Mark 4:32 - ASII LAKDAP Bible (BSI)

³² Raüla, jaqlo liipan niili kra acham mirwan. Raüta kra jücha cham ka mijong wan. Kra jong wan raüla, wiitarü thaq na chong jong wiq she mijong wan. Akü ako thun min, ajong jong wiq she miraq. Kra chong tsung mong na, wushisetiim riimin achü she mihai.”

Hawa Naga Bible 2001

³² Mtanc rvmuq nuex kvruex yungx wvnc vtueq wvyshuiuz kemc phvnx lotlaz htauk nuex vyungx yaungx wvnc tueq. Kvruex kuex vphak vnoz htenc dung wvnc vtueq, wushawx htenc muinz kvruex buingc khung nuex vjez htenc jez wuez tueq,” ngoz tueq jungx tueq.

Muklom

³² Etho ethi uli tha ujong ang ajo, chambang wang eq tho ajong ang aa etho uking ujong ang aa etho eshi bang khung sho wo thu eq wotip jin hun eq aa.”

Mark 4:32 Referencias Cruzadas

Tvtsvmc 104:12

Kriithun tho na pero mong na, wushi kong raq achü hai raüta shingetlo.

Tvtsvmc 91:1

Juwa Tatiwe tiiwong na watlaq, juwa Ajong Pinthum wokhong na sitlaq,

TAKSU LAK 4:18

Shatmaq kechu maiqse rilung lam ka, ranap na rashe dong wan tlaq ikha, ranaiq hoho rashekii ka, henghea riiwan tlaq ikha, liliim wantlo.

ASHICHONG 2:3

Shepe chong ikha langmong nyang na. Lungwii kongtiwe sham tsomhea jerobi phong na. Kra chong nyam maiqnga seachang. Kra tsi ka ngi ma sumhea.

ISAIA 11:9

Jajon na, Shiikeawe asii hiq lam na, kiijaq maiqhaisong chang jamlai min ahü she miraq, kiimaq abi ati phan jam min ahüshe miraq. Kra mung ka khamjong chum ka kham raq matlaq ikha Tati saptsin phaqchi riili ama aliim alei miraq.

ISAIA 32:2

Tsangshiq thun loweatek ka longkhong kaütiim ikha miraq. Rahai wan raüjaq nai rathaiq wan raüjaq tiipaü chang miraq. Tsangshiq ka kumtsaiphii rumnyangkhi binjü na jüserai setiim ikha miraq. Kiimaq tsangshiq ka hiq siirairai pechong ahü ba na longkaü jonghea, akhong asi ra nyam mong na maiq nga sea ma aheawiq ikha miraq.

AJONJÜ 4:20

Tsangshiq raq nashiq tsitsü raüchong laphoto, Tatiwe raq ashong na hokhamwe laphoto, nashiq khup wongketi, nashiq kamsea chang laphoto.

EJEKIEL 17:23

Kriika Israil mung na pum diilu pinthum kiijaq michhiha. Raüta akü thun ka mijong wan, atsi ango midong man wan, raüta alüsea chang tsomhea maisak chong miraq. Phanrap phanrii wushi kong kiijaq misi wan, kiimaq achong nyam kiijaq misi wan.

Matthew 13:32

Riita ara jücha lai arka wiitarü thaq na rairanse lai phan pinthum. Shatmaq ümtiikiishe wa acham ka jonglu wan tlaq, kra jücha chong ka sangchong wiitarü thaq na chong jong pinthum she jongkitlo. Kriikha maq, kra chong nyiim tsung mong na wushi riimin achü she hai wantlo.”

Mark 4:31

“Arka akha. Jücha lai kra mangjong hiq na aran pinthum. Maiq weshi raq, kra awak na miwanki ngu i.

Mark 4:33

Jesuq raq nokmaiqse ma trahoke lam maq, akha manphan setiim pahea maq shiiton raü raüta, tsütsa ahea kra chong kuq lili riitlo. Tsangshiq raq taklot tlaq khankhan, chongkuqto.