Mark 14:5 - ASII LAKDAP Bible (BSI)

⁵ Arka kampho kamsii shitsam thaq na apa pha sha chang wa. Raüta, kra kampho maq miitsan maiqse kra khrum kewan chang wa!” nguta bot trangto. Kiimaq tsangshiq raq kra nyung ka sonto.

Hawa Naga Bible 2001

⁵ Kvruex kuex kuimphox sawx 300 nuex shaung vtueq htemc vrvmc jix muex phvlx kuq ruiux kuex vhvlx ruec juing!” ngoz tueq thuirx tvruingx wuez tueq. Yalxjuik nyuiuz muinz tsuinghez rueq vsvlc rvtueq.

Muklom

⁵ Iri atim angam raa akum sey akum shatom hun acha nginti sang eq tangshit miq tangma jin nong eq wang ta!” Etho piq ma rapney khatta.

Mark 14:5 Referencias Cruzadas

Tvtsvmc 106:25

Tsangshiq tombutiip na sito raüta abot atsaü riito kiimaq Tati bomchong taimak riito.

Matthew 18:28

“Kra jai maq apaiq ka hokham we jam maq wawanto. Raüta, hokham we sengi, apaiq kongtibi phong kiiwa maiq rai riihumto. Kriiwe raq apaiq ma kampho hingnai kechang thiitham asi riito. Apaiq ka arewe rai she riihum raüta sanha, apaiq raq arewe ka atokkun maq lapho tlii raüta, hiq na tiithaü hihi miishe, ‘I thiitham ira kuqlaq!’ nguta arewe ka wathiq se maq asitin she shiitep wanto.

Matthew 20:11

Tsangshiq raq wakchongti we jaq wa tsangshiq jaq maq kra jaülot raütiishe, waktati we kra chongsea she, akha ngutiishe botnyan trangto.

Matthew 26:9

Arka kampho pahea pha sha raüta miitsan maiqse khrum kewan chang shatmaq!”

Mark 14:4

Maiq wiijamti raq kra chhi raüta akhiq riito. Kiimaq tsangshiq liipan na, “Atinkhan miinu atsin phan tsai arka, phiqtiiwii jaram tiiwiihii baiq wa?

Mark 14:6

Kiijiishe, Jesuq raq tsangshiq bom ka akha treto, “Namshiq raq apaiq ka jaram wa tiibanbi tlan! Apaiq raq ngi miitu pinthum maiq- lung ngamwii kiimaq athuk atsom pinthum jaqsham ashi shamkuqto.

Luke 15:2

Kra chhi raüta, Phorisinok nai Thungtri shrinketibi raq, “Arwe raq ashleq arbaiq maiq thun ka taotlo! Kiimaq tsangshiq rai phaqshi seashi hai nga dam tlo!” nguta bot nyan trangto.

John 13:29

Ajaqshisetiim phong wa maiq wiijamti raq tiima ka, Judas ka kampho khiiq witi we kha maq, Jesuq raq Poi na lang chang hup asam rikai nang chong tlo sham ngutli tiimato. Riimak la, miitsan miijan maiqse ma phanshi ra khrum kuq laq nguta thaütlo sham ngutli tiimato.

John 6:43

Kiijiishe, Jesuq raq treto, “Hongto. Namshiq liipan niika naq bot nyan trang rongkiq.

John 6:7

Kiijiishe, “Maiqphong achu armiika kamsii shinai maq winsii ri raüta pheakuq raü min, nü chhuq min kham mak khata miraq,” nguta Philip raq treto.

1 Corinthians 10:10

Tsangshiq phong wa maiq wiijamti raq abot atsaü riiwanto. Kiikha hali nashiq riimin abot atsaü ka raa mak. Tsangshiq bot tsaü wantaqti thun ka Maiqtseati Rase raq jiip baiqto.

Ephesians 4:28

Juwa man na, ahuk ja lanta silan, Kriiti riimin, ümchaü sanha, ahuk naqja rongkiq she. Jaqsham shiichaq lantli she, maiqmii wok ka tiipao ronglaq. Lanta, thümsaü litseti kiimin khrum kuq ronglaq.

TRI CHONGKE 1:27

Namshiq liipan na weshi raq weshi ma akha bottrang lan: ‘Tatiwe raq nashiq ka angeng riitlo. Apaiq raq nashiq ka Ejip mung wa tsuq wan raüta ara Amoraiqnok jaqkhon mong na kebaiq dantlo. Kra riihaüla ara Amoraiqnok raq nashiq ka mijiipbaiq.

Philippians 2:14

Arkha maq ümchaü sanha, phanrap jaqsham kaiwa ümchuwa sham tlan, jaqsham lam maq, naq bot tsaü rongkiq. Kiimaq jaqsham lam maq naq riikhii riilea rongkiq she.

Jude 1:16

Tsangshiq riika wranaiqshe, abot atsaü wa trangli, kiimaq maiqse maiqtsiiq wa trang tiimin li sitlo. Tsangshiq ka tsangshiq hon atsii abi rüm tlaq kra lamphanti. Tsangshiq ka maiqmii tiishomra sea wa tiimin li. Kiimaq maiq ka shomrasiq raüta, tsangshiq wok tiipaü wan, nanok ka hirii raüta mopsiq tlo.