Mark 6:6 - ASII LAKDAP Bible (BSI)

⁶ Nokwe raq apaiq ma kam mak kra chhi raüta, apaiq ka kai amao riito. Kiimahali, Jesuq ka kra binjü tro na, maiq hiqshong sitlaq thun kiina wato. Raüta, tsangshiq ma trahokuqto.

Hawa Naga Bible 2001

⁶ Kvruex miq htenc nuex kvmluimx thuinz vguez ningkhvnc nuex vpiq pinhtumc wangc tueq. Kvruex yimaq tvroz wawc miqghaq htenc kvyuq vpiq kvroz khuemx vtueq miq htenc muex tvluing kuq tueq.

Muklom

⁶ Ning aa kam moq tungkang o piq sha patja angta. Ethi jio Jesu aa tatal eq arel qhim tang náng lingqhing ta.

Mark 6:6 Referencias Cruzadas

ISAIA 59:16

Apaiq ka awang raütli sitlo, jamkhano ngukla maiqse liipan na ji maq nishishi tiichamchaotlaq kra khrumketi maiq ahü. Kra ningkhan she apaiq raq apaiq ningkun kriishe milang. Raüta tsangshiq ka mitiichhiikuq kiimaq rekhat ka mitang wan.

JEREMIA 2:11

Maiq junok mungti riimin tsangshiq phra thun ka klaimak, tsangshiq phra thun ka riikhaqli phra riimakli jumin klaimak, Shatmaq isenginok raq Ngi ka klaibaiqto, tsangshiq ma shreng manto ketiwe ka, tsangshiq ma jamlai min shamkuq tsümak phra thun maq klaibaiqto.

Matthew 4:23

Kra raütiishe, Jesuq ka Gelili wang hamli na barap se na wato. Raüta, sinagok thun maq shrinkuqto. Kiimaq Shiikeawe raq mangjong maiqse kunli asengi ma tiija wan akhing ka saüto she nguta Tsütsa Ahea kra tra hokuq wanto. Kiimaq maiq atsi asiti phanrap phanrii thuptsi thatsi raq chamchao rai tlaq thun kra wiita tiihea chhintsii kuqto.

Matthew 8:10

Jesuq raq apaiq bom ka tairaüta, awang riito. Kiimaq apaiq tro na mungmaiqse ajai phan wantibi thun kriima akha nguta chongkuqto, “Ngi raq chongtiikang arka tengteng! Ngi raq Israil mung na arwe kamasham akha ümchaü niitaq weshi ra min hum mang shaqli.

Matthew 9:35

Jesuq ka chela rap nai hiqshong rap thun na kunkun khum wanto. Raüta, sinagok thun na kiraüta, Ramungtan Tsütsa Ahea kra chongkuq wanto. Kiimaq phanrap phanrii thuptsi thatsi raq chamchao tlaqti thun kra wiita chhintsii kuq wanto.

Mark 1:39

Krai mren, apaiq ka Gelili wang hamli na khum raüta, sinagok thun na tsütsa ahea kra chongkuqto. Kiimaq tha ka maiq khum wa jobaiqto.

Mark 10:1

Kriimiishe, Jesuq ka kra hiqshong wa tiido wan raüta, Judia wang na Jordan raire nü na kihoto. Nokmaiqse ka apaiq phana pahea, konta hushhu maq hali riitsap wan nongto. Kiimaq apaiq raq tsangshiq ma, rahin jaq akhing na ikha, Shiikeawe bomtsi shrinkuqto.

Luke 13:22

Jesuq ka chela rap na nai hiqshong rap thun na, khumshkhum maq wawan raüta, tra hoke khum wanto. Apaiq ka Jerusalem nü na kaiho lam maq, nokwe ma traho bom chongkuqto.

Luke 4:31

Kra miishe, Jesuq ka Gelili wang na, Kaparniam chela kiiniishe wawanto. Raüta, Asii Niitiitsak ranaiq na, sinagok maq nokmaiqse ma tra hokuqto.

Luke 4:44

Krai mren, apaiq raq sinagok thun wiita na kiraüta, Judia mung tlotli na trahokuqto.

John 9:30

Kriiwe raq tsangshiq bom ka treto, “Arka maiq wangchang bomtsi ashi ahata! Namshiq raq, apaiq ka ümriihiqti wa kiimin sap man. Shatmaq, apaiq raq i mak ka achuk wa tiipiiq kuqto!

Acts 10:38

Najareth hiqti Jesuq ma Shiikeawe raq, Asii Wenyi nai ningkun ka asho awo kuqtaq kriimin ümniiraq asap haü. Krai mren, apaiq ka barap na khum raüta, maiqse ma jaqsham ahea pahea shamkuqto. Kiimaq Tha kharü mong wa maiq atsi asiti thun ka pahea tiihea kuqto. Shiikeawe ka apaiq rai asi kha maq, maiqse ma atin khan jaqsham ahea shamkuqto.