Mark 8:31 - ASII LAKDAP Bible (BSI)

³¹ Kiijiishe, Jesuq raq ajaqshisetiim ma tsii ka akhiishe chongkuq hoto: “Maiq Se ka pinthum chamchao ra dongdii. Kiimaq welabi, ramwe jongbi, kiimaq Thungtri shrinketibi raq apaiq ka mitiishaü baiq. Apaiq ka atsea mirbaiq. Shatmaq, ranaiqtsam jai maq apaiq ka adong mirwan nong.”

Hawa Naga Bible 2001

³¹ Kvkaq Yesu rueq vpiq sangac hez muex tvluing phaungc wvnc tueq kuex, “Miq Saz vruex kuex vkuilc vdaz paunghvlc rvhumc vtueq, walaungx bix, shomc waz bix, nuiyc Tvrac tvluingc waz hez rueq tvdux gay rvhumc tuex. Vpiq kuex vthueyc rvhumc tuex, yuq muinz raungnuiyq thuimx yix maq vpiq kuex yuing kvtenc wvnc tuex,” ngoz tueq.

Muklom

³¹ Etho Jesu aa ujiphantey tang ma phang tatal ta, “Miqna Sa rapney tsamnang ching, miqlang tang etho ajong tingwa tang etho thong tataltey tang piq tha shingchak eq na. Piq sha tatik eq ching, etharin saltom jio piq wey jey angna.”

Mark 8:31 Referencias Cruzadas

Tvtsvmc 118:22

Jamhaiti raq abi nguta ashthubaiq longkaü ka wiita thaq na rahea pinthum longkaü miishe jakito.

ISAIA 53:3

Nashiq raq apaiq ka shummii wan kai; kiimaq apaiq ka tiishaübaiqkai; apaiq raq riitsitsaitsiiq chamchao homa ninwanto. Maiqse raq jurmin apaiq theaphi na liikham mak riito, nashiq raq apaiq ka hiqtili sinchiitsap ikhli shipoq wan kai.

Hosea 6:2

Ranaiqnai riimakla ranaiqtsam liipan niili, apaiq raq nashiq tsitsü mitiichümkuq, kiimaq nashiq ka apaiq wokhong na misi rong i.

Jona 1:17

Shatmaq Tatiwe raq ngiq jong kaü ashi Jona tiijok ma kiijaq tiije shat thüto. Krai mren, Jona ka ngiq wok mong na anaiq naiqtsam awa watsam sito.

Matthew 12:40

Jona ka ngiq wok mong na awa watsam anaiq naiqtsam siwantaq kiikhiisii hali, Maiq Se kiimin anaiq naiqtsam awa watsam hiqmong nyang na misi.

Matthew 21:42

Kiijiishe Jesuq raq tsangshiq ma waito, “Riita namshiq raq Asii lakdap na akha chong tlaq arka phat man dea sha? ‘Longkaü ashi jamhaiti raq abi nguta ashthoq baiq wan ka, tarü thaq na pinthum akhek longkaü ma jakito. Riita arka Shiikeawe raq atiihong thü ahata; pinthum awang chang ashi!’

Matthew 27:63

Raüta apaiq ma akha chongto, “Mungtu we le, naishiq tsan na ümchaü man tiitsangshat. Kra arot we kaü kriiraq, apaiq ka atra sicho ji na, ‘Ngi ka ranaiq tsam jai maq ama wa atiidong mirwan nong’ nguta chongto.

Mark 12:10

Riita namshiq raq Asii bomtsi na ara chongtlaq arka phat tlan ahiq na. Arjaq akha chongtlo: ‘Jamhaiti raq abi nguta ashthoq baiq longkaü kriika, tarü thaq na ara pinthum longkaü miishe jakito.

Luke 17:25

Shatmaq, apha na apaiq ka pinthum chamchao litkot walü mong maq lea wan chang miraq. Kiimaq ümchaü pat wa maiqse raq, apaiq ka ashleq mirbaiq wan.

Luke 24:26

Riita, Khristo riika, arthun chamchao walü mong maq lun wan chang dongdii miraq ngutiika sapphaq man dea sha: Raüta, apaiq ka apaiq chhainyii ajong rilung kra lap wan chang dongdii nguta sap man sha riilan?”

Luke 24:44

Kra raütiishe, apaiq raq tsangshiq ma, “Arthun ara ngi kongkhuji na namshiq rai siji na, chongkuq pha ihata. Ngi miitu, Mosheq Thungtri na kiimaq, shammibi lak na, kiimaq Tiitsam shi lak na awaiq thü bomtsi thun kriika, kunkun she kupi wan chang dongdii miraq nguta chongkuq pha ihata,” nguta bom ka tsangshiq ma chongkuqto.

John 12:48

Riita kriikha na, jurwa ngi ka shipoq tlaq, kiimaq i bomtsi ara lang mak riitlaq, kriiti khaphoke wanti ka phowe asi miraq. Ara ngi raq chongkuq tiikang i bomtsi arli she, phangthum ranaiq na, apaiq kha phoke wanti phowe ma mija!

John 2:19

Kiijiishe, “Namshiq raq ara Shomjam ara tiithen baiq han jiila, ngi raq ranaiqtsam liipan niili mihai nongha,” nguta Jesuq raq tsangshiq bom ka treto.

Acts 7:35

“Israilnok raq Mosheq ka, ‘Ümniika naishiq thaq na wela ma nai phowe ma juro shongta?’ nguta shipoqto. Shatmaq, Shiikeawe raq Mosheq ka tsangshiq nok rüm wan miitu wela ma, kiimaq tsangshiq ka kharü mong wa daa wan miitu, srea we ma ashong wan. Kra jaqsham ajong kriika Mosheq ma rumtam mong na walü ma jaraüta rase kitaq kra jaqkhong maq midaa wan nguta chongkuqto.

1 Corinthians 15:4

Ara Asii bomtsi na waiq thütaq kra phan phan, apaiq ka amaa lap thüto. Kiimaq apaiq ka amaa wa ranaiqtsam jai maq, atra she tiidong wanto nguta Asii bomtsi na chong tlo.

1 SAMUEL 10:19

Ngi ka namshiq Shiikeawe, phanrap litkot chamchao sangrai mong wa dokdake wanti. Shatmaq ümchaü ranaiq namshiq raq ngi ka shishebaiq lan. Lanta ngi la na, hokham weshi shongkuq laq nguta ijaq wa jaü lan. Ikhiijiika ahea. Ümchaü min, namshiq ka maiq aphan aphan maq kiimaq ata ata maq Tatiwe man na thung rong laq.’”

1 SAMUEL 8:7

Kiimaq Tatiwe raq nguto, “Mungmaiqse raq ümniima jamlai wa chongtlaq kra wiita tailaq. Tsangshiq raq ümniika miimbaiq mak. Shatmaq tsangshiq raq ngi ka tsang hokham ma tiija romai she nguta miimbaiqto.