Mark 6:41 - ASII LAKDAP Bible (BSI)

⁴¹ Raütiishe, Jesuq raq winsii biingi nai ngi shin anai ka, ajaq na shamto. Raüta, ra nü na lii raüta, Shiikeawe ma kechu tumto. Raüta, apaiq raq winsii ka tiiphan raüta, ajaqshisetiim lümaq nokmaiqse ma tiiphea kuqto. Kiimaq apaiq raq ngiq shin phu nai kiimin tiiphan raüta, tsangshiq maq tiiphea kuqto.

Hawa Naga Bible 2001

⁴¹ Kvkaq wanx phux bv-ngac rac ngaq vnueyc kuex shuimx ruiux raungx nuex lawc vtueq ruimruimx tueq. Wanx phux htenc kuex tv-phuinz phux vtueq miq htenc kvmac phvlx kuq shuinz ngoz tueq vpiq sangac hez muex kuq tueq. Vpiq rueq ngaq vnueyc kvmuinz miq lotlaz muex khuimc laz phvlx kuq tueq.

Muklom

⁴¹ Etho Jesu aa lo banga banlo etho ngaqsa ani som eq rangko náng siin eq Shkewa ma kechu ajong kota. Piq aa ethi banlo tha pin eq miqtang ma phal kot rangma ujiphantey tang thima kota. Piq aa ethi ngaqsa tha tho pin eq thaji miqtang ma phal kotma kota.

Mark 6:41 Referencias Cruzadas

Matthew 14:19

Raütiishe, apaiq raq mungmaiqse thun ka sangphii rü thaq kiina tiingato. Raütiishe apaiq raq winsii phubiingi nai ngiq shin phu nai ka ajaq na shamto. Raüta ra nü na liito. Kiimaq Shiikeawe ma kechu tumto. Raütiishe apaiq raq winsii ka tiiphanto. Raüta ajaqshisetiim ma kuqto. Ajaqshisetiim riishe nokwe ma pheakuqto.

Matthew 15:36

Kra raütiishe apaiq raq winsii phu miishe nai ngiq shin phusetiim ka ajaq na sham raüta, Shiikeawe ma kechu tumto. Raüta tiiphanto. Raütiishe, ajaqshisetiim ma kuqto. Ajaqshisetiim riishe mungmaiqse ma phea kuqto.

Matthew 26:26

Tsangshiq ka phaqsea rea na, Jesuq raq winsii phushi ajaq na tsunto. Raüta kechutum achu jaüto. Raüta kra tiiphanto. Kiimaq kra ajaqshisetiim ma kuqto, “Ara jaü ronglaq, lanta phaq ronglaq,” nguta apaiq raq nguto. “Arka i ngamphu.”

Mark 14:22

Tsangshiq ka dungsea lam miishe, Jesuq raq winsii phushi ka ajaq na sham raüta, kechutum achu jaüto. Raüta, winsii phu ka tiiphan raüta, ajaqshisetiim ma kelam maq, “Jaü ronglaq; lanta ara phaq ronglaq. Arka i ngam phu,” nguta nguto.

Mark 6:40

Krai mren, nokmaiqse ka, shishi shi maq nai roqbiingingi maq, alen alen na tiinga wanto.

Mark 6:42

Krai mren, nokwe tarü raq, phetak chhaq she phaqsiqto.

Mark 7:34

Raütiishe, Jesuq raq ra nü na liito. Kiimaq atsaü wiq maq, atsitsü ka tlea hanto. Raüta, kriiwe ma, “Iphatha,” nguta thaüto. Kra liichum ka, “Linbaiq liishe!” nguta ngo riito.

Mark 8:19

Ngi raq maiq hingbiingi ma, winsii phubiingi tiiphan kuq kang ira, namtsan na ahü she sha? Namshiq raq seabung winsii bun archom han raq tamlii ümchuwa mataq ira?” “Tamlii roqshi ri anai mali riito,” nguta tsangshiq raq treto.

Luke 24:30

Apaiq ka tsangnai rai dungsea dam ngutiishe ngato. Raüta, winsii phu ka ajaq na shamto. Raüta, aram riito. Raütiishe, apaiq raq winsii phu ka tiiphan raüta, tsangnai ma kuqto.

Luke 9:16

Jesuq raq winsii phubiingi nai ngiq shin phuse nai anai kriika, ajaq na shamto. Raüta, ra nü na liito. Kiimaq kra miitu, Shiikeawe ma kechu tumto. Raüta, winsii phu thun ka tiiphanto. Kiimaq aphan ka ajaqshisetiim miishe nokwe ma tiiphea kuqto.

John 11:41

Kra chongtaq krai mren she, tsangshiq raq longsha kilü pang chang longkaü kra linbaiqto. Jesuq raq ra nü na lü raüta akha achu jaüto, “I We lei, ümniima kechutum tiikang. Ümniiraq ngi achu jaü ka tre tlaü.

John 17:1

Jesuq raq arthun bomtsi ara ajaqshisetiim ma chongkuq lot raütiishe, apaiq raq ra nü na liito. Raüta, akha achu jaüto, “I We lei, akhing saüto she. Üm Se khushü ka tiijong laq. Krai mren, üm Se riimin üm khushü ka mitiijong.

John 6:11

Jesuq raq winsii ka ajaq na sham raüta Shiikeawe ma kechu tumto. Raüta, maiqphong ngatlaq kiima tiiphea kuqto. Ngiq phuse nai kiimin kiikhiisii hali kechutum raüta, nokmaiqse ma tiiphea kuqto. Krai mren, maiq tarü raq wok phetak chhaq phaq siqto.

John 6:23

Kiijiishe, Tiberias hiq nü wa asaüki lai wiijam ka, Tatiwe raq achu jaü raüta, nokmaiqse phong ma winsii tiiphaq siqtaq hiq tho thamchum kii niishe saükito.

Acts 27:35

Ara bom chongke jai she, Paul raq winsii thop wiijam ka lam raüta, tsangshiq tarü makki na, Shiikeawe ma kechutum achu jaüto. Raüta winsii ka tsangshiq ma tiiphan kuqto. Kiimaq tsangshiq raq winsii phu ka sham rang raütiishe phaq wito.

Romans 14:6

Jurwa jipi wea stiq skhaq raüta sitlaq, kriika Tatiwe ma shreng raüta thü wan tlo. Kiimaq jurwa phanrap aphaq asea nguli pen mak maq, phaqsiq tlaq, kriimin Tatiwe mang na phaqsiq tlo. Ara jamkhano chongtiikang ngukla, tü adung phaqsiq tlaq, kra miitu Shiikeawe ma kechutum ramram raüta phaqsiq tlo. Kiimaq hali, jurwa kamliikam phaqsiq mak, wiijam ka apen raüta phaqsiq tlaq, kriimin Tati shreng raüta, phaqsiq tlo. Kra phaqsiqtlaq kra miitu, apaiq raq Shiikeawe ma kechutum ramram raüta sii hali phaqsiqtlo.

1 Corinthians 10:31

Ahea na. Kriika riikhaqli ngutlaü. Ümniiraq dungsiq laü lo, phanrap ka Shiikeawe khushü tiijong miitu li phaqsiq ronglaq.

TRI CHONGKE 8:10

Namshiq raq jamlai phan wa phaqsea wa rotlan, kra chamtraq miphaq siq wan han. Kiimaq namshiq raq Tatiwe namshiq Shiikeawe ma apaiq raq namshiq ma hiqpo hiqwin mung kuqtaq kra miitu kechu mitum han.

Colossians 3:17

Ümchaü sanha, namshiq raq, na We Shiikeawe ma kechutum tlan na, abom na kiimaq phanrap jaqsham tlan na, Jesuq Khristo mang niili she sham rong laq.