Mark 7:15 - ASII LAKDAP Bible (BSI)

¹⁵ Maiqse raq tri riikhaqli maq, jaq hehü miili, lairap phaqsiq tlaq, kra riika maiqse tsantsii ka tiishe mak. Shatmaq, maiqse tsan mong na ashe ashi tiima rüm tlaq, kra raq tiina, maiqse tsantsii tiishe tlaq kra.

Hawa Naga Bible 2001

¹⁵ Miqsaz kantsec kox maq piq vmungx kox nuex nyuip wvnc vtueq miq kuex sawc muq muex tvyaungc lot muq, vmungx kox maq dung yaq kvraq dvyx miq kuex sawc muq tvyaungc yaq,” ngoz tueq.

Muklom

¹⁵ Hangwang umong náng wang phan shey miq sha thanaan moq. Eshimal ang moq ang eq, umong wang chamlang thalat aa ethi wang hun miq sha thanan aa.

Mark 7:15 Referencias Cruzadas

TAKSU LAK 4:23

Üm tsan na jamlai wa tiima tlaü, kra miitu honkamshat riilaq, Ümtsan na jamkho tiima tlaü, kriiphan phan ümrilung ka mitiiq.

Matthew 12:34

Namshiq ka paüsang nyiqla kong! Namtsan mong na anyaq rüm wan tlanti raq, bomhea ka jamba wa hum lanto mibom han? Maiqse tsan mong na jamlai phan wa sitlaq, kriili apaiq raq anübok maq mibom.

Matthew 15:16

Kiijiishe, Jesuq raq tsangshiq ma chongkuqto, “Namshiq armin ümchaü niitaq, nanok ahinti thaq na holi ka riiman.

Mark 7:14

Kiijiishe Jesuq raq mungmaiqse ka atho na hali hea nong raüta chong kuqto, “Namshiq tarü raq, i bom chong ara tiitsang tairong laq. Lanta tak wan ronglaq.

Mark 7:16

Juwa ni asi, kriiti raq tiitsang tai ronglaq!”

Acts 10:28

Kiijiishe, Petar raq tsangshiq ma akhiishe chongkuq phahoto, “Jehudinok thungtri na Jehudi phan maiqse raq, Pongnok phan maiqse rai jam riidükai maimak kiimaq wa riinyiim min maimak, apii riiqkhiq nguta chongtlo. Arka namshiq tarü raq aheawiq asap han siisaq. Shatmaq, maiqse ngusaq wiika, jumin ashe ashi phan nai tsangshiq rai wa ka adam na nyiim maimak nguta naq tseatsiiqkiq nguta, ngi ma Shiikeawe raq tiichhikuqto.

Romans 14:17

Shiikeawe sengi ma jawan rilung ngutlaq kriika, phaqsea khamnyang tiitsak khok wan khuthaq na seng raüta siwan rilung ka riimak. Shatmaq, ating arai, khusang rakhang, kiimaq chojong chise maq siwan rilung, kra chong tlo. Riita, arthun arka maiqse rilung na, Asii Wenyi riitiq, tiitsi ngo wan phan.

1 Corinthians 10:25

Namshiq raq kejat na sha ta tlaq ngam kiiwa ri lanta, shonglum phaqsea wan ka mimai. Namshiq tsan na thatsang ngam asha riimak sha, nguta tsan na tiisatshat ka naq si rongkiq.

Titus 1:15

Juwa tiima tsantsii asii maq sitlaq, kriiti miitu ka phanrap asii siisaq. Shatmaq ümriiti tiima tsantsii wa, ngarai raq atiisheshi baiq wishe, kiimaq krai mren, tsangshiq raq tengtlaq bomtsi ma kam mak maq sitlaq, kriiti miitu ka phanrap phanrii ka, ashe ashi siisaq. Tsangshiq miika apii ashan chang siisaq. Jamkhano ngukla, tsangshiq khutsai nai tsangshiq tsaiji ka, ngarai raq wiita atiishe shi baiq kun she.

Hebrews 13:9

Tsütsa Ahea na chongtlaq, tingting rilung lamphan tlan kiiwa, maiq ahinti raq, namshiq ma arot akiq bomtsi thun shrinkuq raüla, namshiq tiishon ron haü la, namshiq ka naqshon rongkiq. Shiikeawe kaphap mangchan wokhong maq, nashiq ka tsailam jilam sitiikai. Ahata nashiq ma ningkun tu. Shatmaq, aphaq asea lam na seng raüta, arphan arka phaq sea raa mak; arphan arka aphaq sea chang; arphan arka phaqsiq mai chang, apii phan nguta tlang kuq tlaq, kra bomtsi ka, nashiq ma aliip dong chang ahü. Akhnok tri lamphantibi miika jamlai achu min ahü.

Hebrews 9:10

Arthun honglu kuq tlaq arka, aphaq asea chang phan, raipo wonglo, anyang chang phan phaq asea, kiimaq alam alam na seng raüta khuliiq tsaichhin wan, mrochhi phaq wan chang sitlaq thun kra nangnga li chongtlo. Arthun arka rakhü-tsiri na lang wan chang thungtri li. Arthun arka Shiikeawe raq maiqse rilung lamphan lamjong anye kra mitan kuq shaq pat na lang chang li.