Mark 4:19 - ASII LAKDAP Bible (BSI)

¹⁹ Shatmaq, mangjong han-ngam miitu chapa, tsiiq anyam ma ranphan, kiimaq laihin phanrap phanrii miitu ranphan tsii riili she bomtsi ka, tsangshiq tsan mong na tiicham mak, nyaho tlo. Kiimaq tiitsi ngo mak she tiimo baiq tlo.

Hawa Naga Bible 2001

¹⁹ yuq muinz mungkawx rullungx lvmx nuex rvwvlc tvmaung lvmx, tsak vnyvmx rvnphvnx lvmx nuiyc vganc raungc raq lvmx htenc nyuip wvnc vtueq bomjungc kuex luimc wvnc ningkhvnc nuex vthuey thuey muq.

Muklom

¹⁹ etharin rollung tinthin etho lik aa ngin ma ramtey etho adak tangwang tathin tak eq iritang thaji raa Shkewa raaq khipchak aa etho ning chamtho tingo moq.

Mark 4:19 Referencias Cruzadas

TAKSU LAK 23:4

Chiithe ma jatlo hajaq nguta, rokngoq riingoq naq nii raikiq. Taksu ma jalaq. Chanhea naqphe phiiqkiq.

TAKSU LAK 23:5

Ümkampho ka maklii liipan niili, liihawe kaü biwan tlaq ikha, arakong cham raüta mibiwan.

THARC TVLUINGC 4:8

Maiqse weshi ka apaiq laqlaq seli, Ase maiqwese min ahü. Anung ano min ahü. Kra taü maq dongdii min, apaiq ka naiqhü wasü mintsa shea mintsa, minshiiq wali arilung ka tiisungtlo. Ajaq na tsiiq ümchuli siraü min, hongto she ngumak phan. Kiitinkhan langlang ka ju miitu wa hunnii raitla? Arka atuli. Arka jamlai achu min ahü rilung.

ISAIA 5:2

Apaiq raq hiq ka thuto raüta longpo thun ka dobaiqto; raüta apaiq raq pinthum ahea phan spiq chhito. Raüta apaiq raq sonruk khechang longmaq kongmong chong ashi haito, raüta spiqtsi tiikitchang longtham ashi haito. Raüta apaiq raq spiqtsi kra tiimansea kheto, shatmaq spiqtsi thun ka wiita haidangdang siisaq riito.

ISAIA 5:4

Ngi raq ara spiqro shiikumpan mang jamlai phan no laqthaq kang? Riita ara spiqro raq atsi ka haidangdang jam nguto tsi tla? Ngi raq lungwiitiikang tsihea asum akam ka jam nguto tsikuqmak?

Matthew 13:22

Tsamlai kiimko rang babaiqhü ba na arokti kriika, maiq ümriiti riiwa Shiikeawe bomtsi ka tai raüta kamtsantsii ka thü wantlaq. Shatmaq mangjong han-ngam miitu chapa sang ka cham wan raüta kiimaq tsiiq nai nyam ma ranphan tsantsii sang kra cham raüta, tsangshiq kamtsantsii ka tiijong lap mak kaqbaiq tlo. Kriikha miishe tsangshiq kamasham rilung ka atsi ango min ahü miili she mokitlo.

Matthew 19:23

Kiijiishe Jesuq raq ajaqshisetiim ma chongto, “Ngi raq chongtiikang arka tengteng; chiithe maiqse ma Ramungtan na wawan ka hahea pinthum.

Matthew 3:10

Pechong thun ka arang chong maq ngapsak daq baiq wan miitu mang ka ümchaü arangchong na tiikam shat she. Atsi ango ka ahea tsikuq mak chong thun kriika, achong aweatek wiita adaq she mirbaiq. Raüta walü tum mong niishe michaq baiq wan.

Mark 4:18

Maiq wiijam ka tsamlai shukrükam chong na arok ikha. Arti riika bomtsi ka tai wanto.

Luke 10:41

Kiijiishe, Tatiwe raq apaiq ma treto, “Martha, Martha, ümniika phanrap phanrii tiima laüta, acha apa kiimaq tsaihü jihü sitlaü.

Luke 21:34

“Namshiq ka honkam shat maq si rong laq! Namshiq ka che nyang dungsea peosea na nai mungkang han-ngam miitu chapasea niili ka, naqmo chü rongkiq. Kra Ranaiq raq namshiq ka

John 15:2

Apaiq raq i tsung na, atsi ahühüti i kü i ko thun kriika, angei riibaiqtlo. Kiimaq, atsi asisiti i kü i ko thun kriika, aheawiq maq tiisii chhintsii wantlo. Raüta, atsi ango ka apapa she tiitsi ngo wan miitu, ashun thun kriika, aton riibaiqtlo.

Romans 12:2

Namshiq rilung ka, ara mangjong hiq rilung thangpo mong na thü lanta naq tlo rongkiq. Shatmaq, namshiq tiima tsantsii kra anye tingsang ma tiija wantlii riili chang, Shiikeawe ma tiitiiq rong laq. Kra tiiq kuq wan haü jiitiq, Shiikeawe raq namshiq rilung miitu athuk atsom ahea awa jamlai wa tiihong tha kuq tlaq kra kiimaq apaiq raq jamlai phan wa lungwiitlaq kra, namshiq raq mikhonlot han.

Ephesians 2:2

Kra lea wan lan akhing na, namshiq raq ara mangjong hiq na siti, abi maiqse rilung lam kra phan lanta silan. Krai mren, kiitiikaq, namshiq ka, ara ümchaü pat wa mangjong maiqse, Shiikeawe kiq khiiti ara jamsha wanti we, rawang win na siti abi winji welabi thun thaq na, hokham jati we wokhong na silan.

Ephesians 6:12

Ara jamkhano chongtiikang ngukla, nashiq rekhat ka han-ngam rewebi rai ka riimak. Shatmaq rawang win na Thawe abi winji welabi rai, arang hotibi kiimaq ara ranyaq pat wa mangjong hiq arwa maiqse jamshati abi winjibi rai riikhat tiikai.

Philippians 4:6

Jamphan miitu min naq chapa rongkiq she. Namshiq ma jamlai phan wa raa tlaq, kra Shiikeawe ma, achu jaü maq chong ronglaq. Wranaiqshe, apaiq ma kechutum lanta, achu jaü ronglaq.

1 Timothy 6:17

Juwa mangjong han-ngam rilung na chiithe sitlaq, kriiti ka naq shiikong rongkiq nguta tsii chongkuq laq. Shatmaq, tsangshiq tsan ka, ara athenkai chang phan tsiiq nai nyam thaq niika naq ran rongkiq, nguta chongkuq laq. Shatmaq, nashiq ma arong awin maq siwan miitu, phanrap nashiq ma raa tlaq phan ka phong tsoktsok keti we, Shiikeawe ma kam ronglaq nguta chongkuq laq.

2 Timothy 4:10

Demas ka mangjong rilung lamphan na kihoto she. Apaiq raq ngi ka tiishaü baiq thü raüta kihoto. Raüta, apaiq ka Thesalonia chela na wawanto. Kresens ka Galatia wang na wawanto. Kiimaq Titas ka Dalmatia wang na wawanto.

2 Peter 1:8

Arthun angu tu ara namshiq rilung na asi riichang. Arthun ara namkhum na asho awo maq siraüla, namshiq ka wenyi rilung na, howe minwe siisaq mija han. Namshiq raq Jesuq mangchan ka atsaü maq khon tlan kra wiishe namshiq khum na atsi ango kra dong man wan tlo.

Jude 1:12

Tsangshiq arka namshiq Phungmaiqse rintii riitam nga tlan na, shakaq sükhatam kong. Maiqmii wok triim phaq miituli sitlo. Tsangshiq arka phumlü da, rahai raq rawang win na pan rai tlaq ikhli sitlo. Tsangshiq arka rajun kham ahü, phumlüda tam ikhli. Tsangshiq ka atsi ahü pechong ikhli. Atsicho niimin tsihü li siwan tlaq ikha. Tsangshiq arka, pechong arang chong maq babaiq jeshe ikha, atsai kaikun she.