Mark 8:33 - ASII LAKDAP Bible (BSI)

³³ Shatmaq, Jesuq raq ajaqshisetiim phanü na lii raüta, “Soitan, ümniika i tho arwa tiijin tlo laq. Ümniiraq tiima tlaü ka Shiikeawe nü wa riimak. Kriika maiqse tiima kata!” nguta Petar ka siato.

Hawa Naga Bible 2001

³³ Yuq muinz Yesu kuex yek waung vtueq vpiq sangac hez kox nuex nyez lawc vtueq Peter muex, “Satan lex, ngvy kox wawc kaz wvnc kuiuz. Mnoz rueq tvmaung vshuiux lvmx kuex Tishox kox wawc rvmuq, miqsaz kox wawc rvtueq!” ngoz tueq svl tueq.

Muklom

³³ Jesu ngik lang eq ujiphantey tang ching ko thináng siin eq Peter ma molta. Piq aa batta, “Thangwa, irel wang chuwang u. Nang aa chamta tathin u ira Shkewa wang ang moq, ira miq wang thutapha.”

Mark 8:33 Referencias Cruzadas

2 SAMUEL 19:22

Shatmaq Dawit raq Abishai nai aphu Joab ma nguto, “Namnai ma bom juro waita? Namnai raq ngi ma mra tiipinke shea tan tlan? Ngi tiina ümchaü Israil mung thaq na hokham. Krai mren, ümchaü ranaiq Israilnok mung wa ju miisaq min tiithum maimak.”

YOBA 2:10

Kiijiishe Job raq treto, “Ümniika angok angiti ikha bomtlaü! Ümtiikiiwa Shiikeawe raq nashiq ma ahea awa phan tiisaü tlaq, nashiq raq tao tiikai. Ikhiijiika apaiq raq nashiq ma chamchao tiisaütlaq niika, nashiq raq apaiq ma jamkho mibot nyan?” Job riika kiitin khan chamchao riihum jai niimin, Shiikeawe ma ngeng seng bom bom mak riito.

Tvtsvmc 141:5

Maiqshaqti raq ngi ma mangchan raüta ngi ma mo mitiiholaq kiimaq ason ango mirlaq, shatmaq abi maiqse raq ngi shrengtlaq kriika taomang. Jamkhano ngukla tsangshiq raq wranaiqshe ashut klotlaq kra miitu ngi raq achu jaütiikang.

LEWI 19:17

“Maiq ka jumin naqshuliikiq. Shatmaq namnai liipan na jamlai no riikhiilea tlan kriika riichong lanta ari aram ronglaq. Kra rii haü jiitiq ümniiraq apaiq ningkhan na ngarai tang maü mirhaü.

Matthew 15:23

Shatmaq Jesuq raq apaiq bom ka tre mak dea riito. Kiijiishe ajaqshisetiim ka waraüta, “Arnyung ara ahin na tiiwa baiq laq! Apaiq ka nashiq jai phan shiiphan maq maiqshak maiqshaq paq laq rat hoto!” nguta chongto.

Matthew 16:23

Kiijiishe Jesuq raq Petar pha nü na trosaq lii raüta Petar ka sonto, “I tho wa tiijin tlo laq Thawe! Ümniiraq ngi tiibanbi tlaü. Ümniiraq jamlai wa tiima tlaü kriika maiqse tiima, Shiikeawe raq tiima tlaq kra riimak.”

Matthew 4:10

Kiijiishe Jesuq raq treto, “Thawe ümniika tiibin tlo laq! Asii bomtsi na, ‘Tati Shiikeawe kli shomnoq laq, kiimaq apaiq kli shreng laq!’ nguta chongtlo.”

Mark 3:34

Apaiq raq atro na, maiq thung tlaq kra pha nü na lii raüta, “Liimanta! Arthun ahata ngi ma anyung, kiimaq i notiim!

Mark 3:5

Jesuq raq tsangshiq ka lii raüta, atsan khiq wa la riito. Shatmaq, tsanko miika, tsangshiq shut tlaq kra nai tsangshiq tsantsii wanrai tlaq kra chhi raüta, tsangshiq ma amang chan tsi wala hali riito. Kiijiishe apaiq raq maiq we kiima, “Ümjaq phi ka tlii laq,” nguta thaüto. Krai mren, apaiq raq ajaq ka tliisaq riito. Kiimaq ajaq tsi ka tiidoqra, heakisaq heakito.

Luke 22:61

Kiijiishe Tatiwe raq Petar pha nü na tro raüta liito. Kiimaq Petar tsan na Tatiwe raq apaiq ma, “Athi rawa wu miwa shaq liipan niili, ümniiraq ngi ka juwa sapmang nguta, jangtsam mitiishaü haü,” nguta chongtaq bomtsi kriishe atsan na dongto.

Luke 4:8

Kiijiishe, Jesuq raq treto, “Asii bomtsi na akha chongtlo, ‘Tati Shiikeawe kli üm Shiikeawe. Apaiq kli shomnoq wan lili riilaq!’ ”

Luke 9:55

Kiijiishe, Jesuq raq tsangnai phanü na lii raüta sonto.

1 Corinthians 5:5

Arwe arka Thawe jaqkhon mong na kiinong kebaiq chang. Raüta apaiq ngarai han-ngam kra mishthen baiq laq. Raüta apaiq wenyi mimi siika Tatiwe Ranaiq akhing na mitiichhii kuq laq.

Philippians 3:19

Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.

1 Timothy 5:20

Asheati maiqlare phong wa, jurwa ngarai tang tlaqti ka, nokwe man na, linham linhok trantsii sonlaq. Kra chhi raü jiitiq, nanok abiti kiimin ahai raüta, ngarai tangmak she miraq.

1 Peter 4:1

Riita Khristo jamkho han-ngam na nashiq miitu chamchao raüta tsaitaq, krai mren sii hali, namshiq min Jesuq Khristo apaiq raq atsai khekham maq tiije raüta sitaq kiikhiisii hali, namshiq tiima tsantsii na micham chao wan rong i ngushat nguta, khekham maq sirong laq. Ara jamkhano chongtiikai ngukla, juwa adü na maiq raq tiichamchao tlaqti ka ngarai jaqkhon mong niika simak she.

1 John 2:15

Namshiq raq mangjong hiq rilung lam phan ka naq lungwii rongkiq. Kiimaq ara mangjong hiq rii jamlai wa sitlaq, kriika naq lungwii rongkiq she. Namshiq raq mangjong hiq rilung lamphan kla lungwii han jiika, Shiikeawe ka lungwii man ngushat.

Revelation 3:19

Ngi raq lungwii tiikangti ka atiitsii ma, ason atsea riitiikang. Arkha maq chong tiipha. Ümchaü min, namshiq ka ngarai lam wa jang wan tlo ronglaq.