Mark 14:72 - ASII LAKDAP Bible (BSI)

⁷² Kra riibom rai tlaq bala liipan niili she, wu ka jangnai she wa nongto. Kiimaq, “Wu jangnai miwa shaq niili, ümniiraq ngi ka juwa, sapmang nguta jangtsam mitiishaü baiq haü,” nguta Jesuq raq Petar apaiq ma achong kuq bomtsi kriishe, atsan na tiidosaq she tiidoto. Krai mren apaiq ka ahosi ninlot mak she kha maq aho riito.

Hawa Naga Bible 2001

⁷² Kvruex kaq wuz lauk nueyc wvrc tueq, kvkaq jix Peter kuex, “Wuz lauk nueyc max wvrc nuex mnoz rueq ngaz lauk thuimx duimx gay phux,” ngoz tueq Yesu rueq piq muex jungx tueq kvjaz kuex rvwvl lvp vtueq vkhoarc rvtueq.

Muklom

⁷² Khakla ashey wo jukni sey wey walta, etho Peter aa Jesu raaq tasik ta, “Wo takni wal jakho nang aa nga raa sam pha mong ta taktom bat nu.” Etho piq tin tha tashit eq rapney qhapta.

Mark 14:72 Referencias Cruzadas

2 SAMUEL 24:10

Shatmaq Dawit raq maiqwea jaqsham kra lot jai she, atsan na kra jaqsham ka ashut klo kang nguta tsihea she tiido wanto. Kra ningkhan apaiq raq Tatiwe ma akha nguto, “Ngi raq ara ashut pinthum ngarai tang kang! Ingarai ka mangchan laüta diikuq laq! I mra diikuqlaq. Ngi raq angi nola jaqsham kang.”

EJEKIEL 16:63

Ngi raq ümshut ümphit thun ümchuwa klo wan laü kra kunkun midiibaiqha. Shatmaq ümniiraq kriithun ümtsan mong na mitiitsang haü. Kiimaq ümnü maq bom poshi dongdii min dolot maü pinthum mijeasi haü.” Arka Tati Rakaü Hiqwe raq toqtanto.

EJEKIEL 36:31

Namshiq raq ümtinkhan wa abi rong arai rüm wan lan kra tsan na mitiitsang han kiimaq ajiq ümtinwa klo wan lan kra tsan na mitiitsang han. Lanta namshiq maiqmii raq ümtinkhan wa ngarai tang wan lan kiimaq ashut klo wan lan thun kra tum lanta, maiqmii nai maiqmii riili she agoq apaiq misaisi han.

EJEKIEL 7:16

Maiq wiijamti ka jükhü hiq wiibok wa maiq raq haütaü kong tiihang raüjaq pin wantlaq ikha pum thun kiina tsang chiim jin mipin trang. Tsangshiq wiita raq maiqmii ngarai miitu maaho manyi, ahan anyi miraq.

Matthew 26:34

Kiijiishe, Jesuq raq, “Ngi raq chongtiikang arka tengteng. Athi rawa wu miwa shaq liipan niili, ümniiraq ngi ka juwa sapmang nguta, jangtsam mitiishaü haü,” nguta Petar ma chongto.

Mark 14:30

Kiijiishe Jesuq raq Petar ma chongto, “Ngi chongpha. Athi rawa wu jangnai miwa shaq liipan niili, ümniiraq ngi ka juwa sapmang nguta jangtsam mitiishaü baiq haü.”

Mark 14:68

Shatmaq, Petar raq, “Ngi ka jam min sapmang, ümniiraq ngutlaü ka, ngi raq akhiismin sap mang,” nguta apaiq bom ka treto. Raüta, apaiq ka jam ruk phai lam nü kiiniishe tiisot kihoto. Apaiq raq kra ngori li she wu ka wato.

Mark 14:71

Kiijiishe, “Ngi raq atiitum lata chongtiikang. Ngi raq chongtiikang arka tengteng! Ngi raq arot chongtiikang jiika, Shiikeawe riitiq mishin! Namshiq raq chongtlan we kriika juwa, ngi raq asap min mang!” nguta Petar raq tsangshiq bom ka khü nongto.

Luke 22:60

Shatmaq, Petar raq hali, “Maiqwe, ümniiraq jamlai wa ngurat tlaü ka, ngi raq akhiismin sapmang!” nguta akiq ka khiito. Kiijiishe, apaiq ka abom rai liipan niili, tiihang hiiq miili, wuwa riigoli she wato.

Luke 22:62

Kiijiishe, Petar ka jam rukphai na kiho raüta pinthum hoq siqto.

2 Corinthians 7:10

Ara jamkhano chongtiikang ngukla, namshiq tsanbi ka, Shiikeawe raq namshiq tsantsii klai wan lam nü niishe wiiqkuqto. Kra klai tsantsii lümiishe, namshiq raq tiichhii wan rilung ka lap wan lan. Riita kra jiika jam tiishudaq wan chang min ahü! Shatmaq, han-ngam tsantsii lamlam maq tsanbi tlaq kra riika, namshiq atiitsai mirwan.