Mark 2:20 - ASII LAKDAP Bible (BSI)

²⁰ Shatmaq, akhing ashi misaü wan, tsangshiq phong wa maiqlamti we ka, ahin niishe mishea wan. Kiijiishe, tsangshiq ka amang maq siraüta achu jaü chang miraq.

Hawa Naga Bible 2001

²⁰ Yuq muinz waz nyalx waz kuex tsuinghez rulc rv-phvlc wvnc tuex raungnuiyq kvkaq jix tsuinghez rueq phuiuz svy mamc wuez shuex.

Muklom

²⁰ Etharin thariktey wa sha ning jam wang sol chuwan saal uthok angna, ethi rangham tho ning wokcham tong na.”

Mark 2:20 Referencias Cruzadas

Tvtsvmc 45:11

Ümshamhea ka chhi raüta hokhamwe raq milungwii; apaiq ka ümtatiwe, krai mren apaiq wokhong na silaq.

ASHICHONG 3:11

Jajon sheare lei, dong rong laq. Hokham Solomon ka liirong laq. Anyung raq atiiphop khuphop phop raü watlo. Apaiq junlam rohun miirii, apaiq ma khoqriiq shishiiq ranaiq.

ISAIA 54:5

Üm Phansangtiwe ka ümwese ikhiishe miraq- Tati Ajong Pinthum kata apaiq mang. Asii Israilnok Shiikeawe raq ümniika michhiikuq- apaiq kata mangjong tlotli riimtiwe.

ISAIA 62:5

Jerowe raq junsangse ka atanyung ma lam wantlaq ikha, Ümnaq phansangti raq ümniika achak ma milam wan. Alam wantiwe raq junrii nyung ma chochitlaq ikha, Üm Shiikeawe ka ümniima michochi.

JEKERIA 13:7

Tati Ningkun Ajong Pinthumwe raq ngutlo, “O jasai lei, tiidolaq, Laüta isku rümtiwe ka riithit se laq! Apaiq ka tsatbaiq laq, skukong ka mipinholaq. Ngi raq isenginok mikhat ha.

Matthew 26:31

Tsangshiq ka Olip Pero Hiqlam kiiniishe saüwa raüta, Jesuq raq tsangshiq ma chongto, “Athi rawa li namshiq tarü raq ngi ka tiishaü baiqthü lanta pongpin riipin mipin han. Ara jamkhano chongtiikang ngukla, Asii bomtsi na, ‘Shiikeawe raq sku rümti we ka mitsat. Kiimaq skuse kong ka wiita mitiipin baiq,’ nguta chongtlo.

Matthew 9:15

Kiijiishe Jesuq raq treto, “Kherüsea poi lomdamti wanwe ka songtsi ramtsi miili siwan chang ngutiisha tiima tlan? Riimak! Tsangshiq ka junlamti we rai polokhiq maq phaqsea wan chang. Shatmaq ranaiq shi akhing she tsangshiq phong wa junlamti we ka ahin niishe mishea wan. Kra akhing niishe ka tsangshiq min amang maq achu jaü chang she miraq.”

Mark 2:19

Kiijiishe Jesuq raq treto, “Maiqlam poi lomdamti, wanwe ka ram ma tiihaü raütli tiiwa chang ngutiika thung asi sha? Ahü! Rohunti we ka tsangshiq rai ngashat wiiwii, ramtsi miika tiitsai mak.

Mark 2:21

“Kiimahali, jurmin khea nye phu maq, samtong chü pu kriika tiidiim chhang mak. Kheanye phu atiidiim chhang kriika achon mirki. Raüta, samtong chüti pu kra khoti mitiijong chairat.

Luke 17:22

Kra ngu raütiishe apaiq raq ajaqshisetiim ma, bom ka akha chongkuqto, “Akhing misaü wan, namshiq raq Maiq Se khushü ngao, achhai anyii liliim wahea la kra liisea ro nguta, namshiq ka mitsin ngin wan han. Shatmaq, namshiq raq chhilu man mirhan.

Luke 5:35

Shatmaq, akhing ashi she misaü wan, junlamti we kriika, tsangshiq phong wa, ahin niishe mishea wan. Kra akhing niishetiq, tsangshiq ka amang maq siraüta, achu jaü chang she miraq.”

John 12:8

Shatmaq, miitsan miijan maiqsetiim ka namshiq rai rilung pattup siruq li. Shatmaq, ngi ka namshiq rai adam na siruq ka simang she.”

John 13:33

I setiim lei, ngi ka namshiq rai alu ka simang she. Namshiq raq ngi mirit han. Ngi raq Jehudinok welabi ma jamkho chongkuq kang kiikha, ümchaü namshiq miimin ara bomtsi ara chongkuq tiipha ara, ‘Ngi ümbano wawan tiikang, kiijiika namshiq ka wawan lot man mirhan.’

John 16:28

Ngi ka i We pha wa akiha. Kiimaq, ara mangjong hiq na kikang. Kiimaq, ümchaü ka, ngi raq ara mangjong hiq ara baiqthü lata, i We phana wawan nong she.”

John 16:7

Shatmaq, ngi raq ara bomtsi chongtiikang arka tengteng: Ngi arwa wawan tiikang arka, namshiq ma ahea tingkhu wawan tiikang. Ara jamkhano chongtiikang ngukla, ngi ka wawan mang ngu raü jiika, Khrumketi we ka namshiq phana saüki mak miraq. Shatmaq, ngi wawan ha jiika, ngi raq apaiq ka namshiq phaniishe mitiikiha.

John 17:11

Riita, ümchaü ka ngi ümphana wawan she. Ngi ka mangjong hiq na simang she. Shatmaq, tsangshiq ka mangjong hiq niili. Asii i We lei! Tsangshiq ka ümmang jong ningkun, ngi ma kuqlaü kriimaq khup wong kuqshat riilaq. Krai mren, nanai jamkho kiqshi maq sitiikai, kiikhiisii tsangshiq min kiqshi tsiimshi maq mishong nga laq.

John 17:13

Riita, ümchaü ka ngi ümphana wawan nong she. Kiimaq, arthun chongkuq tiikang arka, tsangshiq ka tsan na chochi asho-awo maq misi laq nguta ngo maq chongkuq tiikang.

John 3:29

Junwati nyung kriika, junlamti we rii. Shatmaq, kherü lam sheati kiimwe sitlaq kriika, rohunti we kra chochi kra chhi raütli, apaiq kiimin kai chochi dam tlo. Ikiikhiisii hali, ngi armin la, kai chochi dam tiikang.

Acts 1:9

Apaiq raq ara bom chongke lot ri li she, tsangshiq maklii rashra niili, apaiq ka ramungtan na shea wanto. Kiimaq ra wa phumda ashi raq, apaiq ka pang wan saqli pang wanto.

Acts 14:23

Tsangshiq raq phungtutek na, ashun asheati maiqlare thun kra shong thüto. Kiimaq amang maq achu jaü raüta, tsangshiq ka tsangshiq raq kamwantlaq Tatiwe jaq khong na kiinong kuqto.

Acts 3:21

Shiikeawe raq awokhong na siti asii shammibi nübok maq, man na rathup rapha richü pat na, riisham bom tiichongtaq kra phanphan, Jesuq ka ramungtan na siruqli she misi wan. Apaiq ka Shiikeawe raq, ara phanrap ra nai hiq sitlaq ara, tingsang anye ma tiija wan rahiq akhing saü tlaq kiijaq saüli, ramungtan niili she mitiisi.

1 Corinthians 7:5

Ashi raq ashi ma naq khun nü rongkiq. O, kiimaq namshiq sinyung siwe liipan na adam maq kiqri lanta, jaqlo miitu achu jaü ma nguta heashi liipan trai rii kla jam min bimak. Shatmaq tiina kra akhing kra lea jai she ka, ata jamkha sichang wa, kiikha singa i ronglaq. Akha singa han jiila, namshiq ka Thawe raq bi tsan tlaq kiiwa tiichhii shat mirhan. Arka namshiq liipan na maiqmii stiq skhaq alu silot man riitlan kra ningkhan ngutiikang.

2 Corinthians 11:2

Shiikeawe raq namshiq ka jamkho lungwii tlaq, kiikha ngi riimin namshiq ka lungwii tiikang. Namshiq ka ngi raq Jesuq Khristo ma tiiwa ma nguta, junrii wahüse ikha, weshi Jesuq Khristo rii li she nguta shiikap kang. Namshiq ka norii ahinti rai riibom kai ka maimak she. Junwa ranaiq na saüli, asii maq sirong laq.

2 Corinthians 11:27

Jaqsham kaiwa ümtinkhan wa, hunnii wankang. Ümtinkhan wa, rawa konhü maq sham wan kang. Khamnyang wiikii tsi maq ümtinkhan wa lea wan kang. Ngi ümtinkhan wa, amang ale miili, khuhü kheahü miili lea wan kang.

2 Corinthians 6:5

Naishiq raq maiqmo pahea howan kai; phaqtek mong na shaq wanto; kiimaq nokwe raq longliiq wanto; naishiq achan ana jaqsham nü wan kai; rawa konhü maq, amang ale maq pahea lea wankai.

Revelation 19:7

Nashiq tarü raq kai khoqriiq shishiiq maq chochi rong i! Apaiq jonglu kli tiitsam rong i! Jamkhano ngukla, Skuse maiqlam Poi akhing ka saü wato she. Junrii nyung ka khungron poi miitu tiijeje she.

Revelation 21:9

Rasetiim miishi atiithum thawa miishi rümti phong wa ashi ka i phana kito. Raüta ngi heato, “Wara, ngi raq ümniima Skuse raq lamchang junrii Nyung ka tiichhi kuq pha.”