Mark 15:14 - ASII LAKDAP Bible (BSI)

¹⁴ Kiijiishe hali, “Riita, apaiq raq jamlai phan mat akha wa tangta?” nguta Pilat raq mungmaiqse ma bom ka wainongto. Shatmaq, tsangshiq ka, “Apaiq ka pumsongkham na tübaiq laq!” nguta khoti jagi wan wan she gitrangto.

Hawa Naga Bible 2001

¹⁴ Yuq muinz Pilat rueq, “Vpiq rueq honc bac mvrax yvmx lac shuimx gay tvnx?” ngoz tueq wiz tueq. Tsuingshiq kuex hungc maq guyc vtueq, “Yauk juinc bulx nuex but thvt gay shuiuz!” ngoz tueq ramc wuez tueq.

Muklom

¹⁴ Pilate aa pitta, “Etharin piq aa chamlang thaja ta?” Ning ethiwang eq tho jajong wang ring eq batta, “Bólq o botchak u!”

Mark 15:14 Referencias Cruzadas

Tvtsvmc 69:4

Ngi ka khahü na ngengtibi ka ikhubin thaq niimin pahea wealot mang. Ijaqtinok raq ikhu thaq na arot bom pahea chongtlo; tsangshiq ka ahong alakong kiimaq ngi tseabaiq tantlo. Ngi raq hukmang kiimin huklaü nguta tsangshiq raq ngi ma tiithamtlo.

ISAIA 53:3

Nashiq raq apaiq ka shummii wan kai; kiimaq apaiq ka tiishaübaiqkai; apaiq raq riitsitsaitsiiq chamchao homa ninwanto. Maiqse raq jurmin apaiq theaphi na liikham mak riito, nashiq raq apaiq ka hiqtili sinchiitsap ikhli shipoq wan kai.

ISAIA 53:9

Apaiq maa ka maakho na abi maiqsetiim rai thüdamto, apaiq maa ka chiithe maiqse rai lap damto, apaiq riika jangshi dongdii min ashut klo mak dea, riimakla jangshi ra min arot chong mak riito.”

Matthew 27:19

Pilat ka Rung na khapho ngashat liipan na, tsang-nyung raq apaiq ma bom poshi, “Apaiq ka chiisan maiqse. Jam shutmak we. Ümniika kiq naq shut kiq liijo. Apaiq ara tingkhu na ngi ümwa rawa minru rawa ma maq pinthum chamchao kang,” nguta bom ka tiichong kito.

Matthew 27:4

Apaiq ka tsangshiq phana kiraüta, “Ngi raq chiisan maiqse ashi tiitsea baiq ngarai tang kang!” nguta chongto. Kiijiishe, “Kriika naishiq ma chong wa chang sha? Kriika ümniiraq khata!” nguta tsangshiq raq apaiq bom ka treto.

Matthew 27:54

Kiijaq Jesuq kheti phenlabi siihiipwe nai asengi phenlabi raq, kra hiqjong muraitaq nai phanrap awang chang mra pin wantaq thun kra chhi raütiishe, tsangshiq ka pinthum phiipraq tsaito. Raüta, “Apaiq arka Shiikeawe Se dea riito!” nguta tsangshiq liipan na riibomto.

Mark 15:13

Kiijiishe tsangshiq ka agilülü, “Apaiq ka pumsongkham na tübaiq laq!” nguta hali hengsiqo.

Mark 15:15

Kra chhi raütiishe, Pilat raq mungmaiqse tsan ka tiiheake ma nguta, Barabas ka tsangshiq miishe tiidong kuqto. Raüta, Jesuq ka phenlanok ma chunpo-nyam chongwai miishe, bunlak buncha tiitsatto. Raütiishetiq, pumsongkham na tübaiq kai miitu aming kuqto.

Luke 23:21

Shatmaq, tsangshiq raq apaiq bom ka tiipatsaq hali, “Apaiq ka pumsongkham na tübaiq ronglaq! Tübaiq ronglaq!” nguta gitrang wan nongto.

Luke 23:4

Kiijiishe, Pilat raq ramwe jongbi nai mungmaiqse thungtlaq kiima, “Ngi raq arwe dü na apaiq tsaili chang kha ahü, jam min chhi mang,” nguta chongkuqto.

Luke 23:41

Nanai raq ho tiikai arka, riikhaqli ho tiikai. Nanai chamchao tiikai arka, nanai raq jamlai kha wa tang kai, kra mat hotiikai. Shatmaq, apaiq riika, jam min shutphit mak dea,” nguta arewe ka sonto.

Luke 23:47

Phentuwe raq arthun ara chhito. Kiimaq apaiq raq, “Ngohea dea, apaiq arka kechu maiqse dea,” nguta Shiikeawe ka tiitsamto.

John 18:38

Kiijiishe, “Riita, ikhiijiika, tengteng bomtsi ka jamlai wa?” ngutiishe hali Pilat raq Jesuq ma wai nongto. Kra ngu raütiishe, Pilat ka rintsii na hali kiho nongto. Raüta, mungmaiqse thungrai tlaq kriima hali bom ka akha chongkuqki nongto, “Ngi raq arwe dü na, apaiq tiishut chang kha jam min ahü chhi mang.

John 19:6

Kiijiishe, ramwe jongbi nai Shomjam kheti petanok raq, Jesuq ka chhi raüta, “Pumsongkham na tübaiq ronglaq! Pumsongkham na tübaiq ronglaq!” ngutiishe gitrang wanto. Kiijiishe, “Namshiq jaq maq sheaho ronglaq, lanta pumsongkham na tübaiq ki rongkiq. Ngi riiha, apaiq tiishut chang kha apaiq dü na ahü, jam min chhi mang,” nguta Pilat raq tsangshiq bom ka tre nongto.

Acts 13:28

Kiimaq tsangshiq raq apaiq lang tiipit li chang kha ka, apaiq dü na chhi mak li jiimin, apaiq ka tsea baiq wan raa dongdii nguta Pilat ma shiichut raüta, tiitsat baiqto.

Acts 19:34

Shatmaq, mungmaiqse raq apaiq ka Jehudinok phan nguta sap raütiishe, tsangshiq tarü raq bomtsi ka poshi kli, “Ephisia wa Artemis phra nyung kiidea ajong!” nguta nari nai tingkhit she gitrangto.

Hebrews 7:26

Riita, arningkhan, Jesuq ka nashiq miitu, Ramwe Ajong Pinthum we miishe thüto. Kiimaq, nashiq ma jamlai phan wa raa tlaq kra, apaiq raq wiita liikuq tlo. Apaiq ka Shiikeawe tiichochiti we. Apaiq khum na ashut aphit nguta jam min ahü, siirairai. Kiimaq, akhum na jamlai ngarai min ahü. Shiikeawe raq apaiq ka ngarai maiqse phong mong wa, pong na raithü wanto. Raüta ratsan ramong nyang na, tsaühea niishe tiinga wanto.

1 Peter 1:19

Kra ri chang ka athii tsinhea, Jesuq Khristo ka skuse ashi, akhum na jamlai phan kojo min ahü, siirairai rilung khum ka honglu na takuqtaq kra lümaq ari wan.