Mark 15:19 - ASII LAKDAP Bible (BSI)

¹⁹ Raütiishe, tsangshiq raq akhupo na pekü maq, riisong riili she buksiqto. Kiimaq adü na tho ariiq maq phong tsoktsok she, thosiqto. Kiimaq tsangshiq ka lakü na ngahihi raüta, apaiq ka noqsiqto.

Hawa Naga Bible 2001

¹⁹ Tsuingshiq rueq vpiq khux nuex lak phuic kawx maq wung vtueq vpiq kuex htoz maq htoz ruiux, kuix tsvrung bumx wuez vtueq nawk wuez tueq.

Muklom

¹⁹ Etho iri jio, ashey ajan langphung kantha som eq ukho o wat ta, piq tha thukta, etho ning ni ning langku o tong eq piq jakho o haq náng bonta.

Mark 15:19 Referencias Cruzadas

RAPHA HIQWA LAK 24:52

Riita Abraham jaqshise raq ara bomtre ka tai raütiishe, apaiq ka hiq nü na bum raüta Tatiwe ka shomnoqto.

RAPHA HIQWA LAK 43:28

Tsangshiq raq treto, “Ümjaqshise, naiwe ka ümchaü min asi kiimaq ahea hansang.” Raüta tsangshiq ka apaiq khaki na hiq na bum rang raüta noqto.

1 HOKHVMX 19:18

Artaü maq dongdii min, Ngi raq Israil mung na Ngi shomnoqti maiq ka hingmiishe atra sishat li mithüha. Tsangshiq raq Ngi ka tsapkapkap maq shomnoq wantlo. Kiimaq tsangshiq raq Baal phra ka shomnoq mak. Kiimaq Baal samla ka tsangshiq raq nü maq shupki mak.”

YOBA 13:9

Shiikeawe raq namshiq ka aje maq konchon sidi raü jaq, apaiq raq namshiq khum na phanshi ra ahea mihum shea? Namshiq raq maiqse laolii tlan kiikha Shiikeawe ka milaolot han shea?

Tvtsvmc 69:12

Tsangshiq raq ngi ka chiiheawea na riichongsiqto, kiimaq chechok tsampiiti raq imang chong raüta ashi ange maq tiihap hongto.

ISAIA 45:23

Ikiq kham ka tengteng, kriika klai mak phan. Ngi raq iramkok sham lata sinkham tiikang; Maiqse loweatek ngi phana miwa raüta ikhaki na kaütsrong na mibum, raüta iwokhong na misiha nguta sin mikham.

ISAIA 49:7

Israilnok asii Shiikeawe kiimaq chhiitiwe raq ngutlo maiq raq saisitliiqwe kiima, maiq mung thun raq ngengtlaqwe kiima, kiimaq mung pengtibi jaqshise kiima: “Hokhambi raq ümniika phaqtek mong wa tiidongbaiq wan kra michhi; kiimaq tsangshiq ka tiidorang raüta ümniima shreng manto mitiichhi; hokhamsetiim maiqwe sere riimin kra michhi wan; kiimaq tsangshiq ka ümjichong na bum raüta minoqpi wan.” Arthun ara mihongtha wan jamkhano ngukla Tatiwe raq ajaqshi se ka tsea wanto; asii Israilnok Shiikeawe raq apaiq kiqkham ka riikhaqli tiihongtlo.

ISAIA 50:6

Ngi raq itseati ma iraikhü chungkuqkang, Ngi raq tsangshiq ka tiiwin mang, tsangshiq raq ngi shummiito, tsangshiq raq inübin phaibaiqto, kiimaq itheaphi na tho maq thoto.

ISAIA 52:14

Maiqse pahea raq apaiq ka chhi raüta akiinyii rai riito; apaiq sham ka wiita athenkai wishe riito, asham ari ka maiqse sham ikha riimak she riito.

Mikha 5:1

O Jerusalem chelati lei, srea nolabi riichom ronglaq! Nashiq ha miqkai she! Chela trotam maq re raq kam wanto she. Tsangshiq raq Israilnok welawe khat wanto!

Matthew 27:30

Kra raütiishe hali, tsangshiq raq apaiq theaphi na, tho ariiq maq phong tsoktsok she thosiqto. Raüta, ajaq wa nyeakii kra nyea raütiishe akhupo kiijaq hot-hot she hali bukto.

Mark 10:34

Tsangshiq raq apaiq ka mihaihii. Adü na tho maq mitho. Jinponyam chongwai maq mitsat. Raüta apaiq ka atsea mirbaiq. Shatmaq, ranaiqtsam jai maq, apaiq ka ama wa adong mirwan nong.”

Mark 14:65

Raütiishe, tsangshiq phong wa maiq wiijamti raq, Jesuq ka tho ariiq maq phong tsoktsok she thosiq wanto. Kiimaq amak ka khea maq jobto. Raüta, jaqtham maq thaüto. Raüta, “Ümnaq jaqtham maq thaüti ka juwa, chong liita!” nguta slailii siqto. Kiimaq hokranok raq, apaiq ka hitho raüta, atheaphi na siiqsiiq tsatto.

Mark 15:18

Raütiishe, tsangshiq raq apaiq ka, “Jehudinok Hokham we le, rilung alu maq silaq!” ngutiishe, slaislii, shummii shaq shaq miishe, apaiq ka noqsiqto.

Mark 15:20

Tsangshiq raq apaiq ka akha slailiisiq lot raütiishe, apaiq dü na atiisam, kheashii samtong jong kaü kra, achhut she riibaiqto. Raüta, apaiq khea kriishe hali tiisam kuq nongto. Raütiishe, tsangshiq raq apaiq ka pumsongkham na tübaiq kai miitu she, chela phai niishe sheahoto.

Mark 9:12

Apaiq raq treto, “Tengto. Elija ka sinkhu na phanrap tiijemeho kitlo. Shatmaq, Asii Bomtsi na Maiq Se ka pinthum mitiichamchao. Raüta maiqse raq apaiq ka ashleq mirbaiq ngutiika jaram wa ngu tla?

Luke 22:63

Kiijiishe Jesuq kheti hokranok raq, apaiq ka haihiito. Kiimaq tsatto.

Luke 23:11

Herod raq apaiq phenlanok rai adam maq, Jesuq ka pinthum haihii siqto. Kiimaq, tsangshiq tarü raq thophi riiqphi saisito. Raütiishe, apaiq raq tsangshiq ma, apaiq dü na bannin kheathum ajong hokhambi raq samchang ashi kriishe tiisam kuq ronglaq nguta thaüto. Kra lot jai she, Herod raq Jesuq ka Pilat rung niishe hali tiisheaho nongto.

Luke 23:36

Phenlanok riimin, apaiq ka haihiito. Tsangshiq ka apaiq tho na ki raüta, thiinin phan spiqtai kra apaiq ma kuqto.

Romans 11:4

Riita, Shiikeawe raq kra bomtsi ka jamkho treta? Shiikeawe raq bomtsi ka akha treto, “Ngi raq i sengi ngi rii, maiq hingmiishi pong na rairii lata, thü wan kang she. Tsangshiq raq, arot phra Baal ka shomnoq wan mak dea,” nguta treto chhi tiikai.

Philippians 2:10

Arkha miitiina, ramungtan na siti, mangjong hiq na siti, kiimaq wulum mung na siti wiitarü raq, apaiq dea ajong pinthum nguta, kaütsrong na bum raüta minoq wan laq.

Hebrews 13:13

Riita, arkha maq, ümchaü sanha, nashiq min apaiq pha na chii phai na kilaita, apaiq raq maiq thoda howan raüta tsaitaq kra, nashiq riimin riisha howan dam rong i na.