Mark 7:13 - ASII LAKDAP Bible (BSI)

¹³ Akha, namshiq raq nanok ma tlang kuq tlan tri pahea asi, kra raq Shiikeawe aming ka jintlo. Ara chongtiikang akha, namshiq raq ajiq pahea tlangkuq tlan.”

Hawa Naga Bible 2001

¹³ Vkhoc layx maq nuimshiq rueq miq vganc muex tvlez kuq vshuinx tvluingc jungphvnc lvmz nuiyc Tishox bomjungc kuex tvmoz maq gay vshuinx. Kvrulc rv-ngvlc yaq layx htenc paunghvlc kuex nuimshiq rueq phvnx vtueq shuimx kaz wuez vshuinx,” ngoz tueq tsuingshiq muex jungx tueq.

Muklom

¹³ Irimal ang eq nim thong rangma nim aa Shkewa raaq sha shingchak inn. Nim aa irimal adak dak thong aa ley tang hun inn.”

Mark 7:13 Referencias Cruzadas

ISAIA 8:20

Kra nguraüla, namshiq raq akha tre ronglaq, “Tati raq namshiq ma jamlai wa tlangkuqtlaq kra samhea tiitsang taironglaq! Tha shammibi bom ka naqtai rongkiq! Tsangshiq raq namshiq ma jamlai wa chongkuqtlaq kriiriika namshiq miitu jamlai achu min ahü miraq.”

EJEKIEL 18:14

“Riita ümchaü ara maiq wenai ngojawe chongkai we se ka maiq wese ashi asi ngu i. Apaiq raq awe raq aklo wan arthun ngarai kra chhito ngu i. Shatmaq apaiq riika awe raq abi lam phan wantaq thun kriika phan mak.

Hosea 8:12

Ngi raq tsangshiq trantsii wan bomchong, tri raütu pahea khakuq wankang. Shatmaq tsangshiq raq hiqtili ikhli shipoq wanto.

Matthew 15:6

apaiq raq awe ka shreng mak lishe jiimin, jam shut ahü nguta shrinkuq tlan. Akha shrinkuq lanta, Shiikeawe aming kra jin tlan. Kiimaq namshiq maiqmii raq athü thungtri kra lang tlan.

Mark 7:12

apaiq raq anyungwe ka khrum kuq mak li she jiimin, apaiq ma jam ashut ahü, nguta shrinkuq tlan.

Mark 7:14

Kiijiishe Jesuq raq mungmaiqse ka atho na hali hea nong raüta chong kuqto, “Namshiq tarü raq, i bom chong ara tiitsang tairong laq. Lanta tak wan ronglaq.

Mark 7:3

(Jehudi phan ngusaq riika, kiimaq akhek ka Phorisinok riika, tsangshiq ma richü we raq akuq thü jaq hewan thungtri kra tsapkapkap maq langtlo. Tsangshiq jaq ka thungtri na chongtlaq kra phanphan hemak wiiwii, tsangshiq raq lairap ka phaqsiq mak phan.

Mark 7:5

Kra ningkhan, Phorisinok nai Thungtri shrinketibi raq, “Ümjaqshisetiim raq jam nguto, richü we raq akuq thü Thungtri na chongtlaq kra phanphan, tsangshiq jaq ka hehü, ashe miili, lairap ka phaqsiq wan tla?” nguta Jesuq ma waito.

Mark 7:9

Kiimahali, Jesuq raq bom ka akha chongto, “Namshiq ka pinthum khonglaq lanta, maiqmii tri raü tu kra shreng tlan. Lanta, Shiikeawe aming ka no na tsuqbaiq tlan.

Galatians 1:14

Ngi ka naishiq nok, Jehudinok thungtri maq, Shiikeawe lamphan niika, i ri i rümti thaq na atsin maq lang lata siwan kang. Kiimaq, naitititiim thungtri ka, tsantsii wiita kiinong kuq lata, lang wan kang.

Galatians 5:21

Tsangshiq ka makshu rashe miili sitlo. Kiimaq tsangshiq raq, phra sumla shomnoq tlaq poi akhing na, pinthum chephe tsampii raüta, kuku waqshii kong ikha, riinyat shat raüta sitlo. Kiimaq, ara chong wankai thun ara niq riri hali, ahin abi pahea jaqsham thun min asi, kra sham tlo. Ngi raq namshiq ma, man niimin tsii chongkuq kang. Kiimaq ümchaü min chongkuq nong tiikang. Jurwa arthun ngarai ara tang raüta sitlaq, kriiti ka, Shiikeawe sengi ma jawan lot mak. Kiimaq, Shiikeawe mungtan na saüwan lot mak.

Titus 1:14

Ümchaü sanha, tsangshiq Jehudinok manphan ajiq raütu kriika, akom raüta raqkam niishe mitiikü baiq laq. Kra manphan raüpot tu kriika, maiqse nübok maq adong. Arka Tengteng bomtsi kra lang makti nübok maq adong manphan.