaiho. Raüta, kra hiqtili manphan chong kuq tlaq kiimiishe mikam.

Hebrews 5:11

Naishiq raq namshiq ma Melkijedek raq ramwe jaqsham wantaq kiikha, Khristo riimin ramwe jaqsham tlo kra, bomtsi thaq na atsaü dea chong kewa chang asi shaqli. Shatmaq namshiq ma phanchanke miika ahawiq. Namshiq raq maiq bom chong kra samhea tiitsang tai tsüman sitlan.

Revelation 22:2

Raüta chela mong na lamjong tingting maq jükok ka kihoto. Kra jürai siimhap ri takii niika, rilung tsitsü petsi chong chap raqraq. Kra pechong raq rawiishi niili, jangroq shi ri jangnai nai nai, jipitek na jangshi shi tsitlo. Kiimaq ajaq thun ka maiqmung ümchuwa sitlaq kra, atsi asi tiiheake miitu.