Mark 2:25 - ASII LAKDAP Bible (BSI)

²⁵ Kiijiishe Jesuq raq treto, “Dawit ka ranaiqshi aramtsi hea bala akhing na, jamlai wa phaqsiqta, kra namshiq raq jangshi ra min phat man dea sha riilan? Apaiq nai akongtibi ka ramtsi hea, apit riito.

Hawa Naga Bible 2001

²⁵ Yesu rueq tvralc tueq, “Dawid nuiyc piq kungjix hez phuiuz svy juing vguez rvtueq, yvmx lac ruez wuez tvnx lauk shiz laung muinz wvllawc muit doc haz?

Muklom

²⁵ Jesu aa ning ma thawel batta, “Nim aa Asang likwit na phat min ang tin i, David nia miqtang chamlal tita etho ning ma phaksat ràa aa atho, David aa chamlang somlo ta?

Mark 2:25 Referencias Cruzadas

Matthew 19:4

Kiijiishe Jesuq raq treto, “Namshiq raq Asii lakdap na maiqse Tiiq wanti we raq rapha hiqwa miiphü dongdii, maiqse ka jechak nai maiqwe tiihong raüta klo wanto nguta chongtlaq kra phat wan man dea sha riilan?

Matthew 21:16

Kra kha miishe, tsangshiq raq Jesuq ma waito, “Riita, ümniiraq ara tsangshiq raq jamlai wa gisii trang rai wantaq arka tai tlaü khata?” Kiijiishe Jesuq raq, “O, arka ngi riimin la taishat na!” nguta tsangshiq bom ka treto. “Riita, namshiq raq asii lakdap na, ‘Ümniiraq nosere nai noshiisetiim ma pinthum athuk atsom tiitsam kam bomtsi ka shrinkuq laü!’ nguta chongtlaq kriika namshiq raq phat man dea sha riilan?” nguta tsangshiq ma waito.

Matthew 21:42

Kiijiishe Jesuq raq tsangshiq ma waito, “Riita namshiq raq Asii lakdap na akha chong tlaq arka phat man dea sha? ‘Longkaü ashi jamhaiti raq abi nguta ashthoq baiq wan ka, tarü thaq na pinthum akhek longkaü ma jakito. Riita arka Shiikeawe raq atiihong thü ahata; pinthum awang chang ashi!’

Matthew 22:31

Kiimaq maiqse ka ama wa dong wan lam ka Shiikeawe raq namshiq ma jamlai wa chongtlaq kra jangshi min phat man sha riilan? Apaiq raq chongto,

Matthew 4:2

Jesuq ka raroqblai, ranaiq rawa amang miili siwanto. Kriikha maq apaiq ka ramtsihea riito.

Mark 12:20

Riita man na, maiq tashi asi riito. Tsangshiq ka siphu wemiishi riito. Chhikhu we raq achak ka lamto. Shatmaq, laihü miili apaiq ka tsaikito.

Mark 12:26

Riita, maiqse ka ama wa tiidong wan lam bomtsi chongtlaq kra rii we ka, Mosheq raq awaiq thü lakdap na, sangphii rü ka wa na alü rai nguta chongtlaq lakjaq ba kra, namshiq raq phat man sha riitlan? Phat tlan. Kiijaq Shiikeawe raq Mosheq ma, ‘Ngi ka Abraham Shiikeawe, Isak Shiikeawe kiimaq Jakob Shiikeawe,’ nguta chongtlo.

Mark 2:24

Kra chhi raüta, Phorisinok raq Jesuq nangnga, “Liilaq, ümsengi raq nashiq Thungtri ka jin wan tlo. Asii Niitiitsak ranaiq niika, akha jaqsham wan ka maimak!” nguta bomto.

Mark 2:26

Kriikha maq, apaiq ka Shiikeawe jam mong na nyap wa raüta, Shiikeawe ma alu na akuq winsii kra jaüphaqto. Kra akhing na Abiathar ka Ramwe Jong pinthum jaqsham wanti riito. Nashiq Thungtri maq, kra winsii ka ramwebi raq phaqsea chang li. Ahinti raq phaqsea ka maimak. Shatmaq, Dawit raq phaqto. Kiimaq akongtibi miimin kuqto.”

Luke 10:26

Kiijiishe, Jesuq raq treto, “Asii bomtsi na jamlai wa chongtla? Kra ümniiraq jamkho tak tlaü?”