Matthew 10:19 - ASII LAKDAP Bible (BSI)

¹⁹ Ümtiikiiwa namshiq ka rung na tiichap wantlaq, kra akhing na tsangshiq bom ka jamkhii tre chang wa miraq nguta tiima lanta akhiismin naq chapa rongkiq. Kra akhing na namshiq khum tiichhii miitu jamlai bom chong chang wa miraq, kriika Shiikeawe raq namshiq ma achong mirkuq.

Hawa Naga Bible 2001

¹⁹ Tsuingshiq rueq nuimhez kuex lekuq gay kv-phuinx, kvkaq nuimhez rueq yvmx khoc jungc juing lac ngoz tueq kungkhux nauk rvwvl kaz, nuimhez rueq jungc juing kvjaz kuex kvkaq jix nuimhez muex tvsvmz kuq shuex.

Muklom

¹⁹ Ning aa nim lo phin jo, chamta bat náng tia chamal eq bat náng ta nak tathin inn. Nim aa chamta bat ching sha nim ma ukot eq pha nin.

Matthew 10:19 Referencias Cruzadas

DUNGWVNC 4:12

Ümchaü min, kilaq! Ümnaq jamkhii bom chang wa ka Ngi raq mikhrum kuqkang. Kiimaq jamlai chong chang wa kra Ngi raq michong kuq kang.”

DUNGWVNC 4:15

Ümniiraq apaiq ma chonglaq. Laüta jamlai chong chang wa kra apaiq ma chonglaq. Ngi raq namnai wiita ma jamlai chong chang wa kra mikhrum kuqkang. Kiimaq Ngi raq namnai wiita ma jamlai klo chang wa kra achong mirkuqkang.

JEREMIA 1:7

Shatmaq Tatiwe raq ngi ma nguto, “Ümniika nose se li ngutiika naq ngukiq. Shatmaq ngi raq ümniika mungmaiqse phana tiikitiikang kiijaq kilaq, lata ngi raq ümniima aming kuqkang kra phan phan bom ka kunli michong kuq haü.

JEREMIA 1:9

Kiijiishe Tatiwe raq ajaq ka tlü saq raüta inübii na shamsaq thanto. Raüta ngi ma, “Tailaq, Ngi raq ümniima jamlai bom chong chang wa ratlaq kra kuqtiikang.

Matthew 10:18

Namshiq ka i sengi kha maq wanghuptibi nai hokhambi rung na mitiichap. Kriika namshiq raq tsangshiq ma nai tsangshiq sengibi ma kiimaq Pongnok phan ma Tsütsa Ahea kra chongke wan miitu.

Matthew 6:25

“Arkha maq tiina ngi raq namshiq ma chongtiikang. Atra maq si ma tiipao wan miitu nai khum tiikhe miitu khu akhea rong ratlaq kra miitu naq chapa rongkiq. Rilung ka dung jada thaq na ara. Kiimaq khum ka khea sam wan tiikai arthaq na ara.

Matthew 6:31

“Arkha maq: phaqsea khamnyang ka jamwo milap i, kiimaq khu akhea ka jambawo mihum sam rong i nguta naq chapa rongkiq.

Matthew 6:34

Arkha maq anap miitu ka naq chapa rongkiq. Anap miitu ka anaptiq tiima wan chang. Aranaiq holai jamlai wa sitlaq, kriili howan lili ronglaq.”

Luke 12:11

“Ümtiikiiwa namshiq ka sinagok thun niilo, riimak la honyung hokhambi rung na lo, tiichap raüta, kha mipho, kra ranaiq akhing na, namshiq khum tiichhii miitu bom ka jamkhii chong chang wa nguta, tiima lanta naq chapa rongkiq.

Luke 12:12

Kra akhing na, namshiq raq jamlai bom chong chang wa kriika, Asii Wenyi raq namshiq ma atlang mirkuq.”

Acts 6:10

Shatmaq, Asii Wenyi raq Stephen ma taksu phaqchi ka aheng keje kha maq, apaiq bomchong ka tsangshiq raq poshi min khiilot mak riito.

Philippians 4:6

Jamphan miitu min naq chapa rongkiq she. Namshiq ma jamlai phan wa raa tlaq, kra Shiikeawe ma, achu jaü maq chong ronglaq. Wranaiqshe, apaiq ma kechutum lanta, achu jaü ronglaq.

2 Timothy 4:17

Shatmaq, Tatiwe ka ngi rai nong shiinong. Kiimaq apaiq raq ngi ma ningkun kuqto. Krai mren, ngi raq Tsütsa Ahea ka kunli ma chongkuq kang. Pongnok phan maiqse wiitarü raq taili chang chongkuq kang she. Kiimaq ngi ka phaqsi na thübaiq chang wiimin tiichhii kuq wanto.

James 1:5

Shatmiitiina, namshiq liipan na, ara chongtiikai minhap maiqse rilung ara siwan miitu, taksu tsii ka lap mak shaqli, weshi ra asi jiila, apaiq raq Shiikeawe ma achu mijaü laq. Raüla, Shiikeawe raq apaiq ma mikuq. Jamkhano ngukla, taksu tsii jaüti, wiita ma, Shiikeawe raq jaq tiichhii raüta, khoqriiq shishiiq maq, raükhokkhok kuq tlo.