Mark 14:18 - ASII LAKDAP Bible (BSI)

¹⁸ Raüta tsangshiq ka chamrii niishe ngato. Raüta, dungsea anga lam miishe, Jesuq raq tsangshiq ma akhiishe chongkuqto, “Ngi chongpha. Namtsam phong wa weshi raq ngi mishaphaq han. Apaiq ka ümchaü arjaq ngi rai adam na phaqsea damti we.”

Hawa Naga Bible 2001

¹⁸ Tsuinghez kuex humpanx tvroz tuimz nuex ngaungc vtueq phauk saq yaq nuex, Yesu rueq, “Ngaz rueq nuimhez muex vsuing jungx kuq ix, ngaz rulc vdvmz svy naungc jix nuimhez phungc wawc washiz rueq ngaz kuex tvshuk kuq gay phuex,” ngoz tueq.

Muklom

¹⁸ Ning phaksat eq ma tong atho Jesu aa batta, “Nga bat phang, nim jaktung wang ashey nga raa thalot phanáng.”

Mark 14:18 Referencias Cruzadas

Tvtsvmc 41:9

Itsanwawe shaq, ngi raq pinthum kamtiikangwe raq dongdii min, ngi rai dung pinshi na phaqseatiwe riimin, ngi ka shaphaq baiqto.

Matthew 26:21

Dungsea lam maq Jesuq raq akha tiithaito, “Ngi raq chongtiikang arka tengteng. Namtsam phong wa weshi raq ngi ka maiq ma mishaphaq han.”

Matthew 5:18

Ngi raq chongtiikang arka tengteng. Ra nai hiq ara siruq wiiwii, Thungtri raütu wa ralangse bomno bomni se dongdii min poiki mak phan miraq. Tri raütu wa bomtsi awea ka wiita kunkun miku wan.

Matthew 6:16

“Kiimaq namshiq raq amang maq achu jaü tlan akhing na, mongnam nok raq maiq ma tiichhi ma nguta tiichan miine jaü tlaq ikha, munjuk mijuk miika naq jaü rongkiq. Ngi raq chongtiikang arka tengteng. Tsangshiq raq Shiikeawe jaq wa poksi lap wan chang ka ahü she.

Matthew 6:2

“Arkha maq ümtiikiiwa ümnii- raq chamchao maiqse ma khrum jaqmiiq kuq tlaü akhing na mongnam nok raq chiiriim raüta sinagok maq nai chiiheawea maq nokwe raq michhi laq nguta kuqtlaq ikha naq kuqkiq. Tsangshiq raq akha klotlaq arka maiq raq tsangshiq ka mishom ra laq nguta klotlo. Ngi raq namshiq ma riikhaqli chongpha, tsangshiq raq Shiikeawe jaq wa poksi lap chang ka ahü she.

Matthew 6:5

“Namshiq raq ümtiikiiwa achu jaü tlan akhing na, mongnam nok raq jaü tlaq ikhiika, naq jaü rongkiq! Tsangshiq riika sinagok maq nai lamkii na chap raü raüta, maiq raq michhi laq nguta achu jaü tlo. Namshiq ma riikhaqli chongpha, tsangshiq raq Shiikeawe jaq wa poksi lap chang ka ahü she.

Mark 10:15

Ngi chongpha, tai ronglaq, jurwa ara nosere akha ja raüta, Shiikeawe Mungtan ka tao mak, kriiti ka ümtiikiimin Shiikeawe Mungtan na saülot mak miraq.”

Mark 10:29

Kiijiishe Jesuq raq tsangshiq ma akha chongkuqto, “Kriika tengto. Ngi chongpha. Jurwa ajam lo, aphu anotiim lo, ashea nyungtiim lo, anyung lo nai awe lo, asetiim lo, kiimaq awak thung lo, ngi miitu, kiimaq ara Asii tsütsa ara chongke jaqsham miitu baiqthü tlaqti riika,

Mark 14:17

Rashe ka rajiko niishe, Jesuq ka ajaqshisetiim roqshi ri wenai kra rai, kra jam niishe saühoto.

Mark 14:19

Kra tai raütiishe, ajaqshisetiim ka tsangshiq tsanbi watrang liishe riito. Kiimaq apaiq ma weshi shi maq, “Ümniiraq ngi nang ngo ka riimak ahiq na?” nguta apaiq ma bom ka tiitsang waiwito.

Mark 14:25

Ngi chongpha. Ngi raq ara spiqtai arka nyang nong mang she. Shiikeawe Mungtan na spiqtai anye kra shetiq minyang ha.”

Mark 14:9

Kiimaq ngi raq namshiq ma bom poshi chong pha. Taironglaq. Ara Tsütsa Ahea ara mangjong hiq hamli na, ümriibano chongkuqtlaq, kiijaq ümchaü arnyung raq ngi miitu jamlai wa shamkuqtaq armin, apaiq mang ka laqbaiq mak phan maq, chong kuq wan dam ruq she miraq.”

Mark 3:28

“Ngi chongpha, tai ronglaq, maiqse raq Shiikeawe man na, ahin ngarai tang tlaq kriika midii kuqlot,

Mark 6:11

Namshiq kitlan chelati raq, namshiq ka tao mak nai namshiq raq traho bom chongkuq tlan kra taimak she la riihaü jiila, namhok phi wa, botkhulai kra jai nü na nyi lanta naübaiq thü lantiishe wawan ronglaq. Kriika tsangshiq ma Shiikeawe manson ka asi lii nguta chongthü she!”

Mark 8:12

Shatmaq, Jesuq raq, atsitsü ka atsaü maq tiijang hea raüta, “Ümchaü pat wa maiqse raq awang chang jaqsham ka jaram wa rit tla? Ngi chongpha, kriika tiichhi kuq mak! Akhnok maiqse miika, tiichhi kuqmak!” nguta tsangshiq bom ka treto.

Mark 9:1

Kiimaq apaiq raq tsangshiq ma chongto, “Ngi chongpha, ümchaü arjaq maiq chapshatti phong arwa, wiijamti riika, Shiikeawe mungtan ka ningkun ajong maq saühotlaq kra chhithü hü maq tsai mak miraq.”

Mark 9:41

Ngi chong pha tiitsang tai ronglaq. Jurwa namshiq ka i sengi nguta, khamsang kokshi tsümkuq tlaq, kriiti raq dongdii min, apaiq rii poksi ka milap.”

Luke 11:51

Abel tsatbaiq wantaq kriimaq pha wan raüta, aluchiim nai Asii khok liipan na Jekeria tsat baiq wantaq, kra thun mat kha na, tsangshiq ka mitiichamchao wan. Ngi raq chongtiikang arka tengteng. Ümchaü pat wa maiq thun arka, arthun kha arjaq mitiichamchao wan!

Luke 22:21

“Shatmaq, liirong laq! Ngi shaphaqtiwe ka arjaq ngi rai dungsea dam asi!

Luke 4:24

Kra bom raütiishe Jesuq raq tsangshiq ma, “Shammi ngutlaq kriika, ahiqshongti raq tao mak,” ngutiishe tsangshiq ma chongkuqto.

John 1:51

Kiimaq apaiq raq, “Ngi raq chongtiikang arka tengteng. Ümchaü sanha namshiq raq mungtan kilü ka tiidishat she michhi han. Kiimaq Shiikeawe rasetiim ka, Maiq Se khuthaq na akiti aki, awati awa, adü asat, akhum ashiim she michhi han,” ngutiishe tsangnai ma chong kuqto.

John 13:18

“Shatmaq tiina, ngi raq ara chong tiikang arka wiitarü ma wanghap niika riimak. Ngi raq namshiq ka jamkhiinok maiqsetiim wa tsea wan kang, kriika ngi raq asap ha. Asii bomtsi na, ‘Ngi rai dung pinshi na sia wan damti we raq ngi ka shaphaqto’ nguta chong tlaq kriika tiiku wan chang dongdii.

John 13:21

Jesuq raq arthun traho bomtsi ara chongke lot ri li she, atsan mong na wekii maq athot ikha tsihea she tsi wanto. Kra ningkhan, apaiq raq kholam kholiiq she, “Ngi raq chongtiikang arka tengteng: Namtsam phong wa maiq weshi raq, ngi ara mishaphaq han,” nguta tiithaito.

John 13:22

Kra taiwi raütiishe, ajaqshisetiim ka ju nang wa tiithai tla ahiq nguta tiima raüta, awang rai rang rang rara riito.

John 13:38

Kiijiishe, Jesuq raq, “Ümniiriisha ngi miitu atsai mikham haü ngu kai? Ngi chongpha. Arka tengteng: Athi rawa li wupongwe ka miwa shaq liipan niili, ümniiraq ngi ka juwa sapmang nguta jangtsam mitiishaü baiq haü!” nguta Jesuq raq Petar bom ka treto.

John 21:18

Ngi raq chongtiikang arka tengteng: Man na, ümnaq jeroji niika, ümtsan maq ümnü na kai wa lungwii tlaü, ümchhü na jiikom chhüsaq laüta, kiinü na kiho tlaü. Shatmaq, ngi chongpha, ümniika ümtiikiiwa nyungwe she mija haü, kiitiikaq ümniiraq ümjaq ka mitiipii haü, kiimaq maiq ashi ra raq ümniika mikha. Raüta ümnaq kiro maü chang ba kiiniishe misheaho.”

John 3:11

Ngi raq chong tiikang arka tengteng: Naishiq raq jamlai wa saptiikai, kra chong tiikai. Kiimaq naishiq raq maiqmii mak maq jamlai wa chhi tiikai, kra namshiq ma chong kuq tiikai. Shatmaq, namshiq phong wa jurmin naishiq raq chong kuq tiikai tsütsa bomtsi arma kam man.

John 3:3

Kiijiishe, Jesuq raq treto, “Ngi raq chongtiikang arka tengteng: Maiqse raq rawü thong nai chhi mak wiiwii, jurmin Shiikeawe Mungtan ka chhiwan lot mak.”

John 3:5

Kiijiishe, Jesuq raq treto, “Ngi raq chongtiikang arka tengteng: Kham nai Asii Wenyi maq rawü chhihü wiiwii miika, jumin Shiikeawe Mungtan na nyap wa lot mak.

John 5:19

Kriikha maq, Jesuq raq tsangshiq bom ka treto, “Ngi raq chongtiikang arka tengteng: Ase raq apaiq tsii tsii miika jamlai phan sham akai min shamlot mak. Apaiq riika Awe jaqtho kra liiraü tli shamtlo. Awe raq jamlai wa sham tlaq, kriili Ase riimin shamtlo.

John 6:26

Kiijiishe, Jesuq raq treto, “Ngi raq chongtiikang arka tengteng: Namshiq raq ngi rit tlan arka, awang chang jaqsham kang kra liichum tak lantiika riimak. Shatmaq, namwok phetak chhaq phaqsiq lan kra miitu rit tlan.

John 6:32

Kiijiishe Jesuq raq tsangshiq ma chongto, “Ngi raq chongtiikang arka tengteng: Mosheq raq namshiq dungtaq winsii kriika ramung- tan winsii riimak.

John 6:47

Ngi raq chongtiikang arka tengteng: jurwa ngi ma kam tlaq, kriiti riika pattup pat-sa rilung alap wan wishe.

John 6:70

Kiijiishe, Jesuq raq treto, “Ngi raq namshiq ka roqshi ri wenai tsea wan pha riimak sha? Kra taü maq dongdii min, namtsam phong wa weshi ka tha kaü!”