Matthew 12:35 - ASII LAKDAP Bible (BSI)

³⁵ Tsantsii asii rümti we riika, abom asa min aheawiq bom tlo. Maiq abi we riika, atsan tsii kiimin abi rüm tlo. Kra phan phan, abom asa kiimin abi ati li bom tlo.”

Hawa Naga Bible 2001

³⁵ Vhvlx miq rueq piq thuinz vmungx jep wawc vhvlx phvnx tvdung shuex, vbac miq rueq muinz piq thuinz vmungx jep wawc vbac phvnx tvdung yaq.

Muklom

³⁵ Ashey jaqhal miq eq piq jaqhal tangwang thajoq shiwang jaqhal raaq takhong aa. Ashey jashit miq eq piq jashit tangwang thajoq shiwang jashit takhong aa.

Matthew 12:35 Referencias Cruzadas

YOBA 8:10

Shatmaq richü pat wa taksmabi raq ümniima michong kuq liina; tsangshiq raq ümniima jamlai wa chongtlaq kra tai liina:

TAKSU LAK 12:6

Lule kloti bomtsi ka, maiq tiidea chang thiikho. Shatmaq kechu maiqse bomtsi ka, maiq adea wan wa tiichhiiketi.

TAKSU LAK 15:23

Akhing riikhaqli na, riikhaqli bomtsi chongketi siraü la, pinthun chochi chang!

TAKSU LAK 15:28

Maiqshaqti riika maiqbom treho ma, samhea tiima raüta maiqbom tretlo. Shatmaq maiq abiti riika, mobom mobom bom raüta, tatso khoti niqtlo.

TAKSU LAK 15:4

Sobsob bombom maq achongkuq ka, tsan na mong na washasha. Shatmaq bombi paqpaq akuq ka, maiqse tsantsii tiibuntlo.

Matthew 12:34

Namshiq ka paüsang nyiqla kong! Namtsan mong na anyaq rüm wan tlanti raq, bomhea ka jamba wa hum lanto mibom han? Maiqse tsan mong na jamlai phan wa sitlaq, kriili apaiq raq anübok maq mibom.

Matthew 13:52

Kiijiishe Jesuq raq treto, “Ikhiijiika Thungtri shrinketi phong wa, juwa Ramungtan na asengi ma tiija wan tlaq, kriiti ka maiq laopan weshi raq, apaiq jamkun mong na atsiiq anyam tum totlaq kra, tsiiq chü nai tsii nye thun kra lam raüta, damjong na raüphong tlaq ikhiishe chiithe jong she mija wan.”

Matthew 7:17

Achong ahea jiika atsi min ahea miraq. Shatmaq achong abi jiika atsi kiimin abi miraq.

Luke 6:45

Maiqshaqti riika, atsan mong na tiima tsantsii ahea rüm tlo, kiiwa athuk atsom bomtsi siisaq li bom tlo. Maiq abiti riika, atsan mong na tiima tsantsii abi rüm tlaq, kiiwa abom asa niimin, abi ati siisaq li bom tlo. Ara jamkhano chongtiikang ngukla, tsan mong na jamlai wa rümtlaq, kriika anübok maq bom tlo.”

Ephesians 4:29

Maiq tsan tiibi chang bomtsi ka, naq bom rongkiq she. Shatmaq, kongti tsaiji tiijong lu chang bomtsi, ahea awa kli bom ronglaq. Nambomtsi ka kongti tsan na washasha hea, kongti tiijong luwan chang bomtsi kli bom ronglaq.

Colossians 3:16

Khristo tsütsa chiithe jong ümtinkhan wa sitlaq kriika, namshiq tsan nai mongjii na samhea wiq maq tiicham lili rong laq. Weshi raq weshi ma shrinkuq lanta sirong laq. Kiimaq sungkhu tsiilam ka taksma tsii ümtinkhan wa rüm tlan, kra khuthaq maq, riichong phan lanta sirong laq. Asii bomtsi na ashi lak sitlaq kriiwa shinge rong laq. Tsütsa shi ka shinge rong laq. Kiimaq asii shi ka shinge rong laq. Shiikeawe ma kechutum lanta shinge rong laq.

Colossians 4:6

Namshiq bom asa ka akhingtek na athuk atsom, ataisea ma ahea wiq maq bom rong laq. Kiimaq nanok ma bomtre chang dong tlaq niika, riikhaqli tingting bomtsi maq tre rong laq.