Matthew 12:50 - ASII LAKDAP Bible (BSI)

⁵⁰ Jurwa i We ramungtan na sitiwe raq achong bomtsi kra tai tlaq, kriiti kata ngi ma i no, i sheanyung kiimaq i nyung.”

Hawa Naga Bible 2001

⁵⁰ Raungmungx nuex httax yaq Iwaz thuinroc shuimc jix htenc kuex inox, ishvlx nyuiuz nuiyc inyuiuz rvtueq,” ngoz tueq jungx tueq.

Muklom

⁵⁰ Rangmungtan na tongtey i wa raaq tat tey sha i pho no nia i nu.”

Matthew 12:50 Referencias Cruzadas

Tvtsvmc 22:22

Ngi raq inok ibin ma michongha ümniiraq jamlai wa shamkuq laü kra; Ngi raq ümnaq mitiitsamha tsangshiq phungtu maq:

ASHICHONG 4:12

Irorii-nyung, ita-nyungnye, ümniika ngi ma pong na apaü petsi sonruk, rukje sonruk, pumsii jürai.

Matthew 12:49

Kra ngu raütiishe, apaiq raq ajaqshisetiim phanü na tiichhi raütiishe akha nguto, “Liimanta! Arthun ahata ngi ma anyung kiimaq ngi ma anotiim!

Matthew 13:1

Kra ranaiq niili Jesuq ka jam maq tiido wanto. Kiimaq thamchum kii nü kiina wawanto. Raüta, apaiq ka kiijaq nga raüta, nokmaiqse ma traho bom chongkuq phahoto.

Matthew 17:5

Apaiq ka abom rai liipan kiijiiniili, tiidong chhaq maq phongtsok ra wa chhaihea langlang phumlü da ashi deaki raüta, tsangshiq tarü ka pang baiqto. Kiimaq phumda mong wa maiq bom ashi akha taito, “Ahata I tsantsii ran chang I Se. Ngi ka apaiq ma pinthum khoqriiq wan tiikang. Apaiq bom ka tai rong laq!”

Matthew 25:40

Kiijiishe Hokham we raq mitre, ‘Ngi chongpha, namshiq raq ümtiikiiwa ara i phu i notiim phong wa juwa wepuq pinthum kra liikuq lan, kriika ngi liike taitlo!’ ”

Matthew 25:45

Kiijiishe, Hokham we raq tsangshiq bom ka mitre, ‘Ngi chongpha, namshiq raq ümtiikiiwa ara wepuq wese phong arwa weshi ma khrum kuq man riilan, kriika ngi ma khrum kuq man riilan.’

Matthew 28:10

Kiijiishe, “Namnai ka ahaisong chang jam min ahü,” nguta Jesuq raq tsangnai ma chongkuqto. “Warong laq. Lanta i notiim kiima Gelili wang nü na wali ronglaq. Kiimaq kiijaq tsangshiq ka ngi rai mirhum laq nguta chong kuq wa rongkiq,” nguta Jesuq raq tsangnai ma chongto.

Mark 3:35

Jurwa Shiikeawe bom lang tlaq, kriiti kata ngi ma, i no, i sheanyung, kiimaq i nyung,” nguta tsangshiq bom ka treto.

Luke 8:21

Kiijiishe, Jesuq raq tsangshiq tarü ma chongto, “I nyung nai i notiim ka, jurwa Shiikeawe bomtsi ka tai tlaq, raüta lang tlaq, kriiti thun kata, ngi ma i nyung nai i notiim,” nguta apaiq raq tsangshiq bom ka treto.

John 15:14

Kiimaq ngi raq namshiq ma jamlai aming wa kuq tiikang kra namshiq raq lang wan lili riihan jiika, namshiq ka i khi i lu wetiim miishe mija wan han.

John 20:17

Kiijiishe, “I dü niika naq tiipaq jaqkiq,” nguta Jesuq raq apaiq ka tiiwinto. “Ara jamkhano chong tiikang ngukla, ngi ka i We phana mijang wan ha shaqli. Shatmaq, ümniika i notiim phana walaüta bom ka chong wakiq. Ngi ka i We, kiimaq tsangshiq We, i Shiikeawe kiimaq tsangshiq Shiikeawe phana jang wan nong she,” nguta chong wakiq.

John 6:29

Kiijiishe, Jesuq raq treto, “Shiikeawe raq namshiq ka apaiq raq atiiki, we kiima kam ronglaq nguta thaütlo”

John 6:40

Riita, i We riika, maiqse angu ümchuro, ngi Ase rai sham riichhi tlaq, raüta, ngi ma kamwantlaqti thun maiqse tlotli raq, pattup pat-sa rilung kra milap wan laq nguta thapthitlo. Krai mren, ngi raq tsangshiq ka phangthum ranaiq na amaa wa mitiidong kuq wan ha.”

Acts 17:30

Riita, maiqse raq man na lea wantaq pat achat na, Shiikeawe lamphan ka sap wan mak maq siwantaq thun akhing kriika, apaiq raq raüpot kha mak she. Shatmaq, ümchaü ka apaiq raq tsangshiq tarü kunli raq abi ngarai lamphan kiiwa tsantsii klai rongliishe nguta aming ka kuq tlo.

Acts 26:20

Ngi raq mungmaiqse ma, namshiq ngarai ka tiidii wan tlo ronglaq. Lanta, Shiikeawe puk na nyap wan tlo ronglaq, lanta tsantsii klai wan kai she nguta, maiqse raq mak maq chhi tai wan li chang, namshiq jaqsham kaiwa ahea awa kra shamlam wan lili lantiishe, rilung jaqsham nai namshiq chapnai nga maq tiichhi kuq wan ronglaq, nguta tsangshiq ma traho bom chongkuq wan kang. Ngi raq ara traho bomchong ke wan jaqsham arka, apha na Damaskas na tra hokuq wan kang. Lata Jerusalem niishe tra hokuq wan kang. Kra jai miishe, Judia wang tlotli niishe tra hokuq wan kang. Kiimaq Pongnok phan maiqse miishe tra hokuq wankang.

Romans 8:29

Shiikeawe raq maiqse phong wa ümriiti wa, kongkhu miiphü tsea wantaq, kriiti ka Ase sham sham tiija wan miitu, athiiq raüta pong na rairii thü wanto. Krai mren, Ase ka aphu anotiim pahea siwan tlaq kra phong na, chhikhu pinthum we ma mija wan.

1 Corinthians 9:5

Ngi riika nanok kiimwebi ahinti raq jamkhiiwa lapphaq siq tlaq, kra khankhan lapphaq siq lot mang sha? Tatiwe nung anotiim nai Petar hii raq tsang- nyungtiim kra shea raüta, Tsütsa Ahea chongke wanhiq khum tlaq kiikha, ngi riimin wanhiq na khum kilot mang sha?

2 Corinthians 11:2

Shiikeawe raq namshiq ka jamkho lungwii tlaq, kiikha ngi riimin namshiq ka lungwii tiikang. Namshiq ka ngi raq Jesuq Khristo ma tiiwa ma nguta, junrii wahüse ikha, weshi Jesuq Khristo rii li she nguta shiikap kang. Namshiq ka norii ahinti rai riibom kai ka maimak she. Junwa ranaiq na saüli, asii maq sirong laq.

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

Galatians 6:15

Maiqse ka, athohan je sha sitlaq, sha athohanhü wa sitlaq, kriika jamlai akhek riimak. Shatmaq, apaiq raq rilung anye she lap wantaq, kra apaiq ma akhek pinthum.

Colossians 3:11

Riita, arka pum anye miishe songkuq tlaq krai mren, ümchaü sanha, Pongnok phan maiqse nai Jehudinok phan liipan na lo, kiimaq athohanjeti lo, atho hanhüti lo, pongnok pongta phan lo, tawesang phan lo, di ama lo, kiimaq akimiikiim phan lo, arthun ara liipan na, ajong phan, aran phan nguta jamlai tiikhothiq kai chang min ahü she. Shatmaq, namshiq wiitarü khum na, Khristo sitlaq kriili she hongjiiq. Apaiq ka namshiq rilung na asi jiika hongjiiq she. Khristo kli wiitarü, kiimaq Khristo ka wiitarü khum na sitlo.

1 Timothy 5:2

Nyungwere jechakre ka, ümnyung ikha lii laq. Kiimaq jechakre, junriibi ka tiima tsantsii siirairai maq, ümnotiim ikha lii laq.

Hebrews 5:9

Apaiq raq ajaqsham wan chang ümchuwa sitlaq kra, kunkun tiinyi sham wan kha maq, apaiq ka minhap maiqse ashi miishe jawanto. Krai mren apaiq ma kamwantibi ma apaiq ka tiichhiiwan tsitsü raüchong miishe jawanto.

1 Peter 4:2

Riita ara chongtiikai arkha maq, ümchaü sanha, namrilung ka mangjong hiq na ümchu ranaiq wa atra misi thü han, Shiikeawe tiima tsantsii khuthaq na seng lantli she sirong laq. Ngarai han-ngam tiima khu niika naq si rongkiq she.

1 John 2:17

Ara mangjong hiq rai khü na phiijawa ümchu wa diim tlaq kriiraq, ara ariq phan nguta shreng tlaq thun wiita arka thum rai wan tlo she. Shatmaq jurwa Shiikeawe raq lungwii tlaq kra lang raüta, jaqsham tlaq, kriiti ka pattup pat-sa atrali she misi.

Revelation 22:14

Kechu jonghea jurwa maiqmii samtong jong ka tiisii heje sam raüta sitlaq. Tsangshiq ka chela mong na minyap wan lot kiimaq tsangshiq ma rilung tsitsü petsi chong kiiwa petsi pansea miitu arang asi miraq.