Matthew 12:44 - ASII LAKDAP Bible (BSI)

⁴⁴ atsan mong na akha tiibot tlo, ‘Ngi ka i jam jamchü niili khoti mijang wa nongha.’ Krai mren apaiq ka jang wan nong raüta, ajam ka shaqmii, siirai rai hea, chhii rea je she michhi wa.

Hawa Naga Bible 2001

⁴⁴ kvkaq piq kuex, ‘Ngaz dung kaz wvnc tauk yuimx nuex dvyx yek waungc juing,’ ngoz tueq. Kvruex yuq httuiuc waung yek koq tueq, yuimx kuex vhvlx waq penc tsawc vtueq vtvsvp taq kuex khiz waung tueq.

Muklom

⁴⁴ Piq aa utin o tathin aa, ‘Nga bari wang thalak tang, eshi i him náng wey wang tey.’ Etho piq wey wel atho, piq him chang pol ang eq, tasang chol etho thaji karok kara khita.

Matthew 12:44 Referencias Cruzadas

Hosea 7:6

Tsangshiq ka hokham jam na, rawa minru mat-sü tsa-sü ngatlo. Raüta ranap rashe dong wan raüla, tsangshiq matraü thiikho kriishe lintlo.

Matthew 12:29

“Maiq weshi raq, maiq kuila weshi sitlaq kriika, apaiq jam mong na nyap wa raüta, apaiq ka kongkhu lapho raüta kharü maq khabaiq hü miika, apaiq jamkun mong wa tachong wiira hupsam thun sitlaq kriika jamkho mirunho lot? Apaiq kra kongkhu khabaiq chang miraq. Apaiq khabaiq jai shetiq, ajamkun wa tachong hupsam thun kra mirun wanlot.

Matthew 12:43

“Ümtiikiiwa abi winji ka maiq weshi ra khum wa jobaiq tlaq, apaiq ka khuhü khamhü binjü na achap anga chang ritkai nguta kiho tlo. Shatmaq apaiq raq asi anga chang ka hum mak she raüla,

Matthew 12:45

Krai mren, apaiq ka kiho nong raüta, apaiq thaq na bihea abi winji miishi kriishe sheaki raüta, kriiwe khum na she mishang. Kra thun ka shang wa jai she ka, kriiwe rilung ka aphaji na kra nam ma diikiq tiidearok she miraq. Archong kai chang min ahü she miraq. Ara chongtiikang akhiisii hali, ümchaü pat wa Shiikeawe ngengti maiqse rilung kiimin mithenki.”

Luke 11:25

Krai mren, apaiq ka sichang chü jam kiina mijang wan nong. Raüta, kra jam ka siirairai hea, rong awii min chhii rea je she michhi wa.

John 12:6

Apaiq raq ara bom chongtaq arka, apaiq tsan mong na miitsan miijan maiqsetiim ma mangchan tiitsi raütiika riimak. Shatmaq, apaiq ka ahuk we kha maq bomto. Apaiq ka tsangshiq kampho khiiq kra hoti we. Akhing khing na apaiq raq kra taro kampho khiiq kiiwa khot raü raüta shaphaqtlo.

John 13:2

Jesuq nai ajaqshisetiim ka raji dungsea adam na artam nga wishe. Kra akhing na, Tha raq Simon Iskariot se Judas tsan ka, Jesuq shaphaq miitu arap baiq kun she.

John 13:27

Krai mren, Judas raq kra winsii phu ka phaq ri li she, Soitan ka apaiq khum niishe shang wanto. Kiimaq, “Ümniiraq jamlai phan klo chang wa, kriika jaqlolo klo tlo laq!” nguta Jesuq raq apaiq ka thaüto.

1 Corinthians 11:19

(Riita akha namshiq phong na pongkong riikong ka sichang dea na. Kra siraütiq tiina, ümriikongti wa maiqshaq, kra atiitsang ma ahea miraq.)

Ephesians 2:2

Kra lea wan lan akhing na, namshiq raq ara mangjong hiq na siti, abi maiqse rilung lam kra phan lanta silan. Krai mren, kiitiikaq, namshiq ka, ara ümchaü pat wa mangjong maiqse, Shiikeawe kiq khiiti ara jamsha wanti we, rawang win na siti abi winji welabi thun thaq na, hokham jati we wokhong na silan.

1 John 2:19

Riita ara chongtiikai Khristo ma wesang raliibi thun arka, apha miiphü nashiq rai tushi niika sidam mak dongdii. Kriikha maq, tsangshiq ka na tu mong wa pong na tiichiiq raüta pong lamphan na kihoto. Tsangshiq ka nashiq ngam napti dongdii ngu raü ka, nashiq rai adam na riitushat maq misi dam wa. Nashiq tushi wa tsangshiq ka pong na tiichiiq raüta kihotaq kra, tsangshiq ka nashiq rai tushi na sidamti ka riimak dea nguta tiisap shat mirlaq nguta ngo maq pong na khüphiiq niishe tiichiiq raüta kihoto.

1 John 4:4

Shatmaq, i setiim lei, namshiq ka Shiikeawe rii she. Kiimaq namshiq raq arot shammibi thun ka tang lanshe. Jamkhano ngukla, namshiq khum na sitlaq Asii Wenyi kriika mangjong hiq na sitlaq winji kra nam ma ajong pinthum.