Mark 7:27 - ASII LAKDAP Bible (BSI)

²⁷ Shatmaq, Jesuq raq, “Nosere dung pin ka hi kong ma ümkha akuq no. Nosere ma kongkhu tiiphaq sia chang,” nguta apaiq bom ka treto.

Hawa Naga Bible 2001

²⁷ Yuq muinz Yesu rueq, “Nosaz rulx rueq dungc phoay laz kungkhux msaq shueq. Nosaz rulx dungc kuex lvmz vtueq guyhex muex kuy kuex mvy muq,” ngoz tueq piq muex jungx kuq tueq.

Muklom

²⁷ Etharin Jesu aa batta, “Jakho nijangsa tang wok sha taphut ching. Nijangsa tang phaksat sha som eq hi tang ma bichak kot sha qhal moq.”

Mark 7:27 Referencias Cruzadas

Matthew 10:5

Ara roqshi ri wenai arma akha tsii chongkuq raüta trahokai tiikito, “Namshiq ka Pongmung maiqse hiqshong na nai Samarianok chela thun niika naqki rongkiq.

Matthew 7:6

“Ngamrea ka hi kong ma naq kuq rongkiq. Tsangshiq raq namshiq khoti mikaq. Lakshii tum ka waqkong khaki naq baiq rongkiq. Tsangshiq riika hok miili minibaiq wan.”

Mark 7:26

Kra nyung ka Pongnok phan nyung riito. Apaiq ka Siria mung wa Phonesia wang na siti riito. Apaiq raq, Jesuq ma ase khum wa tha ka jokuq liidea nguta tiipaiqnea siqto.

Mark 7:28

Kiijiishe kra nyung raq hali, “Shiilang we, hi kong riimin la nosere seaphan hiq na atiiwii wa tsunsiq tlaq,” nguta Jesuq bom ka treto.

Acts 22:21

Shatmaq, Tatiwe raq ngi ka, ‘Tiido laq. Walaq. Ngi raq ümniika maiq mung ahin luhea na siti Pongnok phan maiqse ma tsütsa ahea kra chongke wa she mitiiwa kang,’ ” nguta Tatiwe raq ngi ma bom ka chongkuqto.

Romans 15:8

Ara jamkhano ngutiikang ngukla, Khristo kitaq kriika, Jehudinok khrumkai nguta kito. Apaiq saükitaq arka, Shiikeawe raq Jehudinok titiim ma, kiqkham raüpot khakuq wantaq kra tiikupikai nguta kito.

Ephesians 2:12

Kra akhing na, namshiq ka Khristo rai mang riisap man maq silan. Namshiq ka Shiikeawe sengi phung na, pong man shaq li riilan. Krai mren, namshiq ka Pongnok phan maiqse, mangtang ralii phan nguta, silan. Krai mren, namshiq ka Shiikeawe sengi ma tongshong kiqkham raüpot khakuqtaq kra, ramram maq mitiiham wan shaqli riito. Kra ramram ka, Shiikeawe raq kiqkham kuqtaq kra thaq na seng raüta, asengi ma mikuq ha nguta, raüpot akhakuq wan kongphiq ka asi riito. Kiitincho ji na, namshiq ka, apaiq tongshong maq mitiiham wan shaq li kha maq, namshiq rilung na ara mangjong hiq maq, aranphan chang, namshiq jaq riiwiiq wan chang jaqpaq raü kiimin ahü miili siwan lan. Krai mren, namshiq ka Shiikeawe rai min, mang riisap man maq silan.