Mark 9:42 - ASII LAKDAP Bible (BSI)

⁴² “Kiimaq ara ngi ma kamtlaq nosere phong arwa, jurwa weshi kamtsantsii kra tiichhan baiq tlaq, kriiti ka, adangkong na longkaü jonghea ashi paq kuq raüta, apaiq ka sammoktra jü mong na tiidea baiq raüta, tsai kai riiwe khoti ahea miraq.

Hawa Naga Bible 2001

⁴² “Ngaz muex kvmluimx jix nosaz rulx vwawc vshiz muex lvmx tvyaq kuy jix waz kuex, piq duingx nuex lunghtuimz yunghvlc pauk vtueq svmuktvrax nuex tuip gay ruiux yuq, piq tvkoc vhvlx pinhtumc rvtueq.

Muklom

⁴² Chamtey tey miq eq ngama kamtey nijang sa ashey sha ngarey náng taqhat ajo, eshi miq boq sho thom sha bon eq jungshi náng bichak sha eshi miq shima aqhal.

Mark 9:42 Referencias Cruzadas

Matthew 17:27

Shatmaq nashiq raq tsangshiq tsan tiibi wan ka romai. Kriikha maq ümniika thamchum kiina kilaüta ngiq ka pun kikiq. Pun pha shaqshaq pun tlaüti nübok ka riip laq. Kiijaq ngiq nübok na kampho sii ashi mihum haü. Kra kampho sii maq nanai la shomjam phunta kerii riikhaqli miraq. Kra lam wan laüta kuqwakiq.”

Matthew 18:10

“Liirong laq. Namshiq raq ara atsak adoksetiim nosere ara naq tsaihai rongkiq. Ngi chongpha. Tsangshiq kheti rasetiim ka ramungtan na i We tro maq ranaiqtek khe tlo.

Matthew 18:6

“Ara nonosetiim raq kamwantlaq akha, ngi ma kamwanti maiqse phong wa, ashi ra raq weshi ra kamtsantsii kra tiichhan baiq raüla, kriiwe ka apaiq dangkong na longkaü jonghea ashi paq kuq raüta, sammoktra chum mong na tiidea baiq kai riiwe ka ahea miraq.

Acts 9:4

Kiimaq apaiq ka kumrang raikhü wa, hiq na tiidearok dea wato. Kiimaq apaiq raq ra wa maiq bom ashi akha taito. “Saul, Saul! ümniiraq ngi ka jam khano tiichamchao tlaü?”

Romans 14:13

Arkha maq, nashiq liipan na, kongti ka sairan wan mai she riihai jaq ahea miraq. Ümra ranaiq jiimin, phunaino tiithap tha wan chang nai kongti ka ngarai na tiidea chang phan kriika, klo mai she nguta tsan na atsi maq thü ronglaq.

Romans 15:21

Riita, arka Asii bomtsi na chongtlaq kra tiihong wan miitu. Asii bomtsi na, “Apaiq tsütsa tiitaihü mungti raq apaiq sham michhi, kiimaq apaiq tsütsa taimak dea ti riimin, apaiq rai mang mirsap wan,” nguta chongtlo.

Romans 16:17

Phunainotiim lei, ngi raq namshiq ma phaqthak nithak lata, ara chongkuq tiipha ara tai ronglaq: Maiq triiphea baiqti nai kamtsantsii ka lamjiq na sheahoti sitlaq kra, maklii wa namshiq ka tsii lamshat maq sironglaq. Tsangshiq riika, namshiq raq jamlai wa tengteng bomtsi saptsin lan, kra bomtsi manphan kra jin raüta, ajiq bomtsi michong kuq. Tsangshiq rai ka arbom min naq riibom rongkiq! Namshiq ka tsangshiq maklii wa alu na sirong laq!

2 Corinthians 6:3

Naishiq kiimwebi raq jaqsham tiikai ara, maiq raq setsiiq ka romai. Kriikha maq, naishiq raq maiq lam phan ka tiibanbi ki mai.

Philippians 1:10

Kiikha sihan jiila, namshiq ma jamlai wa ahea pinthum, kra tsea wan lanta milang han. Kra riihan jiitiq, Khristo Ranaiq na, namshiq khum na ashe ashi jam min ahü miraq. Namdü na jamlai shutphit min ahü, siirairai hea miraq.

1 Timothy 5:14

Arkha maq, ngi raq akha manti-nyungre ka, maiq ma wanong haü jaq riiwe ka ahea miraq nguta tsii chongkuq tiikang. Raüta, maiqmii jamkun mong na, asaü ase hum wan raüta, kiimaq atapkun na kaiq shakshak maq, shonga wan raüjaq riiwe ka, nashiq jaqtibi raq nashiq ma, abi ati shummii bom chang lam ahü miraq.

2 Peter 2:2

Arot shrabi raq ashe, sethoq ngarai tang tlaq kra chhi raüta, Phungmaiqse pahea raq tsangshiq jai ka miphan. Tsangshiq rong arai abi kra thatsang maiqse raq chhi raüta, Khristan rilung lamphan kra abi nguta thatsang maiqse raq michongsiq.