Mark 8:2 - ASII LAKDAP Bible (BSI)

² “Mungmaiqse ma ngi mangchan tsi. Ümchaü ranaiq tsam she, tsangshiq ka ngi rai haito. Ümchaü tsangshiq jaq na lamsea ka ahü she.

Hawa Naga Bible 2001

² “Vruex miq htenc kuex raungnuiyq thuimx shex ngaz rulc httax vtuex, majuiuc phuiuz svy juing doc muinz vguez ningkhvnc nuex miq htenc muex ngvy menjenc sac yaq.

Muklom

² “Nga iri miqtang raa siin eq itinshit rapney khong aa, ning ijamna saal tom sey etho thanga ning jakna phaksat eq ma chamtho ahung.

Mark 8:2 Referencias Cruzadas

1 HOKHVMX 19:6

Krai mren apaiq raq atro na liito. Raüta winsü phushi kiimaq kham tsabum chüshi achangkhu tho na tiito raü chhito. Raüta apaiq raq kra winsü ka phaqto. Kiimaq kham ka nyangto. Raüta apaiq ka awehali riiwan nongto.

Tvtsvmc 103:13

Awe raq asetiim jamkho lungwiitlaq, ikiikha Tatiwe raq apaiq shrengtibi lungwiitlo;

Tvtsvmc 145:15

Wiitsitsü phan wiita raq üm jaqlii raüta ranphantlo, kiimaq ümniiraq tsangshiq ramtsitlaq na tiiphaqsiqtlaü.

Tvtsvmc 145:8

Tatiwe ka tamham hea, kiimaq tiihanghea, mokhiq khiqmak phan kiimaq tiipitmakphan lungwiiti.

Mikha 7:19

Ümniiraq naishiq ma tiihang mangchan mikuq haü. Ümniiraq naishiq ngarai ka, ümji maq nishishi minibaiq haü. Laüta sammok tra chum na midobaiq haü!

Matthew 14:14

Jesuq ka lai maq satki raüta, mungmaiqse phong pahea riiphong rai tlaq kra chhito. Kiimaq apaiq raq tsangshiq kra chhi raüta, atsan mong na tsangshiq miitu pinthum mangchan tsito. Kiimaq apaiq raq tsangshiq phong wa maiq atsi asiti thun sitlaq kra tiihea kuq wanto.

Matthew 20:34

Jesuq ka tsangnai ma mangchan tsito. Kiimaq tsangnai mak na jaq maq shamto. Krai mren tsangnai mak ka tiidoqra she heakito. Kiimaq tsangnai riimin Jesuq jai she phan wan damto.

Matthew 9:36

Apaiq raq mungnyung mungse riiphong rong rai wantlaq kra thun ka chhi wan raüta, tsangshiq miitu atsan mong na kai tsi wanto. Tsangshiq ka achapa riili tsai wan raüta siwan tlaq kra chhi raüta kiimaq tsangshiq ka tsangshiq rümkom wanti ahü, skuse kong mangrang mra mangmii rai wan tlaq ikha, chamchao rai wan kra chhi wan raüta, apaiq tsan ka kai tsi wanto.

Mark 1:41

Jesuq raq mangchan tsihea lam maq, atsitiwe dü na ajaq maq sham raüta, “Ngi raq ümkhum ka tiisiike rotiikang. Ümchaü min heakikiq she!” nguta bomdamto.

Mark 5:19

Shatmaq, Jesuq raq apaiq ka shea wan mak dea riito. Kra rii na, “Ümnyung we phana walaq. Laüta, Tatiwe raq, ümniima ümtinkhan wa mangchan tlaq, kiimaq ümtinkhan wa khrum kuq wan taq kra, tsangshiq ma chongkuq wakiq,” nguta thaüto.

Mark 6:32

Krai mren, tsangshiq ka lai ashi maq, maiq akaiqkaiq ba na wawan nguta wawanto.

Mark 6:34

Jesuq ka lai maq satki raüta, mungmaiqse pahea riiphong rai tlaq kra chhito. Apaiq raq tsangshiq ka arümti ahü skuse kong ikha chhi raüta, tsangshiq miitu atsan mong na, kai mangchan tsito. Kra ningkhan, apaiq raq tsangshiq ma phanrap tengteng bomtsi kra shrinkuqto.

Mark 8:3

Tsangshiq ka amang maq tiiwa ha jiila, lam maq ramtsi raq ahaü mirwan. Tsangshiq phong wa wiijamti ka, lam luhea wachang.”

Mark 9:22

“Apaiq ka jang pahea tha raq wa na liiqbaiq raüta, nai kham na liiq baiq raüta, atsea baiq tanto. Ümniiraq lot haü jiika, naishiq ara mangchan kuq phiidea!” nguta tiipaiqneato.

Luke 15:20

Kra tiima wantaq krai mren, apaiq ka kra mung wa tiido wan raüta, awe phaniishe jang wanto.” “Apaiq ka jam maq luhea na awarai niili, awe raq apaiq ka chhito. Ase ka chhi raüta, awe tsan na ase miitu, kai mangchan tsito. Krai mren, awe ka juju kiraüta, ase ka akhuk na pomsaq pomhotlii riito. Raüta, ase theaphi na shupto.

Luke 7:13

Tatiwe raq manti-nyung ka chhi raüta, atsan na kai mangchan tsito. Kiimaq Jesuq raq apaiq ma, “Naqhoqkiq” nguta tlin bom damto.

Hebrews 2:17

Riita, ara chongtlaq arai mren, apaiq ka mangjong maiqse ikha, tiijai han-ngam na shamshi ngamshi pokai chang dongdii she raa kito. Apaiq maiqse han-ngam na akha pokitaq arka, apaiq ka tsangshiq miitu, tsapsaü kapse mangchan tsantsii jonghea maq, tsangshiq thaq na Ramwe Ajong Pinthum we ma jawan miitu pokito. Raüta apaiq ramwe jaqsham lümaq, Shiikeawe tsankhiq ka tiishi wanto. Krai mren, Shiikeawe raq tsangshiq ngarai kra diikuqto.

Hebrews 4:15

Nashiq ma Ramwe Ajong Pinthum we riika, nashiq tiinan shan tiikai kamasham ningkun ajom si tiikai thun kriika, kunkun asap siisaq. Nashiq ma Ramwe Ajong Pinthum we ka nashiq raq maitai chamchao ümtinkhan wa riihum tiikai kriika, apaiq raq kunli asap siisaq. Apaiq ka nashiq jamkho tairai tlaq, kiikha Thawe raq tairaito. Shatmiitiina, apaiq raq jamkiq min shut mak riito.

Hebrews 5:2

Riita, ramwe ajong we apaiq kiimin la, phanrap lam phan na ningkun ajom sitlaq kha maq, nanok ahinti raq ashut aphit klo wan kra chhi raüla, apaiq mangchan tsantsii ka asi thü tlo.