Mark 8:38 - ASII LAKDAP Bible (BSI)

³⁸ Ümchaü pat ara sethoq sepii ja pat, kiimaq abi ngarai lamphan pat. Riita, akha pat abi akhing na, jurwa ngi ma kam ma ajiasi riiwan tlaq, kiimaq, i bom chong ara nanok ma chongke miitu ajiasi riitlaq, kriiti miika, ümtiikiiwa Maiq Se ka, Awe khushü liliim ngao jonghea kra ho raüta, asii rasetiim rai she saüho tlaq, kra akhing na, apaiq raq kriiwe ka atiishaü mirbaiq.”

Hawa Naga Bible 2001

³⁸ Yvmx khoc lac ngoz ruiux lec vyaq vrax jix nuiyc mvrax vhttax jix nuk lex, ngaz nuiyc ngaz rueq tvluing vshaungx bomjungc muex yvlc svy jix waz kuex, Miq Saz vruex vpiq Waz ngauz vngax nuiyc vsawc raungkamx waz hez rulc httuiuc kaz tuex nuex kvruex waz muex tvyvlc sac gay shuex,” ngoz tueq jungx tueq.

Muklom

³⁸ Iri jashit nia ngarey miqtang jaktungna utang miq eq ngama etho iraaq ma rakri ajo, Miqna Sa baluk o Uwa nia asang rangkamwa tang phun amun o thupha jo piq tho eshi miq shima rakri angna.”

Mark 8:38 Referencias Cruzadas

DANIEL 7:10

kiimaq kiiwa wa raisetiim thun ka phoktlo. Kiijaq apaiq shiililiiti maiq ahing amun, kiimaq apaiq rung na, maiq amun aseng chaptlo. Rung na khapho pha wanto, kiimaq lakdam kom phong pahea linto.

DANIEL 7:13

Kra rawa ma riishammak maq chhitiikang liipan niili, Ngi raq maiqse ikha, apaiq ka phumda mong na, ngi phana akai rai chhikang, raüta apaiq ka pattup pat-sa sitiwe phana wato, kiimaq apaiq ka kriiwe phana shea wanto.

JEKERIA 14:5

Namshiq ka ara pum heawea na hiqwiikaü kriimiishe maiqmii chiimjin miju han. Namshiq ka man na namti namwe pat na hokham Ujjia pat na hiqjong mu raüta pintrang taq kiikhii she mipin trang han. Kra akhing na Tati i Shiikeawe raq apaiq rasetiim sheaho raüta miki.

Matthew 12:39

Shatmaq, kra tai raüta Jesuq raq, “Namshiq ümchaü pat wa maiq arka abi pinthum. Kiimaq ra weahü maiq!” nguta tsangshiq bom ka treto. “Namshiq raq ngi nangnga Shiikeawe ka ngi rai asi dea nguta amao chang jaqsham maq tiichhike wan ra nguta khettot wan tlan nya? Shamkuq mang! Ngi riika amao chang jaqsham maq tiichhikuq mang! Namshiq ma amao chang jaqsham ashi tiichhike chang sitlaq kriika, shammiwe Jona rilung na lea wanta kriili she mitiichhi kuq.

Matthew 13:41

Kra akhing na Maiq Se raq apaiq rasetiim ka mitiiki. Raüta rasetiim raq Shiikeawe man na maiqse thungtii wan tlaq kra phong mong wa, maiq ümriiti riiwa nanok ka Shiikeawe wokhong wa, lamjiq nü na sheahotaq, kiimaq tsangshiq maiqmii kiimin lamjiq nü na kihowitaqti thun kra wiita adam na mirchom wan.

Matthew 16:27

Jamkhano ngukla Maiq Se ka Awe khushü ngao kra ho raüta, apaiq rasetiim rai saüho ma akhing ka ajeli she. Kiimaq kiitiikaq apaiq maiq loweatek ma apaiq raq jaq shamtaq kra khankhan poksi mikuq.

Matthew 16:28

Ngi raq namshiq ma chongtiikang arka tengteng. Ümchaü namshiq sitlan phong arwa maiq wiijamti raq Maiq Se ka mangjong maiqse kunli langkai Hokham jakai akai rai chhi mak wiiwii tsai mak miraq.”

Matthew 16:4

Ümchaü pat wa maiq arka abi pinthum. Shiikeawe sap mak! Namshiq raq ngi nangnga amao chang jaqsham tiichhike ra nguta maitai tlan nya? Tiichhi mang! Namshiq ma tiichhike chang amao chang jaqsham kriika shammi we Jona rilung na lea wantaq jaqsham kriili she mitiichhi kuq.” Kra ngo jai, tsangshiq ka kiijaq chap raqraq li baiqthü raüta, apaiq ka ahin niishe wawanto.

Matthew 24:30

Kiijiishetiq Maiq Se saükai akhing ka saüto she dea nguta rawang win na phanrap ka mitiiji shi. Kiimaq kra tiiji shi tlaq kriishe mangjong maiqse wiita raq michhi. Kiimaq mangjong maiqse kunli raq rawang win na Maiq Se ka phumda mong na Shiikeawe ningkun ajong kra ho raüta kiimaq achhai anyii khushü liliim kra horaüta apaiq saüho kra michhi. Kra chhi raüta, mangjong maiqse kra maaho manyi she mihoqsii trang.

Matthew 25:31

“Ümra akhing niiwa Maiq Se ka Hokham ma jaraüta rasetiim rai she saüho tlaq, raüta apaiq ka ahokham ngachang ngacho kiijaq minga,

Matthew 26:64

Kiijiishe Jesuq raq, “Ümniiraq ümnü maq ngu tlaü kata. Shatmaq ngi raq chongtiikang arka tengteng: Ümchaü armiiphat she namshiq raq Maiq Se ka Ningkun Ajong Pinthumwe ma jaqtsi nü na nga raü michhi han. Kiimaq apaiq ka phumkhu thaq nga raüta mangjong hiq na satkai akai rai she michhi han!”

Matthew 8:20

Kiijiishe, Jesuq raq treto, “Miikakoi kong thun miika tsangshiq bum chang asha asi. Kiimaq wushi kong miimin achü asi. Shatmaq Maiq Se miika, asi anga chang jam awak min ahü.”

Mark 13:26

Kra akhing na Maiq Se ka ningkun ajong ho raüta kiimaq apaiq khushü jonghea kra ho raüta ali aliim wahea liishe phum thaq na akai rai she michhi han.

Mark 14:62

Kiijiishe Jesuq raq, “Üm,” nguta apaiq bom ka treto. Raüta apaiq raq, “Riita ümchaü sanha namshiq wiitarü raq Maiq Se ka, Ajong Shiikeawe ma jaqtsi nü na nga raü she michhi han. Kiimaq apaiq ka phum thaq na nga raüta, mangjong hiq na akairai she michhi han!”

Mark 8:37

Apaiq raq arilung ka thongshi lapki lot mak she.

Luke 19:26

Kiijiishe, ‘Ngi chongpha, tai ronglaq,’ nguta apaiq raq tsangshiq bom ka treto. ‘Ju jaq niiwa phanshi rase asi she dongdii, kriiti thun loweatek miika, Shiikeawe raq kra thaq na apa she hali mitiitsuq kuq nong. Shatmaq, ju jaq niiwa jam min ahü, kriiti jaq wiika, Shiikeawe raq ajaq na jamlai wa chonkhi laqli se sitlaq, kriimin anyea mirho nong.

Luke 9:26

Juwa ngi ma kiimaq ara i bomtsi shrinkuq tiikang arma, ajiasi riitlaq jiika, kriiti miika, Maiq Se kiimin apaiq, khushü ngao kiimaq Awe khushü ngao chhainyii liliim, kiimaq asii rasetiim khushü ngao kra ho raüta saüho tlaq akhing ranaiq na, kriiti ma ajiasi mirwan.

John 1:14

Bomtsi ka maiqse ma pokito. Raüta, apaiq rilung ka kiqkap jaqshap rilung, kiimaq tingting mangchan rilung chhi wan kai. Apaiq ka nashiq rai adam maq sito. Nashiq raq apaiq khushü jonglu kra chhi kai she. Arka Awe raq sekhuq laqlaqse ma akuq, khushü jonglu kra chhi kai.

John 1:51

Kiimaq apaiq raq, “Ngi raq chongtiikang arka tengteng. Ümchaü sanha namshiq raq mungtan kilü ka tiidishat she michhi han. Kiimaq Shiikeawe rasetiim ka, Maiq Se khuthaq na akiti aki, awati awa, adü asat, akhum ashiim she michhi han,” ngutiishe tsangnai ma chong kuqto.

John 12:34

Kra tai raütiishe, “Nashiq Thungtri na Khristo ka pattup misi nguta chongtlo ihata. Shatmaq, ümniiriika Maiq Se ka ra na tsom chang dongdii miraq ngutiika jamkho ngutlaü? Riita, ara Maiq Se ngutlaü arka juwa?” nguta mungmaiqse phong thung tlaq kriiraq Jesuq ma bom ka waito.

John 5:27

Kiimaq Awe raq, Ase ma kha phoke wan arang ka akekun she. Ara jamkhano chongtiikang ngukla, ngi ahata Maiq Se.

Acts 10:22

Kiijiishe, “Kepten Kornelias raq tiikito,” nguta tsangtsam raq treto. “Apaiq ka maiqshaq. Shiikeawe shomnoqti. Apaiq ka Jehudinok tarü raq kai shrengtlo. Rase ashi raq apaiq ma ümniika tiiheakikiq nguta chongkuqto. Arka ümniiraq apaiq ma jamlai chongke chang wa, kra miitu tiihea kito.”

Acts 5:41

Shiikeawe raq tsangshiq ka, Jesuq mang na chamchao homa howan nai maiq thoda howan miitu dea shiikapto nguta sap raüta, chojong chise maq, Rung khong mong kiiwa donghoto.

Romans 1:16

Ngi ka Tsütsa Ahea bomtsi ka nanok ma chongke miitu jeasi mang. Jamkhano ngukla ara Tsütsa Ahea bomtsi na ningkun asi kiimaq kiima kam lata, tsankhun maq sitiikang. Maiqse angu wa, jurwa Jesuq ma kamtlaq, kriiti thun kunli ka, ngarai mong wa tiichhii wan miitu ningkun ka Tsütsa Ahea bomtsi na sitlo. Arka, apha na Jehudinok ma chongkuqto. Kiimaq kra jai maq, Pongnok phan maiqse miishe chongkuqtlo.

Galatians 6:14

Riita, ngi riikla, Tati Jesuq Khristo pumsongkham na tsaitaq, kra shomra tiikang, kriili she. Ara jamkhano chongtiikang ngukla, apaiq tsai taq pumsongkham lümaq, mangjong hiq rilung lam phan na, jamlai phan wa araa ariq phan nguta weawun wan tlaq thun kriika, ümchaü sanha, ngi miika hiqtili ikhli she. Ngi ka arthun armiika, atsaikai kun she. Ngi armin, mangjong rilung lamphan miitu ka, atsaikai wishe.

TRI CHONGKE 33:2

Tatiwe ka Sinai Pum maq satkito; apaiq ka Edom mung thaq na rashe kaü dongtlaq ikha dongto kiimaq asenginok thaq na Paran Pum maq liliimto. Apaiq rai rasetiim ka hing roqshi asi riito, apaiq ma jaqtsi nü na walütu kaü asi riito.

1 Thessalonians 2:19

Jamkhano ngukla, namshiq kata, naishiq tsantsii ran chang. Namshiq kata naishiq chochi chang. Kiimaq Tati Jesuq man na, jaqsham rekhat ka tang kai she dea nguta, khushü dong chang tiishom raa wan ka, namshiq sitlan kra kata. Namshiq ka nanok ahinti thaq na nungpaq man.

1 Thessalonians 3:13

Ara chongtiikai akha, apaiq raq namshiq kamasham rilung ka mitiijong kuq laq, kiimaq namshiq ka wenyi na arang apha maq mitiicham laq. Krai mren, namshiq ka nashiq Shiikeawe, nashiq ma Awejong Shiikeawe man na chap tiikai akhing na, asii ngamrea ikha, kiimaq asii kechu maiqsetiim nguta, Tati Jesuq raq apaiq ma kamwanti maiqsetiim thun rai, apaiq saüho tlaq ranaiq na mitiichap wan.

2 Timothy 1:12

Kiimaq ara chongtiikai arkha maq tiina, ngi ara ümchaü min chamchao tiikang ara. Li jiimin, i tsaiji ka akhiismin tran mang phan. Jamkhano ngukla, ngi raq ju miiwa kamtsantsii thü tiikang, kriiwe ka, ngi raq asapha. Kiimaq ngi raq asapha, apaiq ningkun ajong maq, ara tsütsa ahea armin, Phangthum Ranaiq na saüli, chiisan taqtaq li mithü.

2 Timothy 1:16

Tatiwe raq Onesiphoras ta ma atiihang mangchan jonghea mikuqlaq. Jamkhano ngukla, apaiq raq, ngi ma jang pahea tsaido jido bom chongkuqto. Apaiq ka ngi ara phaqtek mong na sitiikang ningkhan niimin, tiijeasi mak.

2 Timothy 1:8

Ara chongtiikang arai mren, ümniika nashiq Tatiwe miitu, nanok ma hakhi kewan lam na, nola we ashi ikha silaq. Kiimaq ngi ara Khristo tsütsa chongketi we ngo kha maq, phaqtek mong na shaq tlo. Ümniiraq ngi miitu min naq jeasikiq. Kra rii na, ngi jamkho chamchao tiikang akha, ümniimin Tsütsa Ahea miitu chamchao wan ma khekham maq silaq. Shiikeawe raq ümniima phanrap chamchao nin wan miitu ningkun mikuq.

Hebrews 11:16

Kra rii na, tsangshiq ka ramungtan na tsangshiq miitu hiqshong rahai, athuk atsom thü tlaq kiijaq saü tlo hai jiilei nguta maklii khamthii maq siwanto. Krai mren, Shiikeawe raq tsangshiq ka apaiq sengibi ma tiija wan dam miitu Shiikeawe ka jeasi mak. Kiimaq krai mren, Shiikeawe raq tsangshiq miitu tsangshiq siwan chang hiqshong rahai chela ashi tei kuqto.

Hebrews 11:26

Apaiq raq, Messia miitu chamchao litkot wan, maiq shummii bombi kiqsü howan riiwe ka, Ejip mung na chaq nai seng tum sitlaq, kra thaq na reng ma tiija wanto. Jamkhano ngukla, apaiq raq jai na poksi lap wan riiwe ka amiinu atsin nguta amak lii thü wanto.

Hebrews 13:13

Riita, arkha maq, ümchaü sanha, nashiq min apaiq pha na chii phai na kilaita, apaiq raq maiq thoda howan raüta tsaitaq kra, nashiq riimin riisha howan dam rong i na.

James 4:4

Namshiq ka awese baiqthü raüta maiq rai srati nyung ikha! Mangjong maiqse rai silu riijati ka Shiikeawe rai wesang ngoka sap man sha?. Jurwa mangjong hiq rai silu riija lungwiitlaq, kriiti ka Shiikeawe rai wesang jakitlo.

1 John 2:23

Ase ka Messia nguta jurwa lang mak, kriiti riika Awe kiimin Shiikeawe nguta lang mak shishe miishe tai tlo. Jurwa Ase ka Messia nguta lang tlaq, kriiti riika Awe min lang tlo ngushat.

1 John 2:28

O raq, i setiim lei, apaiq rai pumshi hanshi maq sirong laq. Akha shongnga hai jiika ümtiikiiwa apaiq ka saüki jiiq, kra Ranaiq nashiq ka apaiq ma hai ma, atiijeasi chang jam min ahü she miraq. Kra Ranaiq nashiq ka tsailam jilam maq, chojong chise she misi rong i.

Revelation 14:10

kriiti raq, Shiikeawe tsankhiq che tsai henghea, Shiikeawe raq apaiq tsankhiq chekhap wa tsüm raüta tiije wantaq kiiwiishe mibak nyang! Maiqse ümchu riiwa, ara ngamthaiq kaü puk na nyap raüta sitaq, kriiti thun ka, ara nyiimwin walü nyai tlaq kiijaq mitiikhiim chaq, raüta asii rasetiim nai Skuse man na kai mitiichamchao wan.