Mark 14:36 - ASII LAKDAP Bible (BSI)

³⁶ Apaiq raq akha achu jaüto, “I we, i we le! Ümniiriika phanrap milot haü siisaq. Mai tlaq jiika, ngi raq nyang chang, ara chamchao kok arka, alam riibaiq laq. Shatmaq, kiitiina, ngi raq thapthi wantiikang kra phan phan ka riimak. Shatmaq ümniiraq jamkho thapthi tlaü kra phan phan tiihong laq.”

Hawa Naga Bible 2001

³⁶ “Abba, Iwaz lex! Mnoz rueq phvnx ruip saz lot yaq rvtueq. Vruex kuilc daz jamjaux ngoz yaq kok kuex ngvy kox wawc tvlvy kuq gay koq. Yuq muinz ngvy thuinroc rvmuq maq, mnoz thuinroc mruez kueq,” ngoz tueq vjux thoz tueq.

Muklom

³⁶ Piq aa romtam chu aa, “Iwa, nang aa thaji jin som eq u. Iri tsamnang kok ri nga wang tahang chak u. Etharin, nga chamal tathin ang shimal ang moq, nang aa chamal tathin u shimal hun som u.”

Mark 14:36 Referencias Cruzadas

RAPHA HIQWA LAK 18:14

Tatiwe raq lot mang chang phan ka asi shea? Ngi ngutiikang ara phan han, ümchaü armaq jipi lütiikaü silata Ngi ka ana mijangkiha. Kiimaq Sara raq ase maiqwe se ashi mihum.”

Tvtsvmc 40:8

Ngi raq ümtsanroro jaqsham ka kai lungwiitiikang, i Shiikeawe lei! ümniiraq ngi ma shrinkuqtlaü ka imongjii na shaqtiikang.”

JEREMIA 32:27

“Ngi ka Tatiwe, maiqse angu tarü ma Shiikeawe. Ngi miika jamlai phan min ahawiq ngutiika ahü.

Matthew 26:39

Kra ngu raütiishe, apaiq ka phanshi kongkhu linlin na wa raüta, hiq na bumtlii maq akha achu jaüto, “I We le, mai tlaq jiila ara chamchao kok arka i khum arwa alam riibaiq laq! Shatmaq arka ngi raq tiima tiikang kra thaq na seng raüta riimak. Shatmaq ümniiraq jamkho tiima tlaü kra thaq na seng laüta tiihong laq.”

Matthew 26:42

Kiimahali Jesuq ka thongshi ri hali kiho nongto. Raüta akha achu jaüto, “I We le, ara chamchao kok arka i khum wa lambaiq wan maimak, ngi raq nyang chang dongdii she rakitaq jiika, ümniiraq jamkho tiima tlaü, kra thaq na seng laütli tiihong laq.”

Matthew 6:9

Namshiq raq achu jaü ka akhli jaü wan lili ronglaq: ‘Ramungtan na siti na We: Ümmang asii kli mishreng laq;

Mark 10:27

Kiijiishe Jesuq raq tsangshiq pha nü na lii raüta akha chongkuqto, “Arka maiqse raq lot chang ka riimak. Shatmaq, Shiikeawe miika jam min harai mak. Shiikeawe riika phanrap milot siisaq.”

Mark 10:39

Kiijiishe “Milot hai” nguta tsangnai raq treto. Jesuq raq tsangnai ma hali chongto, “Kra ngutlan ka tengto. Ngi raq nyang tiikang chamchao kok ka, namnai riimin minyang han. Kiimaq ngi raq lam tiikang kiikhiisii, kham min milam han.

Mark 14:37

Riita kra achu jaü raütiishe, apaiq ka ajaqshisetiim wetsam phana hali wawan nongto. Shatmaq tsangshiq ka akon makaiq chhiwato. Kiijiishe apaiq raq Petar ma, “Simon, ümniika akon sha? Ümnaq ngi rai, nari shise dongdii min, asam maq ngalot maü sha?” nguta bomto.

John 12:27

“Riita, ümchaü ka ngi ma i tsan tsihea akhing she saü wato. Riita, ümchaü ngi raq jamlai she wa minguha? ‘I We loi, ara akhing ara ngi ma naq tiisaükiq dea,’ ngutiisha minguha? Shatmaq, kiikhiika ngulot mang. Ara jamkhano chong tiikang ngukla, ngi mangjong hiq na pokikang arka, ara chong tiikang chamchao wamong armaq lea wan miitu dongdii akiha!

John 18:11

Kiijiishe, “Ümnepja ka ahi na rei tlo laq! I We raq ngi ma akuq chamchao kok kra, ngi raq nyang mang miili lea wan chang ngutiisha tiima tlaü?” nguta Jesuq raq Petar ka sonto.

John 4:34

Kiijiishe Jesuq raq tsangshiq ma chongto, “Ngi ma dung ka, ngi tiikaiti we wak na minshiiq tiikang kra. Apaiq raq ngi ma jaqsham akuq tlot wan tiikang ahata, ngi ma dung pin.

John 5:30

“Ngi raq i tsiitsii maq tri raü ka sham mang. I We raq chongkuq tlaq kra phanphan li shin tiikang. Kriikha maq, ngi raq jamlai wa shin tiikang, kriika khaqkhaq shin tiikang. Ara jamkhano chongtiikang ngukla, ngi riika i mang jong miitu sham mang. Shatmaq, ngi tiikaiti we raq ahea nguta jamlai wa thimi tlaq, kriili sham tiikang.

Galatians 4:6

Riita, krai mren, namshiq ka asetiim she dea nguta, tiichhike miitu, Shiikeawe raq, Ase Winji, Asii Wenyi ka, nashiq mongjii niishe tiikito. Riita, krai mren, ara Wenyi nashiq mongjii na sitlaq ara raq, “Mangchan ajong rümti i We lei,” nguta achu jaütlo.

Philippians 2:8

Apaiq ka aranse ma jaraüta siwanto. Phaqchii nichii maq Shiikeawe bom tai raüta, pumsongkham na tsaito.

2 Timothy 2:13

Kiimaq nashiq raq, apaiq ka Tatiwe riimak nguta shishe hai jiimin, Apaiq ka Tatiwe li dongdii misi wan. Jamkhano ngukla, apaiq raq apaiq kiqkham ka, arot ma tiija baiq wan lot mak.”

Titus 1:2

Arka pattup pat-sa rilung ma ran tiikai kra thaq na seng raüta chong tlo. Shiikeawe ka rot mak phan, apaiq raq nashiq ma ara mikuqha nguta kiqkham kuqto, rapha hiqwa min mishaq niiphü dongdii,

Hebrews 6:18

Riita, arjaq chongtlaq, bomtsi ka anai. Shiikeawe raq mikuq ha nguta kiqkhamtaq kra nai apaiq raq sinkhamtaq bomtsi anai kra riito. Shiikeawe bomkham ngutlaq kriika, ümtiikiimin poiki mak phan. Krai mren, nashiq apaiq wokhong tiiwong na sitiikaitibi miika, tsailam jilam she sitiikai. Kiimaq nashiq raq alap chang sitlaq kriika, milap rong i dongdii nguta, ran tiikai. Laita kamto maq khe tiikai.