Mark 9:32 - ASII LAKDAP Bible (BSI)

³² Shatmaq, tsangshiq raq ara tsiichong kuq wantaq kriika taklot mak dea riito. Kiimaq bom ka apaiq ma tiitsang wainong miimin khumak ahai riito.

Hawa Naga Bible 2001

³² Yuq muinz tsuinghez kuex vkhoc tvluing jungphvnx yaq lvmz kuex yvmx ngoc wuez raz tvnx tuiuz tay wuez muq, yuq muinz tsuinghez rueq vpiq muex wiz khvmc muq vhiz rvtueq.

Muklom

³² Etharin piq aa chamta batta tha ning aa jin sam moq angta etho ning ethi raaq tha wey pit ma ucho angta.

Mark 9:32 Referencias Cruzadas

Mark 16:14

Atiisup niishe, Jesuq ka ajaqshisetiim roqshi ri weshi pha na, tsangshiq dungsea rea liipan na dongkito. Tsangshiq raq apaiq ka ama wa atra she dong wanto nguta kammak kha na, kiimaq nanok raq apaiq ka atra chhi kai nguta tsütsa chongkuqtaq kriima kammak maq, tsangshiq tsan ka wanshakshak li tiitsin wan kha na, apaiq raq tsangshiq ka ason rea riito.

Mark 7:18

Kiijiishe Jesuq raq tsangshiq ma, “Namtsam armin, mungmaiqse thaq na setsii ka riiman nya? Namtsam riimin tak man sha? Maiqse khum ka anü maq thii tlaq kra riika, tiishe shi mak.

Mark 8:33

Shatmaq, Jesuq raq ajaqshisetiim phanü na lii raüta, “Soitan, ümniika i tho arwa tiijin tlo laq. Ümniiraq tiima tlaü ka Shiikeawe nü wa riimak. Kriika maiqse tiima kata!” nguta Petar ka siato.

Mark 9:10

Tsangtsam raq apaiq aming ka tsan na thüto. Shatmaq, tsangtsam liipan na, “Riita ara, ‘Ama wa dong wan,’ ngutlaq arka, jamlai ngo nang wiinya?” nguta riiwaito.

Luke 18:34

Shatmaq, ajaqshisetiim raq arthun bomtsi liichum ka akhiismin takmak riito. Ara liichum ka tsangshiq raq khonlot mak riito. Jesuq raq jamlai wa chongtlaq kriika, tsangshiq raq akhiismin taklot mak riito.

Luke 2:50

Shatmaq, tsangnai raq apaiq bom ka takmak dea riito.

Luke 24:45

Kra tru chongkuq raütiishe, Asii Bomtsi kra takwan miitu, apaiq raq tsangshiq khutsai kra tiikhang kuqto.

Luke 9:45

Shatmaq, ajaqshisetiim raq kra chongkuqtlaq bomtsi liichum ka sapmak dea. Kra liichum ka apaü raüta athü. Kriikha maq, tsangshiq raq taklot mak dea riito. Kiimaq tsangshiq raq Jesuq ma tiitsang wainong kiimin khu mak, ahai riito.

John 12:16

Kra akhing na ajaqshisetiim raq ara chong tlaq bomtsi liichum arka, tak mak dea riito. Shatmaq, Jesuq ka amaa wa dong wan raüta, apaiq khushü ngao jonglu wantaq kra chhi wan jai shetiq, tsangshiq raq Asii bomtsi na awaiq thü bomtsi liichum arka, apaiq miitu dea chong tlo nguta tak wanto. Kiimaq tsangshiq raq kra akhing na klo wantaq jaqsham kriika apaiq miitu dea shamkuqkai ngutiishe takto.

John 16:19

Jesuq raq, tsangshiq riika apaiq ma bom tiitsang wainong tiima tlo nguta asap. Kra ningkhan she, apaiq raq tsangshiq ma bom ka akha hali tlam chongkuq nongto. “Riita, ngi raq, ‘Jaqlo liipan niili she namshiq raq i sham ka chhi man she mirhan. Kiimaq hali heashise sijai maq hali, namshiq raq i sham ka michhi nong han,’ nguta chong kang bomtsi kra tiitsang wai ngutiisha namtsam liipan na bom ka riiwai tlan?

John 4:27

Kra liipan niili she, Jesuq jaqshisetiim ka saüto. Apaiq ka jechak nyung rai riibom rai kra chhi raüta, tsangshiq ka awang raili she riito. Shatmaq, tsangshiq phong wa jurmin jechak nyung ma, “Ümniika arjaq jamlai rit wa?” ngutiimin wailot mak dea riito. Kiimaq apaiq miimin, “Ümniika apaiq rai jawa riibom dam tlaü?” ngutiimin wailot mak riito.