Mark 14:11 - ASII LAKDAP Bible (BSI)

¹¹ Tsangshiq raq Judas bom ka tai raüta, tsangshiq ka kai khoqriiq khiq she riito. Kiimaq apaiq ma kampho mikuq i nguta bom ka treto. Kra miiphat she, Judas raq Jesuq ka tsangshiq jaqkhon mong ma shaphaq baiq miitu, akhing ka liishat she riito.

Hawa Naga Bible 2001

¹¹ Tsuingshiq kuex piq rueq jungx kaz tueq kvjaz kuex tay vtueq, kokez wuez ruiux piq muex kuimphox kuy tvkoc bomkhvmc kuq tueq. Kvkhoc rvtueq Yesu kuex mkhoc maq raz tueq tsuingshiq yauk nuex tvshuk lekuy gay juing lac vhvlx vkhing kuex thuiyx tueq.

Muklom

¹¹ Esha tat eq ning sungrang angta etho piq ma ngin kot ma batta. Ethiji wang, Judas aa Jesu thalot rangma lam bita.

Mark 14:11 Referencias Cruzadas

1 HOKHVMX 21:20

Kiitiikaq Ahab raq Elija ka chhi raüta, apaiq raq nguto, “Ijaqtiwe loi, ümniiraq ngi hali chhirat wa nong laü nya?” “O, tengto. Ngi raq ümniika humrat kang,” nguta Elija raq treto. “Ümniiraq ümrilung ka Tatiwe makki na jamlai wa ashut kra klowan niilishe dea kiinong kuqbaiq laü kata.

2 HOKHVMX 5:26

Shatmaq Elisha raq treto, “Kra maiqwe ka kumrang leng maq satki raüta ümniirai riihumtaq akhing na, ngi ka wenyi na ümniirai adam asi riikang mak shea? Ümchaü akhing arka maiq jaq wa kampho kiimaq khu akhea, olip petsiro kiimaq spiqro bagan, skusekong, kiimaq minsaü kong, lo kiimaq jaqshisetiim kong jaü wan akhing riimak!

Hosea 7:3

Tatiwe raq ngutlo, “Mungmaiqse raq, ashut kiimung raüta tsang hokham laotlo. Luletsii chongkuq raüta welabi, lamjiq na sheahotlo.

Matthew 26:14

Kra jai maq, ajaqshisetiim roq- shi ri wenai phong wa weshi, Judas Iskariot ngutlaq kriiwe ka ramwe jongbi phana kito.

Matthew 26:15

Raüta apaiq raq tsangshiq ma akha waito, “Ngi raq Jesuq ka namshiq ma lapkuq hajaq, namshiq raq ngi ma jamlai wa mikuq han?” Kra tai raüta tsangshiq raq kampho kamsii roqtsam kra wea raüta apaiq ma ajaq na tiisham kuqto.

Mark 14:10

Kra akhing na ajaqshisetiim roqshi ri wenai phong kiiwa weshi Judas Iskariot kriika, ramwe jongbi phana, Jesuq ka shaphaq kai she kihoto.

Mark 14:12

Pi Maq Shohü Winsii Phaq Poi pha wan ranaiq ka Tiichhii Wan Poi na phaq chang sku setiim ta wan akhing ranaiq riito. Kra ranaiq na Jesuq jaqshisetiim raq, “Ümniima Tiichhii Wan Poi Dung ka ümbano mitiijeho hai?” nguta apaiq ma bom ka waito.

Luke 22:3

Kiijiishe, ajaqshisetiim roqshi ri anai phong wa weshi, Judas Iskariot khum na Thawe ka shang wato.

1 Timothy 6:10

Ara jamkhano chongtiikang ngukla, tsiiq nai nyam ma sükha tsii raq, maiqse ka phanrap abi lam phan nü na shea ho tlo. Phungmaiqse wa maiq wiijamti ka, tsiiq anyam ma sühea kha maq, kampho apapa lap hai jaq nguta, tsiiq anyam ritlai anguli she, Shiikeawe lamphan wa, lamjiq nü niishe kiho wito. Raüta, rokngoq riingoq chamchao chapa riihum raüta, tiishudaq tlo.

Jude 1:11

Tsangshiq miika kai phiiptsi wan chang sitlo! Tsangshiq ka Kain jai phanti. Kiimahali, kampho ma süram raüta, Balaam raq ngarai tangtaq, kra lamphan na hali, ümchaü tsangshiq armin kiho nong tlo. Tsangshiq arka, Kora raq jamkho pong wela ja ngarai tangtaq, kiikha ngarai tang tlo. Apaiq ka jamkho thumtaq, kra niq riri sii hali, tsangshiq armin then wanto she.