Mark 3:27 - ASII LAKDAP Bible (BSI)

²⁷ “Kiimaq, srea weshi jamkun wa, ata awii run wa ma jiila, atati we ka kongkhu lap raüta, kharü maq tep khachang miraq. Kra lot jaitiq she, ajamkun wa hupsam thun kra mirun lot.”

Hawa Naga Bible 2001

²⁷ “Hungc vlaungc httax hvlc waz kuex kungkhux khvrc taq muq maq, piq yuimx wawc hup vsvmx kuex uraq muinz lvmz woz lot muq, piq kuex khvrc taq vtueq jix piq hup svmx kuex nyvlc lot shuex.

Muklom

²⁷ “Tarong miqhim sho utang atho hut jin hutmoq angna. Jakho iri miq raa rang khak eq na ethi jio hun uhim wang hut jin hut eq na.

Mark 3:27 Referencias Cruzadas

RAPHA HIQWA LAK 3:15

Kiimaq Ngi raq jechak nyung nai ümnaq liipan na makshu rashe mitrii-riingengha. Apaiq laila nai ümlai ümla liipan na wranaiqshe wesang ralii she misi wan. Apaiq lai ala raq ümkhupo ka mitiibuntiiq. Kiimaq ümniiraq tsangshiq hokphi na mithaü haü.”

ISAIA 27:1

Kra ranaiq akhing na Tatiwe raq nepjasai kaü jonghea kiimaq henghea sihea kra sham raüta khamjong chum na siti prenkaü jonghea, akap atsea, akom alom aphe aphiiq chlaikaü ikha khumtlaq ngamthaiq kaü kra misebaiq.

ISAIA 53:12

Kra ningkhan, Ngi raq apaiq ma shreng jonghea ngachang mikuqha, kra ngachang ka ajong alabi kiimaq ningkun ajong hotibi phong na miraq. Apaiq raq arilung ka khoqriiq shishiiq maq kuqto, raüta abi maiqse kharii kra riisha wan damto. Apaiq raq ngarai maiqse pahea rilung kra la na tsaito, kiimaq tsangshiq mra ka midiikuqlaq nguta achu jaüto.”

ISAIA 61:1

Ajong Thaq Na Ajong Pinthum Tatiwe raq ngi ka apaiq wenyi maq asho awo she rom wanto. Apaiq raq ngi ka atsea raüta tiikito Miitsan maiqse ma tsütsa ahea sokekai, Atsan awok bunlak chamchaoti tiiheakekai, Kharüi mong na siti ma diikuqto she nguta tiitaikai, Kiimaq phaqtek mong na siti dokdakekai tiikito.

Matthew 12:29

“Maiq weshi raq, maiq kuila weshi sitlaq kriika, apaiq jam mong na nyap wa raüta, apaiq ka kongkhu lapho raüta kharü maq khabaiq hü miika, apaiq jamkun mong wa tachong wiira hupsam thun sitlaq kriika jamkho mirunho lot? Apaiq kra kongkhu khabaiq chang miraq. Apaiq khabaiq jai shetiq, ajamkun wa tachong hupsam thun kra mirun wanlot.

John 12:31

Ümchaü arshe, mangjong maiqse khapho akhing ka. Ümchaü akhing ara mangjong hiq rümti we kra tiidea baiq akhing she saü wato.

Romans 16:20

Kra riihan jiila, Shiikeawe, nashiq tarü khusang maq rüm wanti we raq, Thawe ka namshiq jitham takiq na tiibunlak mitiithenbaiq wan. Nashiq Tati Jesuq kaphap ka namshiq rai misilaq.

Colossians 2:15

Kiimaq Khristo raq pumsongkham na apaiq tsaitaq kra akhing na, apaiq khum na thawe winji hokhambi nai winji tuwebi raq arang athü kra thun ümchuwa sitlaq kra, wiita runbaiqto she. Raüta akhum ka tsangshiq kharü wa tiidii wanto she. Raüta apaiq raq thawe winji hokhambi thun kra shumraü kharü maq kha raüta, apaiq raq mungmaiqse man na, rejang wa na shumwi kong chiihong chiiha hitsiq raüta shea wan tlaq ikha hit wanto she.

Hebrews 2:14

Riita, Shiikeawe raq tsangshiq ka asetiim she nguta awura maq tiiham wanto. Tsangshiq ka mangjong maiqse tiijai han-ngam khum na siti siisaq. Kra ningkhan, Jesuq apaiq kiimin tsangshiq jamkho tiijai han-ngam khum na sitlaq, kiikhiisii hali maiqse khum na poki raüta, tsangshiq kiikha shamshi ngamshi siwan damto. Apaiq raq ara maiqse han-ngam khum na pokitaq arka, Thawe raq maiqse angu kra, atsai ningkun kharü maq kha raüta rüm tlaq kiiwa, apaiq tsaitaq kra lümaq Thawe ningkun tu kra, tiibun baiq kai miitu pokito.

1 John 3:8

Jurwa ngarai tang ruq miili sitlaq, kriiti ka Thawe rii. Ara jamkhano chongtiikang ngukla Thawe ka apha miiphü dongdii ngarai tangti we. Shiikeawe Se saükitaq arka, ara chongtiikai Thawe raq ngarai jaqsham miitu mintin ningkun tu rüm tlaq, kra arang chong maq babaiq kai kito.

1 John 4:4

Shatmaq, i setiim lei, namshiq ka Shiikeawe rii she. Kiimaq namshiq raq arot shammibi thun ka tang lanshe. Jamkhano ngukla, namshiq khum na sitlaq Asii Wenyi kriika mangjong hiq na sitlaq winji kra nam ma ajong pinthum.