Mark 7:34 - ASII LAKDAP Bible (BSI)

³⁴ Raütiishe, Jesuq raq ra nü na liito. Kiimaq atsaü wiq maq, atsitsü ka tlea hanto. Raüta, kriiwe ma, “Iphatha,” nguta thaüto. Kra liichum ka, “Linbaiq liishe!” nguta ngo riito.

Hawa Naga Bible 2001

³⁴ Kvruex yimaq Yesu rueq raungx nuex lawc ruiux thuiuzthuic tvyungc hax vtueq, kvruex waz muex, “Ephatha” ngoz tueq. Kvruex kuex “Kvdauz wvnc kuiuz,” ngoc rvtueq.

Muklom

³⁴ Etho Jesu aa mungtan konáng siin eq, rapney juchan wang eq tak humta, etho ethi miq ko thináng siin eq batta, “Ephphatha” ta, “thalak u!”

Mark 7:34 Referencias Cruzadas

DUNGWVNC 2:23

Rawii luhea sijai she Ejip mung hokhamwe ka tsaito. Shatmaq Israilnok ka maiq dikong maiq jaqkhon mong na kai chamchao kharü mong na ahan anyi li sitlo. Kiimaq khrum jaü kai aho asii sito. Tsangshiq hoqsii trang ka Shiikeawe niki na saüto.

ISAIA 53:3

Nashiq raq apaiq ka shummii wan kai; kiimaq apaiq ka tiishaübaiqkai; apaiq raq riitsitsaitsiiq chamchao homa ninwanto. Maiqse raq jurmin apaiq theaphi na liikham mak riito, nashiq raq apaiq ka hiqtili sinchiitsap ikhli shipoq wan kai.

Mark 1:41

Jesuq raq mangchan tsihea lam maq, atsitiwe dü na ajaq maq sham raüta, “Ngi raq ümkhum ka tiisiike rotiikang. Ümchaü min heakikiq she!” nguta bomdamto.

Mark 15:34

Raji nari tsam akhing saüto angu niishe, Jesuq ka tiihong raüta, “Eloi, Eloi, lema sabakthani?” nguta siito. Kra liichum ka, “I Shiikeawe le, i Shiikeawe le, ümniiraq ngi ka jam nguto miimbaiq laü?” nguta ngo riito.

Mark 5:41

Apaiq raq no jaq na, ajaq maq shamsaq raüta, “Talitha, kum,” nguta hiato. Kra liichum ka, “Noshii loi, ngi chongpha, tiidolaq!” nguta ngo riito.

Mark 6:41

Raütiishe, Jesuq raq winsii biingi nai ngi shin anai ka, ajaq na shamto. Raüta, ra nü na lii raüta, Shiikeawe ma kechu tumto. Raüta, apaiq raq winsii ka tiiphan raüta, ajaqshisetiim lümaq nokmaiqse ma tiiphea kuqto. Kiimaq apaiq raq ngiq shin phu nai kiimin tiiphan raüta, tsangshiq maq tiiphea kuqto.

Mark 7:35

Krai mren, atsi ka tiidoqra heasaq li she heakito. Ani bii nai anü tang kra heakito. Krai mren, apaiq ka abom asa waliishe riito.

Mark 8:12

Shatmaq, Jesuq raq, atsitsü ka atsaü maq tiijang hea raüta, “Ümchaü pat wa maiqse raq awang chang jaqsham ka jaram wa rit tla? Ngi chongpha, kriika tiichhi kuq mak! Akhnok maiqse miika, tiichhi kuqmak!” nguta tsangshiq bom ka treto.

Luke 18:42

Kiijiishe, Jesuq raq, “Ikha jiila chhi nong liishe! Ümkam tsantsii maq heaki laüshe,” nguta apaiq bom ka treto.

Luke 19:41

Apaiq ka Jerusalem chela tho niishe saühoto. Kiimaq apaiq raq chela ka lii raüta, akha nguta

Luke 7:14

Raütiishe, apaiq ka tiisotsaq raüta, ajaq maq maiq ma tek na shamto. Kiimaq maiq ma pitibi min chapsaq achap riikito. Kiijiishe, Jesuq raq, “Norii we loi! Ngi chongpha, tiido laq, laüta chap laq!” nguta ama we kra thaüto.

John 11:33

Jesuq raq Meriq ka aho-anyi jumii kra chhito. Kiimaq apaiq rai nokwe akidam thun hosii rai tlaq thun kiimin chhito. Kra maaho maanyi ka chhi raütiishe, Jesuq tsan na tsangshiq ma tsihea mangchan tsito.

John 11:35

Jesuq ka aho riito.

John 11:38

Jesuq ka atsan na mangchan tsihea maq, maa lap chang longkhong kii na, longkilü shaqje tho kiiniishe kito.

John 11:41

Kra chongtaq krai mren she, tsangshiq raq longsha kilü pang chang longkaü kra linbaiqto. Jesuq raq ra nü na lü raüta akha achu jaüto, “I We lei, ümniima kechutum tiikang. Ümniiraq ngi achu jaü ka tre tlaü.

John 11:43

Apaiq raq akha achu jaülot raütiishe, tiihong raüta, “Lajaras dongkikiq!” nguta heato.

John 17:1

Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong.

Acts 9:34

Petar raq apaiq ma, “Ainias, Jesuq Khristo raq ümthatsi ka tiihea kuqto she. Tiidolaq. Laüta, ümchangdü ka tiihea laq,” nguta thaüto. Krai mren, Ainias ka abum wa tiidopot chap hiiq heakito.

Acts 9:40

Kiijiishe, Petar raq tsangshiq ka tarü tapmong wa rin niishe tiiki baiqto. Raütiishe, apaiq ka kaütsrong na nga raüta achu jaüto. Apaiq raq achu jaülot raütiishe, maiq maa wetlaq kiinü na nyi raüta, “Tabitha, tiidolaq!” nguta apaiq rai bomdamto. Krai mren, kra nyung raq amak ka tiipiiqto. Kiimaq apaiq raq Petar ka chhi raüta, chang na awe wa, anga she riito.

Hebrews 4:15

Nashiq ma Ramwe Ajong Pinthum we riika, nashiq tiinan shan tiikai kamasham ningkun ajom si tiikai thun kriika, kunkun asap siisaq. Nashiq ma Ramwe Ajong Pinthum we ka nashiq raq maitai chamchao ümtinkhan wa riihum tiikai kriika, apaiq raq kunli asap siisaq. Apaiq ka nashiq jamkho tairai tlaq, kiikha Thawe raq tairaito. Shatmiitiina, apaiq raq jamkiq min shut mak riito.