Mark 2:27 - ASII LAKDAP Bible (BSI)

²⁷ Kra ngu raütiishe, Jesuq raq abom ka akha shatto, “Asii Niitiitsak ranaiq kriika maiqse ma hansang maq siwan miitu atiihong kuq. Maiqse sitlaq kriika Asii Niitiitsak ranaiq miitu ka riimak.

Hawa Naga Bible 2001

²⁷ Kvruex yimaq Yesu rueq, “Vguilc Raungnuiyq kuex miq muex vhvlx lvmx tvkoc tvhungx shec tueq, miqsaz kuex Vguilc Raungnuiyq tvkoc tvdung sung shec tueq rvmuq.

Muklom

²⁷ Etho raaq tathun ma Jesu aa batta, “Sabbath saal raa miqtang rangma hunta; miqtang raa Sabbath saal rangma hun moq angta.

Mark 2:27 Referencias Cruzadas

DUNGWVNC 23:12

“Liipan shi wa ratrok na saüli min ka shiiqlaq. Shatmaq ramiishi ranaiq niika minshiiqkai maimak. Kra rii haütiq ümdise kong kiimaq pong mungti ümjaqshamti kra nai ümnyamse kong raq niitiitsak ahai miraq.

ISAIA 58:13

Tatiwe raq ngutlo, “Namshiq raq Niitiitsak ranaiq ka asii ranaiq dea nguta shreng lantea langwan han jiila, kiimaq kra ranaiq na namshiq maiqmii miitu jaqsham man riihan jiila; kiimaq namshiq raq Ngi ma asii ranaiq kra athu atsin ma tiija hanla, kiimaq wanhiq na kiman maq, jaq shamki man maq, riimakla kra ranaiq hüti hiqli bom man riihanla,

EJEKIEL 20:12

Ngi raq Asii Niitiitsak Ranaiq langwan ka Ngi nai tsangshiq liipan na tongshong raütu miithii kuqkang. Kriika Ngi, Tatiwe riidea tsangshiq ka asii maiqsetiim ma tiijatiikang nguta atiitsang bomtsi.

EJEKIEL 20:20

Asii Niitiitsak Ranaiq ka asii hai ranaiq ma tiija ronglaq. Krai mren, arka nashiq liipan na tongshong wan kai kra miithii ma mija. Kiimaq Ngi ardea namshiq Tatiwe namshiq Shiikeawe nguta tsan na tiitsangshat maq miraq.

Mark 2:28

Riita ara chongtiikang arai mren, Maiq Se ka ara Asii Niitiitsak ranaiq miimin Tati!”

Luke 6:9

Kiijiishe Jesuq raq tsangshiq ma chongto, “Ngi raq namshiq ma bom poshi waipha: Riita, nashiq Thungtri na Asii Niitiitsak ranaiq na jamlai jaqsham chang ngutiiwa chongtla? Akhrumke chang ngutiisha chong tla, sha ashthen baiq chang ngutiiwa chong tla? Maiqse miisaq ka atan riichang ngutiisha chong tla, sha maiqse miisaq ka atiichhun riichang ngutiiwa chong tla?”

John 7:23

Riita, ija, namshiq raq Asii Niitiitsak ranaiq na no ma athohanke ka, Mosheq Thungtri jin ka riimak nguta tiima tlan jiika, ngi raq Asii Niitiitsak ranaiq na, maiq weshi, athatsi chamchao litkot mong wa, tiidoqra tiihea kuq pha ta, namshiq raq ngi ma jam nguto khiqriq rai tlan?

2 Corinthians 4:15

Riita arthun litkot chamchao homa howan tiikai arka, namshiq khum kra tiikhe wan miitu chamchao wan tiikai. Kiimaq ara naishiq niiko wan tiikai krai mren, Shiikeawe kaphap mangchan raq maiq pahea kra tiichhii kuq wan tlo. Kiimaq Shiikeawe ma kechutum kewan kiimin maiq pahea raq mikuq wan. Arthun arka Shiikeawe khushü tiijong wan miituli.

TRI CHONGKE 5:12

“‘Asii Niitiitsak Ranaiq ka langlaq. Kiimaq asii thülaq. Ngi Tatiwe üm Shiikeawe raq aming kuqkang kra phan phan thülaq.

TRI CHONGKE 5:14

Shatmaq ramiishi ranaiq kriika Ngi miitu akiinongkuq niitiitsak ranaiq. Kra ranaiq ju riimin jaqsham kai maimak. Ümniiriimin, ümsetiim riimin, üm disetiim riimin, üm nyamsekong riimin, kiimaq pong mungti nam mung na shongti riimin minshiiq kai maimak. Üm disetiim riimin ümniiraq niitiitsak tlaü kiikha niitiitsak ratlo.

Colossians 2:16

Ara chongtiikang Khristo raq thawe kharü ka adii baiq kun she kha maq, ümchaü sanha, maiq raq namshiq ma arphan arka aphaq asea mimai, arphan arka aphaq asea maimak, apii chang nguta tri raü arun baiq wishe kra thongshiri hali, namshiq ma khakuq tlaq kriika, naq tiikha nong rongkiq. Rahiq jipi kiimin, arka jihea ranaiq, arka jibi ranaiq nguho. Kiimaq Jinye Dong Poi ka alang chang nguho. Asii Niitiitsak ranaiq ka alang chang maa nguho.