Mark 8:35 - ASII LAKDAP Bible (BSI)35 Jurwa atsitsü ka tiichhii tiima tlaq, kriiti raq apaiq rilung ka atiimo mirbaiq. Shatmaq, jurwa apaiq rilung ka i jai phan miitu nai Tsütsa Ahea ara chongke miitu, tiimo baiq tlaq, kriiti raq apaiq rilung ka mitiichhii. Ver CapítuloHawa Naga Bible 200135 Yvmx khoc lac ngoz ruiux lec miqmac rullungx kvpalc wvnc roc jix waz ukhaq yuq muinz rullungx momaq wvnc tuex; yuq muinz ngvy ningkhvnc nuex nuiyc shuenruenc bomjungc ningkhvnc nuex piq rullungx tvmaq gay khvmc jix waz kuex kvruex palc wvnc rvhumc tuex. Ver CapítuloMuklom35 Chammatakoi utang eq piq ni piq rollung sha thalun ma tathin ajo, piq sha uthin angna; etharin i rangma etho i tungtang qhal rangma utang eq piq ni piq rollung sha tathom ajo, piq sha uhom eq na. Ver Capítulo |
Riita, ngi ka Jesuq Khristo mang na, atsi asi lam miimin, chamchao litkot mong miimin, maiq raq ngengseng raüta, tiichamchao tlaq niimin, kiimaq phanrap aha atsa holai saü tlaq ranaiq niimin, khoqriiq shishiiq miili sitiikang. Ara jamkhano akha sitiikang ngukla, i khum wa han-ngam ningkun ka, ümtiikiiwa ajom riiwan tlaq, kiijiishe Khristo ningkun tu kra, i khum na nyai wan tlo.
Ara chongtiikang arai mren, ümniika nashiq Tatiwe miitu, nanok ma hakhi kewan lam na, nola we ashi ikha silaq. Kiimaq ngi ara Khristo tsütsa chongketi we ngo kha maq, phaqtek mong na shaq tlo. Ümniiraq ngi miitu min naq jeasikiq. Kra rii na, ngi jamkho chamchao tiikang akha, ümniimin Tsütsa Ahea miitu chamchao wan ma khekham maq silaq. Shiikeawe raq ümniima phanrap chamchao nin wan miitu ningkun mikuq.
Kiimahali, kamtsantsii lümaq, jechakre raq, tsangshiq ma tanyang senobi ka, atsea arbaiq wa, amaa wa, atra tiijang wanto. Raüta, tsangshiq raq khoqriiq shishiiq maq tao wanto. Wiijamti riika, atra sinam ma, maiqjaq khon mong na chamchao raüta, tsai riiwe ka ahea nguta tsaito. Kra tsai wantaq kriika, tsangshiq raq amaa wa dong wan jai, rilung ahea lap wan miitu tsaito.
Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.
“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.