Mark 14:20 - ASII LAKDAP Bible (BSI)

²⁰ Jesuq raq treto, “Kriiwe ka namshiq roqshi ri wenai phong wa miraq. Jurwa ngi rai adam na weashaü tai winpin ashi na, awinsii phu ka tsam raüta miphaq, kriiwe ka miraq.

Hawa Naga Bible 2001

²⁰ Yesu rueq tvralc tueq, “Kvruex kuex nuimhez rokshiz rac wanueyc kvwawc washiz rvtueq, piq wanx kuex ngaz rulc roc nuex khaqwanc vshiz wawc htunc phuiuz naungc jix waz kvruex rvtueq.

Muklom

²⁰ Jesu aa batta, “Nim wasi wani jaktung wang ashey eq nga raa thalot phanáng; piq aa i jamoq phaksat rum phaksat aa.

Mark 14:20 Referencias Cruzadas

TAKSU LAK 19:24

Maiq wiijamti ka riinin pinthum, adung min tsoqsiq tsümak.

Matthew 26:23

Kiijiishe Jesuq raq treto, “Ümriiti riiwa apaiq winsii phu ka ngamtai winpin na ngi rai adam tsam raüta phaq tlaq, kriiwe raq ngi ka mishaphaq.

Matthew 26:47

Jesuq ka abom miiqshmiiq liipan niili, ajaqshisetiim roqshi ri wenai phong wa Judas ka saü wato. Apaiq rai maiq ka kongnyung kaüshi, tsangshiq ka nepja hi wiraq kiimaq klata piraq chhaq maq saü wato. Tsangshiq ka ramwe jongbi nai welabi raq atiiwa.

Mark 14:19

Kra tai raütiishe, ajaqshisetiim ka tsangshiq tsanbi watrang liishe riito. Kiimaq apaiq ma weshi shi maq, “Ümniiraq ngi nang ngo ka riimak ahiq na?” nguta apaiq ma bom ka tiitsang waiwito.

Mark 14:21

Riita Maiq Se riiwe kla, Asii Bomtsi na jamkhii tsai chang ngutiiwa waiq thütaq, kra phan phan dea mitsai wan. Shatmaq, Maiq Se shaphaqti we miika, pinthum phiiptsi chang asi! Apaiq ka anyung puk maq rawii chhiki mak dongdii ngu raü jiikhoti ahea riichang wa!” nguta Jesuq raq tsangshiq ma chongkuqto.

Mark 14:43

Jesuq ka ajaqshisetiim rai abom miiqshmiiq liipan niili she, ajaqshisetiim roqshi ri wenai phong wa, Judas Iskariot ka kiijaq saü wato. Apaiq rai maiq ka kongnyung kaüshi shea raü she saü wato. Tsangshiq ka jasai kiimaq kla ta doraq chhaq saü wato. Tsangshiq ka ramwe jongbi nai Thungtri shrinketibi kiimaq welabi raq atiiwa.

Luke 22:47

Jesuq ka ajaqshisetiim rai riibom rai liipan niili, apaiq lap wati maiqkong ka kiijaq saü wato. Ajaqshisetiim roqshi ri anai phong wa, Judas raq maiqkong ka shea raüta saü wato. Apaiq ka Jesuq tho na chapsaq raüta, Jesuq theaphi na shupwa manto.

John 13:26

Kiijiishe, “Ngi raq winsii phu ka weashaü tai pin na tsam lata, ümriiti mo kuq tiikang, kriiwe ka miraq,” nguta Jesuq raq apaiq bom ka treto. Krai mren, apaiq raq winsii phu ashi ka, weashaü tai pin na tsam raüta Simon Iskariot se Judas ma kuqto.

John 6:71

Apaiq raq ara tiithai raüta chong tlaq arka, Simon Iskariot se Judas kra ngo nang riito. Ara jamkhano tiithai tlaq ngukla, Judas ka ajaqshisetiim roqshi ri wenai phong wa ashi. Shatmaq, apaiq raq Jesuq ka maiq jaq khon mong na mishaphaq baiq wan.